Kawotu Maxaafaa Koiruwaa 8:40 - Wolaytta Bible

⁴⁰ Yaatikko, neeni nu maizza aawatuyyo immido biittan de7iyo wode ubban, eti neeyyo yayyana.

Kawotu Maxaafaa Koiruwaa 8:40 ပူးပေါင်းရင်းမြစ်များ

Doomettaabaa 22:12

Koyin a, “Na7aa bollan ne kushiyaa wottoppa; a ainne oottoppa; neeni ne mexi issi na7aakka tana diggabeenna gishshau, neeni Xoossau yayyiyaagaa gidiyoogaa taani ha77i erais” yaagiis.

Kawotu Maxaafaa Koiruwaa 8:39

neeni de7iyoosan saluwan siya. Siyada eta nagaraa atto yaaga; yaatada etau ootta. Neeni asaa wozanaa eriyoogaadankka, asa ubbau a oosuwaadan oosuwaadan imma. Aissi giikko, asaa ubbaa wozanaa eriyai ne xalaala.

Kawotu Maxaafaa Koiruwaa 8:41

“Hegaadankka, ne asaa Israa7eela gidenna kare biittaa asi ne gita sunttaabaanne neeni ne asaayyo oottido maalaalissiya oosotubaa siyidi, haaho biittaappe yiidi, ha Beeta Maqidasiyaakko simmidi, nena woossikko,

Mazamure Maxaafaa 115:13

GODAASSI yayyiyaageeta, guuttatakka gitatakka i gatto anjjana.

Mazamure Maxaafaa 130:4

SHin nuuni nena bonchchidi azazettana mala, nuuyyo atto yaagaasa.

Kessaabaa 20:20

Muusee asaa, “Xoossai inttena paaccanau, nagaraa intte oottenna mala, a yashshai intte wozanan de7anaadan, i yiido gishshau yayyoppite” yaagiis.

Hoose7a 3:5

Hegaappe guyyiyan, Israa7eela asai simmidi, GODAA bantta Xoossaanne Daawita bantta kawuwaa koyana; koyidi wurssetta gallassatun eti kokkoriiddi, GODAAKKONNE a anjjuwaakko yaana.

Yesuusi Kiittidoogeetu Oosuwaa 10:2

Qornneliyoosi Xoossaa daro ammaniya asanne ba so asa ubbaara issippe Xoossaassi goinniya asa; Aihuda hiyyeesaakka i daro maaddees; qassi Xoossaa ubba wode woossees.

Yesuusi Kiittidoogeetu Oosuwaa 9:31

Yihudan, Galiilaaninne Samaariyan ubban de7iya woosa keettati sarotettan de7idosona; qassi minnidosona; Godaassi yayyiyoogaaninne Geeshsha Ayyaanaa maaduwan heemettiiddi, qoodankka dari dari biidosona.

Zaarettido Wogaa 12:1

“Intte laattanaadan, GODAI intte aawatu Xoossai intteyyo immido biittan intte de7ido keenan ubban intte balennan oottana awaajotinne higgeti, hageeta.

Zaarettido Wogaa 6:13

GODAAYYO, intte Xoossaayyo, yayyite; a xallaayyo goinnite; a sunttankka caaqqite.

Zaarettido Wogaa 6:2

Intte laittai adussa gidana mala, intte, intte naatinne intte naatu naatikka taani hachchi inttena azaziyo GODAA awaajuwaanne higgiyaa naagiyoogan intte laittan ubban GODAASSI, intte Xoossaassi yayyite.

Ibraawe 12:28

Nuuni qaaxxanau danddayenna kawotettaa ekkiyo gishshau, ane Xoossaa galatoosinne a ufaissoos; au bessiyoogaadan bonchchuwaaninne yashshatettan au goinnoos.

Yaasu Maxaafaa 4:24

Hegaa i oottidoogee sa7an de7iya asai ubbai GODAA wolqqai ai keena gitakko eranaassanne inttekka GODAU, intte Xoossau, merinau yayyanaassa” yaagiis.

Ajjuutaa 15:4

Godau, neeyyo yayyennainne ne sunttaa bonchchennai oonee? Aissi giikko, geeshshai ne xalaalaa. Asa zare ubbai yiidi, ne sinttan goinnana; aissi giikko, ne xillo oosoi ubbaayyo qoncciis” yaagidi zammaroosona.

Ajjuutaa 19:5

Hegaappe guyyiyan, “Xoossaa ashkkara ubbai, Xoossaayyo yayyiya guuttai gitai ubbai nu Xoossaa galatite” yaagiya cenggurssai kawotaa araataappe kiyiis.

Sameela Maxaafaa Koiruwaa 12:24

GODAAYYO yayyite; intte kumetta wozanaappe ammanettidi, ayyo kiitettite; intteyyo i oottido gitabaa hassayite.