Kessaabaa 1:14 - Wolaytta Bible

¹⁴ Wolqqaama oosuwan, siminttuwaaninne xuubiyaa meruwan, qassi shooqan oottiyo ubba qommo oosuwan, eta de7uwaa camettidosona; bantta daafurssiya ooso ubbaa qareti bainnan eta ootissidosona.

Kessaabaa 1:14 ပူးပေါင်းရင်းမြစ်များ

Doomettaabaa 15:13

Yaatin GODAI a, “Ne zerettai hara biittan bete gididi de7anaagaa neeni tumuppe era; eti ailletidi oiddu xeetu laittaa naaqettana.

Kawotu Maxaafaa Koiruwaa 12:14

yelagati zorido zoriyaa kaalliis. Yaatidi hagaadan yaagiis; “Ta aawai intte qambbaraa deexettiis; shin taani hegaappekka aattada deexettana. Ta aawai inttena lissuwan wadhdhiis; shin taani inttena masimasuwaadan dukkiya lissuwan wadhdhana” yaagidi zaariis.

Mazamure Maxaafaa 129:1

Israa7eela asai hagaadan yaago; “Eti ta yelagatettaasappe doommidi, tana huqqunnidosona.

Mazamure Maxaafaa 68:13

PHooliya worqqa qefiyaara de7iya, biraappe merettida haraphphiyaa misiliyaa omoodoi, dorssaa birddiyaa giddon aqiyaageetakka gakkiis” yaagidosona.

Mazamure Maxaafaa 81:6

“Intte hashiyaappe toohuwaa wottaas; intte kushiyaa keshiyaappe shemppissaas.

Kessaabaa 1:11

Hegaa gishshau, deexo oosuwan eta tuggayana mala, eta bolli meqetti bainna kaabbota sunttidosona. Eti kawuwaayyo Piitoomanne Raamisa giyo aibakko minjjiyo katamata keexxidosona.

Kessaabaa 1:13

yayyidi etau biittaa goggidi ootissidosona.

Kessaabaa 1:15

Gibxxe kawoi Ibraawe maccaasata maaretissiya Xippaaronne Puuho giyo naa77u maccaasata hagaadan yaagiis;

Kessaabaa 2:23

Daro laittaappe guyyiyan, Gibxxe kawoi haiqqiis. Israa7eelati bantta ailletettaappe oolidosonanne waassidosona; bantta ailletettaappe eti waassido waasoi pude Xoossaakko gakkiis.

Kessaabaa 20:2

“Nena Gibxxeppe ailletettaa biittaappe kessida GODAI ne Xoossai tanattennee.

Kessaabaa 6:9

Muusee hagaa Israa7eelatuyyo yootiis; shin eta heennai meqqido gaasuwaaninne meqetti bainna ailletettaa gaasuwan a qaalaa siyibookkona.

Leemiso Maxaafaa 28:15

Hiyyeesa asaa haariya iita daannai gudiya gaammuwaanne namisettida godariyaa mala.

Isiyaasa 10:24

Hegaa gishshau, Godai, Ubbaappe Wolqqaama GODAI hagaadan yaagees; “Xiyoone kataman de7iya ta asatoo, Gibxxeti oottidoogaadan, Asooreti inttena xam77an shociyo wodenne bantta gatimaa intte bolli denttiyo wode yayyoppite.

Isiyaasa 51:23

Taani hegaa nena tuggayiyaageetu kushiyan wottana. Eti nena, 'Nuuni ne bollaara hemettidi aadhdhana mala, zaqqulla' yaagidosona. Yaagin neeni aadhdhana gakkanau, ne zokkuwaa etau biittadaaninne ogedan oottadasa” yaagees.

Isiyaasa 52:5

Yaatin, ta asai waaga qanxxennan coo omooduwan biichchin, tau hagan aibee de7iyai? Eta haariyaageeti waassoosona; ta sunttaikka ubbatoo gallassa kumettaa cayettees.

Isiyaasa 58:6

“Taani doorido xoomaa hagaa be7ite: pirddan naaqqidi qachchidoogeetu sanssalataa lefettiyoogaa, qambbaraa gonniyaa birshshiyoogaa, huqqunnettidaageeta huqqunnuwaappe kessiyoogaanne qambbara ubbaa menttiyoogaa.

Wogaabaa 25:43

Neeni eta meqettaa iitada haaroppa; shin neeni ne Xoossau yayya.

Wogaabaa 25:46

Neeppe guyyiyan ne naati eta merinau laattana mala, ne naatuyyo imma. Neeni etappe ubba wodekka aille shammanau danddayaasa; shin ne isha gidiya Israa7eela asa meqettaa iitada haaroppa.

Wogaabaa 25:53

I laittan laittan kera oottiya asadan bana shammidaagaara de7oppe attin, intte xeelliiddi Israa7eela asa gidiya bitaniyaa meqettaa iitidi haaroppite.

Mikiyaasa 3:3

Intte ta asaa ashuwaa meeta; eta galbbaakka etappe qaareeta; eta meqettaa mentterettidi, eta ashuwaakka xaaruwan yegganau muxiyoogaadan muxeretteeta” yaagaas.

Naahooma 3:14

Ne morkketi nena dooddidi un77ettiyo wode uyanau haattaa tikka. Ne qatotakka mintta; urqqaa yedhdha; yedhdhada appe xuubiyaa medhdhiyo miishshan xuubiyaa giigissa.

Qoodaabaa 20:15

Nu maizza aawati duge Gibxxe wodhdhidosona; yan nuuni daro laittaa de7ida. Gibxxeti nunanne nu aawata huqqunnidosona.

Yesuusi Kiittidoogeetu Oosuwaa 7:19

He kawoi nu zariyaa cimmidi, guutta naati haiqqana mala, kare eta kessi olanaadan, nu aawata un77ettiis.

Yesuusi Kiittidoogeetu Oosuwaa 7:34

Taani Gibxxen de7iya ta asaa waayiyaa geeshsha be7ada, qassi eta ooliyaakka siyada, eta ashshanau wodhdhaas. Ha77i haa ya. Taani nena Gibxxe kiittana’ yaagiis.

Zaarettido Wogaa 26:6

Hegaa be7idi, Gibxxeti nuuyyo meqettaa iitidosona; nuna un77ettidosona. Nu oottanaadan deexo oosuwaa nu bolli caanidosona.

Zaarettido Wogaa 4:20

SHin GODAI inttena hachchi intte gidiyoogaadan, baayyo dummatida asa oottanau birata cooce mala gidiya Gibxxeppe kessidi ehiis.

Uruti Maxaafaa 1:20

A zaarada eta, “Tana, 'Naa7oomo' gooppite; 'Camettidaaree' giite. Aissi giikko, Ubbaa Danddayiya Xoossai ta de7uwaa daro camettiis.