Kawotu Maxaafaa Koiruwaa 8:12 - Wolaytta Bible

¹² Hegaappe guyyiyan Solomoni hagaadan yaagiis; “Abeet GODAU, neeni, 'Taani xuma shaaran de7ana' yaaga wottadasa.

Kawotu Maxaafaa Koiruwaa 8:12 ပူးပေါင်းရင်းမြစ်များ

Sameela Maxaafaa Naa77anttuwaa 22:10

Saluwaa i phalqqidi, duge wodhdhiis. He wode a gediyaappe garssaara sikkida shaarai de7ees.

Kawotu Maxaafaa Koiruwaa 8:11

He shaaraa gaasuwan qeeseti bantta oosuwaa oottanau danddayibookkona; aissi giikko, GODAA bonchchoi a Beeta Maqidasiyaa kumi uttiis.

Nahimiyaa Maxaafaa 8:5

Iziri asa ubbaappe xoqqiya sohuwan eqqido gishshau, ubbaikka a loittidi xeellishin, eta sinttan Higgiyaa Maxaafaa dooyiis. Dooyido wode eti ubbai uttidosaappe denddi eqqidosona.

Mazamure Maxaafaa 97:2

SHaarainne sakkana xumai a yuuyi aadhdhiis. Xillotettainne tumatettai a kawotaa araataassi baaso.

Kessaabaa 20:21

Asai haakkidi eqqidaashin, Xoossai de7iyoosaa sikkida xumaakko Muusee shiiqiis.

Isiyaasa 45:15

Abeet Xoossau, Israa7eela Ashshiyaagoo, tumuppe neeni nena genttiya Xoossaa.

Wogaabaa 16:2

“Ne ishai Aarooni Taabootaa bollan de7iya atto giyo sohuwaa qum77uwaa sinttan magalashuwaappe guyye baggaara de7iya Ubbaappe Aadhdhida Geeshsha Sohuwaa ubba wode coo gelennaadan ayyo oda. Coo gelikko i haiqqana; aissi giikko, taani shaaraa giddoora atto giyo sohuwaa qum77uwaa bollan qonccais.

Zaarettido Wogaa 4:11

“He wode intte shiiqidi deriyaa xaphon eqqideta; saluwaayyo giddo ginaa gakkanaashin, he deriyaa bollan tamai eexxees; he deriyaa xaphoi sakkana xumaaninne shaaran goozetti uttiis.

Zaarettido Wogaa 5:22

“Deriyaa bollan tamaa giddoppe, shaaraa giddoppenne gorddida xumaa giddoppe GODAI xoqqu giida cenggurssan yaa7a ubbaayyo yootido qaalati hageeta; i eta bollan aibanne gujjibeenna. Qassi eta i naa77u masettida shuchchatu bolli xaafidi, taayyo immiis.

Ibraawe 12:18

Intte bochchanau danddayiyo deriyaakkonne eexxiya tamaakko, xumaakko, ciggaaraakkonne gotiyaakko,