Kawotu Maxaafaa Koiruwaa 8:1 - Wolaytta Bible

¹ Hegaappe guyyiyan Kawoi Solomoni GODAA Taabootaa Daawita Katamaappe, Xiyooneppe kessidi, Beeta Maqidasiyaa ehanaadan, Israa7eela cimata, zaretu ubbaa halaqatanne Israa7eela keettaa asata kaalettiyaageeta Yerusalaame katamaa shiishshiis.

Kawotu Maxaafaa Koiruwaa 8:1 ပူးပေါင်းရင်းမြစ်များ

Sameela Maxaafaa Naa77anttuwaa 6:6

Naakona kattaa qoxxiyo audiyaa gakkiyo wode, boorati xubettin, Uzzi ba kushiyaa yeddidi, Xoossaa Taabootaa oiqqiis.

Kawotu Maxaafaa Koiruwaa 2:10

Hegaappe guyyiyan Daawiti haiqqidi, ba maizzan gaittiis; yaatidi Daawita Kataman moogettiis.

Kawotu Maxaafaa Koiruwaa 3:15

Hegaappe guyyiyan Solomoni beegottiis; beegottidi hegee aimo gidiyoogaa akeekiis. I Yerusalaame simmidi biidi, GODAA Maachchaa Taabootaa sinttan eqqiis; eqqidi xuuggiyo yarshshuwaanne issippetettaa yarshshuwaa yarshshiis. Yaatidi ba oosanchchatu ubbaayyo gibiraa kessiis.

Hanidabaa Odiya Koiro Maxaafaa 11:7

Daawiti he qatuwan de7iis; hegaa gishshau, he katamai Daawita Katamaa geetettiis.

Hanidabaa Odiya Koiro Maxaafaa 15:25

Hegaappe guyyiyan Daawiti, Israa7eela cimatinne shaalaqati GODAA Maachchaa Taabootaa Obeedi-Eedooma sooppe ehaanau ufaittidi biidosona.

Hanidabaa Odiya Koiro Maxaafaa 15:29

GODAA Maachchaa Taabootai Daawita Katamaa gelido wode, Saa7oola na7iyaa Miikaala maskkootiyaara xeellada, Kawoi Daawiti ufaittidi durishiininne kaa7ishin be7aasu; be7ada Daawita ba wozanan karaasu.

Hanidabaa Odiya Koiro Maxaafaa 15:3

Daawiti GODAA Taabootaayyo giigissido sohuwaa Taabootaa ehaanaadan, Israa7eela asaa ubbaa Yerusalaamen shiishshiis.

Hanidabaa Odiya Koiro Maxaafaa 28:1

Israa7eela halaqati ubbai Yerusalaamen shiiqanaadan Kawoi Daawiti azaziis; hegaa gishshau, zaretu halaqati, kawo oosanchchatu halaqati, shaalaqati, mato halaqati, kawuwaayyoonne kawuwaa naatuyyo de7iya aquwaayyoonne mehiyaayyo aawatiyaageeti, kawuwaa keettan oottiya halaqati, erettida mino asatinne gita asati ubbai Yerusalaamen shiiqidosona.

Hanidabaa Odiya Naa77antto Maxaafaa 30:1

GODAA Israa7eela Xoossaa Paasikaa Baalaa bonchchanau, Yerusalaamen de7iya GODAA Beeta Maqidasiyaa Israa7eela asai ubbainne Yihudaa asai ubbai yaanaadan Hizqqiyaasi kiittiis; qassi Efireema asaayyoonne Minaase asaayyo dabddaabbiyaa xaafiis.

Izira Maxaafaa 3:1

Israa7eela asai bantta kataman kataman woppu giidi uttidosona. Hegaappe guyyiyan, laappuntta aginai gakkiyo wode, eti ubbai issi asadan Yerusalaamen shiiqidosona.

Mazamure Maxaafaa 102:21

Hegaa gishshau, GODAA sunttai Xiyoonen odettananne a galatai Yerusalaamen awaajettana.

Mazamure Maxaafaa 9:11

Xiyoone Deriyan kawoti uttida GODAAYYO galataa yexxite. I oottido ubbabaakka asa ubbaayyo yootite.

Isiyaasa 28:16

Hegaa gishshau, Ubbaa Haariya GODAI hagaadan yaagees; “Be7ite, taani Xiyoonen baasuwaassi shuchchaa, paacettida shuchchaa, godaa xaphuwaa minttiya, al77o shuchchaa wottaas; aani ammaniya ooninne yeellatenna.

Isiyaasa 46:13

taani ta xillotettaa mataa ehais; ikka haaho gidenna. Ta atotettai gam77enna; taani ta atotettaa Xiyoonessi, ta bonchchuwaakka Israa7eelassi immana” yaagees.

Qoodaabaa 1:4

Zariyaappe zariyaappe issi issi asi ba keettaa asau halaqa gididi, inttena maaddo.

Yaasu Maxaafaa 23:2

Yaatidaagee Israa7eela asaa ubbaa, cimata, halaqata, daannatanne ola gadaawata issippe xeegidi, hagaadan yaagiis; “Taani cimada, wodiyaa keehippe sugaas.

Yaasu Maxaafaa 24:1

Hegaappe guyyiyan Yaasu Israa7eela zaretu ubbaa Sekeema giyo kataman shiishshiis. Cimata, halaqata, daannatanne ola gadaawata ubbaa xeegiis; xeegin eti Xoossaa sinttan shiiqidosona.

Koiro PHeexiroosa 2:6

Aissi giikko, Xoossaa maxaafai, “Be7ite, taani Xiyoone giyo kataman keettaa godaa xaphuwaa minttiya, doorettida, al77o shuchchaa wottais; aani ammaniya ooninne yeellatenna” yaagees.