Kawotu Maxaafaa Koiruwaa 8:34 - Wolaytta Bible

³⁴ neeni saluwan siya. Siyada ne asaa Israa7eela nagaraa atto yaaga; yaatada neeni kase eta maizza aawatuyyo immido biittau eta guyye zaara.

Kawotu Maxaafaa Koiruwaa 8:34 ပူးပေါင်းရင်းမြစ်များ

Doomettaabaa 13:15

Ha neeni xeelliyo biitta ubbaa taani neeyyoonne ne zariyaayyo merinau immana;

Kawotu Maxaafaa Koiruwaa 8:30

Taani ne ashkkarainne ne asai Israa7eeli ha Beeta Maqidasiyaakko simmidi, watiwatiyo watiwatuwaa neeni siya. Neeni de7iyoosan saluwan siyada, nuuyyo atto yaaga.

Kawotu Maxaafaa Koiruwaa 8:33

“Ne asai Israa7eeli ne bolli nagaraa oottido gaasuwan morkkiyan xoonettidi, eti neekko simmidi, ne sunttaa xeesidi, ha Beeta Maqidasiyan nena woossikkonne neeyyo watiwatikko,

Kawotu Maxaafaa Koiruwaa 8:35

“Ne asai ne bolli nagaraa oottido gaasuwan saloti gorddettiininne irai bukkennan ixxin, eti ha sohuwaa simmidi, woossikkonne neeni eta un77ettido gishshau ne sunttaa xeesidi, bantta nagaraappe simmikko, neeni saluwan siya.

Mazamure Maxaafaa 106:46

Eta omooddida ubbai etau qarettanaadan oottiis.

Mazamure Maxaafaa 106:47

Abeet GODAU, nu Xoossau, nuna ashsha. Nuuni ne geeshsha sunttaa galatanaadaaninne ne bonchchuwan ceeqettanaadan, kawotettatu giddoppe nuna shiishsha.

Mazamure Maxaafaa 85:2

Neeni ne asaa naaquwaa atto gaadasa; eta nagaraa ubbaa quccadasa.

Kessaabaa 6:8

Qassi taani inttena Abrahaamayyo, Yisaaqayyoonne Yaaqoobayyo immanau ta kushiyaa denttada caaqqido biittau ehaana; he biittaa taani intteyyo intte gade oottada immana; taani GODAA' yaaga” yaagiis.

Ermmaasa 31:27

GODAI hagaadan yaagees; “Taani Israa7eela biittaaninne Yihudaa biittan asaanne mehiyaa kunttiyo wodee yaana.

Ermmaasa 32:37

“Be7ite, taani ta suulo hanqquwaaninne ta gita yiilluwan eta laalido biitta ubbaappe shiishshana; shiishshada ha sohuwaa zaarada ehaada, eti sarotettan de7anaadan oottana.

Daaneela 9:12

Qassi nu bollinne nuna kaalettiyaageetu bolli gita bashshaa ehaanau neeni haasayido qaalaa nu bolli poladasa. Aissi giikko, Yerusalaame bolli gakkidabaa mali saloppe garssan hara biittaa bolli mulekka gakkibeenna.

Daaneela 9:19

“Abeet Godau, siya! Abeet Godau, atto ga! Abeet Godau, ezgganne ootta! Ne katamainne ne asai ne sunttan xeesettido gishshau, abeet ta Xoossau, ne sunttaa gishshau gam77oppa” yaagaas.

Daaneela 9:25

“Hegaa gishshau, hagaa eranne akeeka. Yerusalaame katamai bottokonettanaunne keexettanau azazoi kiyido gallassaappe biidi Halaqai Masee yaana gakkanaashin, laapputoo laappunainne usuppun tammanne naa77utoo laappun laittai aadhdhana. Hegan Yerusalaame katamai bottokonettana; ogetikka yuushuwaa gimbbetikka oosettana. SHin gimbbettiyo wodee meto wode gidana.

Amoxa 7:2

Eti irxxabaa ubbaa miidi wurssido wode taani, “Abeet Ubbaa Haariya GODAU, hai hayyanaa atto garkkii! Yaaqooba zareti waanidi attanau danddayiyoonaa? Eti qii guuttattenne!” yaagaas.

Zaarettido Wogaa 30:1

“Ha ta intte sinttan wottido anjjoinne qanggettai intte bollan gakkiyo wode, GODAI intte Xoossai inttena laaliyo hara kawotettatu giddon de7iiddi, hagaa intte hassayana.

Zaarettido Wogaa 30:4

Biittaa gaxaa gakkanaashin laalettikkokka, hegaappe GODAI intte Xoossai inttena zaaridi shiishshana.

Yaasu Maxaafaa 21:43

Hegaadan oottidi, GODAI eta aawatuyyo immanau caaqqido biittaa ubbaa Israa7eela asaayyo immiis; immin eti laattidi, yan de7idosona.