Kawotu Maxaafaa Koiruwaa 8:36 - Wolaytta Bible

³⁶ Siyada ne ashkkaratu nagaraa, ne asaa Israa7eela nagaraa atto yaaga. Eti hemettanau bessiya lo77o ogiyaa eta tamaarissa; yaatada neeni ne asaa laatissido biittan iraa bukissa.

Kawotu Maxaafaa Koiruwaa 8:36 ပူးပေါင်းရင်းမြစ်များ

Kawotu Maxaafaa Koiruwaa 18:1

Irai xayoosappe heezzantto laittan, unddenna aginai aadhdhin GODAI Eelaasa, “Ba; baada Kawuwaa Akaabayyo beetta. Taani ha biittan iraa bukissana” yaagiis.

Kawotu Maxaafaa Koiruwaa 18:41

Eelaasi Akaaba, “Kiyada ba; baada ma uya. Aissi giikko, wolqqaama iraa gunttai siyettees” yaagiis.

Kawotu Maxaafaa Koiruwaa 18:45

Guutta keenaa gam77ishin, saloi shaaraa dulkkiis; carkkoikka carkkiis; wolqqaama iraikka bukkiis. Akaabi paraa gaariyan uttidi Iziraa7eela katamaa biis.

Mazamure Maxaafaa 119:133

Neeni giido qaalaadan ta hemetaa suurissa; ai nagarinne tana haaroppo.

Mazamure Maxaafaa 119:33

Abeet GODAU, ne anjjuwaa birshshettaa tana tamaarissa; taani wurssettai gakkanau a naagana.

Mazamure Maxaafaa 143:8

Taani nena ammanettiyo gishshau, maallado aggenna ne siiquwaabaa tana sissa. Taani ta shemppuwaappe nena woossiyo gishshau, taani baanau bessiya ogiyaa tana tamaarissa.

Mazamure Maxaafaa 25:12

GODAASSI yayyiya asi oonee? I kaallanau bessiyo ogiyaa GODAI a tamaarissana.

Mazamure Maxaafaa 25:8

GODAI kehanne suure; hegaa gishshau, nagaranchchata ba ogiyaa tamaarissees.

Mazamure Maxaafaa 27:11

Abeet GODAU, ne ogiyaa tana tamaarissa; ta morkketu gishshau, tana suure ogiyaa kaaletta.

Mazamure Maxaafaa 32:8

GODAI, “Taani nena erissananne neeni baanau bessiya ogiyaa nena tamaarissana; taani nena zorananne naagana.

Mazamure Maxaafaa 5:8

Abeet GODAU, ta morkketu gishshaassi gaidda, tana ne xillotettan kaaletta; ne ogiyaa ta sinttan sittissa.

Mazamure Maxaafaa 68:10

Ne asainne yan uttiis. Abeet Xoossau, ne kehatettan hiyyeesatussi koshshiyaabaa giigissada immadasa.

Mazamure Maxaafaa 68:9

Abeet Xoossau, neeni iraa darissada bukissadasa; qa77ettida biittaa zaarada ooraxissadasa.

Mazamure Maxaafaa 86:11

Abeet GODAU, taani ne tuman hemettana mala, tana ne ogiyaa tamaarissa. Taani ne sunttaayyo yayyana mala, taayyo issi wozanaa imma.

Mazamure Maxaafaa 94:12

Abeet GODAU, neeni seeriyonne ne higgiyaappe tamaarissiyo asi anjjettidaagaa.

Isiyaasa 30:21

Intte ushachchi woikko haddirssi simmiyo wode, guyyeera inttena, “Ogee hagaa; an biite” yaagiya cenggurssaa intte siyana.

Isiyaasa 35:8

Yan aaho ogee de7ana; ikka Geeshshatettaa Ogiyaa geetettana. Geeshsha gidennaageeti he ogiyaara kanttokkona. SHin i geeshshatussa gidana; iita eeyyati an simerettokkona.

Ermmaasa 14:22

Woni kawotettatu eeqatuppe issoi ira bukissanau danddayii? Saloi ba sheniyan diifiyaa duge kiittanau danddayii? Danddayenna! Abeet GODAU, nu Xoossau, hegaa danddayiyaagee nena! Hagaa ubbaa oottiyaagee nena gidiyo gishshau, nuuni nenan ufaissaa oottoos.

Ermmaasa 42:3

Nuuni biyo ogiyaanne nuuni oottanabaa i nuna bessanaadan, GODAA ne Xoossaa nu gishshatau woossa” yaagidosona.

Ermmaasa 6:16

GODAI hagaadan yaagees; “Ogiyan eqqidi xeellite; beni loossoti de7iyoosaa oichchite. 'Lo77o ogee awan de7ii?' yaagidi oichchitenne an hemettite. Yaatidi intteyyo shemppi ekkite. Yaagin intte, 'Nuuni he ogiyan hemettokko!' yaagideta.

Yuu7eela 2:23

Inttenoo Xiyoone asatoo, ufaittite; GODAN, intte Xoossan, hashshu giite! Aissi giikko, i badhdheesaa iraa intteyyo darissidi immiis; qassi i kaseegaadan, intteyyo badhdheesaa iraanne ofinttaa iraa gidissidi immiis.

Mikiyaasa 4:2

Daro kawotettatu asai yiidi, “Haayite; GODAA deriyaa, Yaaqooba Xoossaa Beeta Maqidasiyaa ane pude kiyoos. I koyiyoogaadan nuuni baana mala, i nuna ba ogiyaa tamaarissana” yaagana. Aissi giikko, higgee Xiyooneppe, GODAA qaalaikka Yerusalaameppe kiyana.

Maatiyoosa 22:16

Qassi bantta erissiyo ashkkaratuppenne Heeroodisa baggatuppe amaridaageeta akko kiittidosona. Kiittin eti, “Tamaarissiyaagoo, neeni tumaa haasayiyoogaanne Xoossaa ogiyaa tumatettan tamaarissiyoogaa nuuni eroos; aissi giikko, neeni asappe asa shaakkakkanne dummayakka.

Sameela Maxaafaa Koiruwaa 12:23

Intte gishshau woossiyoogaa aggada GODAA bolli nagaraa oottanaagee taappe haakko; taani inttena lo77onne suure ogiyaa tamaarissana.