Kawotu Maxaafaa Koiruwaa 8:56 - Wolaytta Bible

⁵⁶ “I kase haasayido ba qaalaadan ba asaa Israa7eela shemppissida GODAI galatetto; i ba ashkkaraa Muuse baggaara immido lo77o ufaissai ubbai polettiis.

Kawotu Maxaafaa Koiruwaa 8:56 ပူးပေါင်းရင်းမြစ်များ

Kawotu Maxaafaa Naa77anttuwaa 10:10

Yaatikko simmi GODAI Akaaba zaretu bolli yootidoogaappe issi qaalinne sa7an wodhdhennaagaa inttiyo erite. Aissi giikko, GODAI ba ashkkaraa Eelaasa baggaara yootidobaa poliis” yaagiis.

Hanidabaa Odiya Koiro Maxaafaa 16:36

GODAI Israa7eela Xoossai merinaappe merinaa gakkanaayyo galatetto! Hegaappe guyyiyan asai ubbai, “Amin77i” giidi, GODAA galatiis.

Hanidabaa Odiya Koiro Maxaafaa 22:9

Be7a; neeyyo issi saro na7i yelettana. A yuushuwan de7iya morkketu ubbaara taani a saro oottana. A sunttai Solomona; taani i kawotido laittan Israa7eela asaayyo sarotettaanne woppaa immana.

Hanidabaa Odiya Naa77antto Maxaafaa 14:6

Kawoi Asi Yihudan de7iya katamatussi qatota medhdhiis. GODAI a shemppissido gishshau, biittaikka shemppiis; he laittatun aara ooninne olettibeenna.

Kessaabaa 18:10

Ufaittidi, “Inttena Gibxxetu kushiyaappenne kawuwaa kushiyaappe ashshida GODAI, Gibxxetu kushiyaappe asaa kessi ekkidaagee, i galatetto.

Luqaasa 21:33

Saloinne sa7ai aadhdhana; shin ta qaalai mulekka aadhdhenna.

Zaarettido Wogaa 12:10

SHin intte Yorddaanoosa pinnidi, GODAI intte Xoossai immiyo he biittaa laattidi, intte yan uttana. Inttena dooddida morkketuppe inttena i shemppissiyo gishshau, intte woppu giidi hegan de7ana.

Zaarettido Wogaa 12:12

Intte, intte attumanne macca naati, attumanne macca ashkkaratinne inttenaara laata ekkibeenna intte kataman de7iya Leewatuurakka issippe hegan GODAA intte Xoossaa sinttan ufaittite.

Zaarettido Wogaa 3:20

Hegeenne, GODAI inttena shemppissidoogaadan, intte ishanttakka shemppissana gakkanaashiinanne, qassi Yorddaanoosa SHaafaa hefinttan, GODAI intte Xoossai etayyo immiyo biittaa eti ekkana gakkanaashiina. Hegaappe guyyiyan, intte huuphiyan huuphiyan, taani intteyyo immido biittaa simmeeta' yaagaas.

Sameela Maxaafaa Koiruwaa 3:19

Sameeli dicciyo wode GODAI aara de7ees; Sameeli haasayidobaappe issi qaalinne sa7an wodhdhenna.