Kawotu Maxaafaa Koiruwaa 8:43 - Wolaytta Bible

⁴³ neeni de7iyoosan saluwan siya. Ne asati Israa7eelati eriyoogaadan, sa7an de7iya asai ubbai ne sunttaa erana malanne neeyyo yayyana mala, qassi taani keexxido ha Beeta Maqidasee, neeyyo goinniyo soho gididoogaa eti erana mala, he kare biittaa asi nena woossiyoobaa ayyo pola.

Kawotu Maxaafaa Koiruwaa 8:43 ပူးပေါင်းရင်းမြစ်များ

Kawotu Maxaafaa Koiruwaa 18:36

Omarssa yarshshuwaa shiishshiyo wodee gakkin, hananabaa yootiya Eelaasi yarshshiyoosaa shiiqidi hagaadan yaagidi woossiis; “Abeet GODAU, Abrahaama Xoossau, Yisaaqa Xoossau, Israa7eela Xoossau, neeni Israa7eela biittan Xoossa gidiyoogeenne, taanikka ne ashkkara gidiyoogeenne, qassi taani hagaa ubbaa ne qaalan oottiyoogee hachchi eretto.

Kawotu Maxaafaa Koiruwaa 8:60

Hegeenne, sa7an de7iya asai ubbai GODAI Xoossaa gidiyoogaanne appe attin hara xoossi bainnaagaa eranaassa.

Kawotu Maxaafaa Naa77anttuwaa 19:19

Abeet GODAU, ne xalaalai Xoossaa gidiyoogaa sa7aa kawotettati ubbai erana mala, ha77i simmi, GODAU, nu Xoossau, neeni nuna a kushiyaappe wotta ekka!” yaagidi woossiis.

Hanidabaa Odiya Koiro Maxaafaa 16:8

GODAA galatite; a sunttaa xeesite. I oottidobaa kawotettatu gidduwan erissite.

Hanidabaa Odiya Naa77antto Maxaafaa 6:33

neeni de7iyoosan saluwan siya. Siyada he kare biittaa asi oichchiyoobaa ubbaa ootta. Ha sa7aa asai ubbai ne sunttaa eranaadan, ne asaa Israa7eeladan neeyyo yayyanaadaaninne taani keexxido ha Beeta Maqidasee neeyyo goinniyo soho gididoogaa eti eranaadan kare biittaa asi nena woossiyoobaa ubbaa pola.

Mazamure Maxaafaa 102:15

Kawotettati GODAA sunttaayyo yayyana; sa7aa kawoti ubbai a anggaayyo dagammana.

Mazamure Maxaafaa 22:27

Sa7aa gaxaa gakkanaassi de7iya asai ubbai hassayidi, GODAAKKO simmana. Asa zare ubbai assi goinnana.

Mazamure Maxaafaa 33:14

GODAI ba de7iyoosaappe sa7an de7iya ubbaa xeellees.

Mazamure Maxaafaa 67:2

Ne ogeti ha sa7aa bollan, ne ashshiya wolqqaikka kawotettatu ubbaa gidduwan erettona.

Mazamure Maxaafaa 86:9

Abeet Godau, neeni medhdhido kawotettaa asai ubbai yiidi, ne sinttan gulbbatana; eti ne sunttaa bonchchana.

Isiyaasa 11:9

Ta geeshsha deriyan ooninne qohettenna, woikko bayenna; aissi giikko, abbai haattan kumiyoogaadan, sa7ai GODAA eriyoogan kumana.

Ermmaasa 25:29

Be7ite, taani ta sunttan xeesettida katamaa bolli iitabaa oottanau doommais. Yaanin intte qaxxayettennan attidi buuteetii? Intte qaxxayettennan attidi beekketa! Aissi giikko, taani sa7an de7iya ubbaa bolli bisuwaa xeesais. Taani Ubbaappe Wolqqaama GODAI hagaa odaas” yaagees' yaaga.

Zaarettido Wogaa 26:15

Neeni de7iyo geeshsha sohuwaappe, saluwaappe haa duge xeella; ne deriyaa Israa7eelanne kase nu maizza aawatuyyo ne immana gaada caaqqidoogaadan nuussi immido ha maattainne eessai goggiyo biittaa anjja' yaaga.

Yaasu Maxaafaa 4:23

Nuuni pinnana gakkanaassi, GODAI nu Xoossai Zo7o Abbaa kase nu sinttan melissidoogaadan, inttekka pinnana gakkanaassi, GODAI intte Xoossai Yorddaanoosa SHaafaa intte sinttan melissiis.

Yaasu Maxaafaa 4:24

Hegaa i oottidoogee sa7an de7iya asai ubbai GODAA wolqqai ai keena gitakko eranaassanne inttekka GODAU, intte Xoossau, merinau yayyanaassa” yaagiis.

Ajjuutaa 11:15

Hegaappe guyyiyan, laappuntta kiitanchchaikka ba malkkataa punniis. Saluwan, “Sa7aa kawotettai ha77i nu Godaassanne a Kiristtoosassa; qassi merinaappe merinaa gakkanaassi i haarana” yaagiya wolqqaama cenggurssai siyettiis.

Sameela Maxaafaa Koiruwaa 17:46

Hachchi GODAI nena ta kushiyan aatti immana; taani nena shocana; ne qooriyaakka muuca olana. Pilisxxeema olanchchatu ahaa saluwaa kafotuyyoonne sa7aa do7atuyyo taani hachchi immana; yaatin, Israa7eelan Xoossai de7iyoogaa sa7an de7iya asai ubbai erana.