Kawotu Maxaafaa Koiruwaa 3:9 - Wolaytta Bible

⁹ Hegaa gishshau, taani ne asaa aissanaunne lo77uwaanne iitaa shaakkada eranau taayyo ne ashkkaraayyo akeeka wozanaa imma. Hegee xayikko, ha ne gita asaa ooni kaalettanau danddayii?” yaagiis.

Kawotu Maxaafaa Koiruwaa 3:9 ပူးပေါင်းရင်းမြစ်များ

Sameela Maxaafaa Naa77anttuwaa 14:17

Qassikka taani ne ashkkariyaa, 'Lo77uwaanne iitaa shaakkanau ta godai kawoi Xoossaa kiitanchcha mala gidiyo gishshau, ta godaa kawuwaa qaalai tana woppisso. GODAI ne Xoossai nenaara gido' yaagais” yaagaasu.

Kawotu Maxaafaa Koiruwaa 10:24

Sa7an de7iya asai ubbai a sintti aadhdhanaunne Xoossai a wozanan wottido aadhdhida eratettaa siyanau koyees.

Kawotu Maxaafaa Koiruwaa 3:10

Solomoni hegaa oichchido gishshau, GODAI ufaittiis.

Kawotu Maxaafaa Koiruwaa 3:28

Israa7eela asai ubbai kawoi pirddido pirddaa siyido wode, eti kawuwaa keehippe bonchchidosona. Aissi giikko, asaayyo xillotettan pirddanau ayyo aadhdhida eratettai Xoossaappe imettidoogaa be7idosona.

Hanidabaa Odiya Koiro Maxaafaa 22:12

GODAI nena Israa7eela asaa bolli kawo oottiyo wode, GODAA ne Xoossaa higgiyaa naaganaadan, GODAI neeyyo aadhdhida eratettaanne akeekaa immo.

Hanidabaa Odiya Koiro Maxaafaa 29:19

Ne wogaa, ne azazuwaanne ne higgiyaa naaganaadaaninne taani halchchada giigissa wottidoban Beeta Maqidasiyaa i keexxanaadan ta na7aa Solomonau kumetta wozanaa imma” yaagidi galatiis.

Hanidabaa Odiya Naa77antto Maxaafaa 1:10

taani ha asaa kaalettanau neeni taayyo aadhdhida eratettaanne akeekaa imma. Hegee xayikko, ha ne gita asaa ooni aissanau danddayii?” yaagiis.

Mazamure Maxaafaa 119:144

Neeni yootidobai merinaukka xillo; taani paxa de7ana mala, akeekaa taayyo imma.

Mazamure Maxaafaa 119:34

Taani ne higgiyaa naagana malanne ta kumetta wozanaappe taani au azazettana mala, neeni taayyo akeekaa imma.

Mazamure Maxaafaa 119:73

Tana ne kushee medhdhiisinne giigissiis. Ne azazuwaa taani tamaarana mala, taayyo akeekaa imma.

Leemiso Maxaafaa 14:8

Cincca asi ba oottiyoogaa eriyo gishshau, aadhdhida eranchcha gidees; shin eeyya asi ainne erennankka eriyaabaa milatiyo gishshau eeyya gidees.

Leemiso Maxaafaa 16:16

Aadhdhida eratettaa demmiyoogee worqqaa demmiyoogaappe keha; akeekaa demmiyoogee biraa demmiyoogaappekka aadhdhees.

Leemiso Maxaafaa 20:12

Siyiya haittaanne xeelliya aifiyaanne, eta naa77aakka GODAI medhdhiis.

Eranchchaa Maxaafaa 7:11

Ha sa7an de7iya asi ubbi aadhdhida eranchcha gidanau koshshees; aissi giikko, aadhdhida eratettaa demmiyoogee aquwaa laattiyoogaappe guuxxenna.

Eranchchaa Maxaafaa 7:19

Aadhdhida eratettai aadhdhida eranchchatuyyo immiyo wolqqai tammu katamata haariya asatau wolqqaappe darees.

Ermmaasa 1:6

Yaagin taani, “Hai Ubbaa Haariya GODAU, taani na7a. Taani waati haasayiyaakko erikke” yaagaas.

Ermmaasa 45:5

Yaatin, neeni neeyyo gitabaa koyaiyye? Hegaa koyoppa. Aissi giikko, asaa ubbaa bollan taani iitabaa ehaana. Taani GODAI hagaa odais. SHin neeni biidosan ubban taani nena haiquwaappe ashshana' yaagees” yaagiis.

Daaneela 2:21

Wodetanne aginata i laammees. Kawota kawotettaappe diggees; qassi kawota kawotettan utissees. Aadhdhida eranchchatuyyo aadhdhida eraa, akeekiyaageetuyyookka eraa i immees.

Maatiyoosa 3:11

“Intte intte nagaraappe simmidoogaa erissanau, taani inttena haattan xammaqais; shin taappe guyyeera yiyaagee, inttena Geeshsha Ayyaanaaninne taman xammaqana. I taappe daro minnees; taani harai atto a caammaa tookkanaukka bessikke.

Maatiyoosa 3:14

SHin Yohaannisi a, “Taani nenan xammaqettanau koyiyo wode neeni taakko yai?” yaagidi, a qofaa laammanau koyiis.

Yohaannisa 5:30

“Taani tarkka ainne oottanau danddayikke; Xoossai tau odidoogaadan pirddais. Ta pirddai tuma; aissi giikko, taani tana kiittidaagee dosiyoobaa oottiyoogaappe attin, taani dosiyoogaa oottikke.

Naa77antto Qoronttoosa 2:16

Hegee xayiyaageetuyyo woriya zeeqo; qassi attiyaageetuyyo de7uwaa ehiya shitto; yaatin, hegaa oottanau danddayiyai oonee?

Naa77antto Qoronttoosa 3:5

Nu danddayai Xoossaappe yiyoogaappe attin, ha oosuwaa nuuni nu huuphen oottanau danddayoos giyoobi nuuyyo aibinne baawa.

Efisoona 5:17

Hegaa gishshau, Godai koyiyoobai aibakko akeekiteppe attin, eeyyoppite.

Ibraawe 5:14

SHin mino qumai iitaa kehaa de7uwaa daruwan shaakkida wozannaama asaassa.

Yaaqooba 1:5

SHin intteppe ooninne baayyo aadhdhida eratettai xayikko, borennan ubbau kehatettan immiya Xoossaa woosso. I ayyo immana.

Yaaqooba 3:17

SHin bollappe yiya aadhdhida eratettai ubbaappe kase geeshsha. Qassi sarotetta, ashkkenne ero giyaagaa; qassi maarotettinne lo77o aifee kumidoogaa. Sireenne lo77o milatiya iitatetti bainnaagaa.