Kawotu Maxaafaa Koiruwaa 3:6 - Wolaytta Bible

⁶ Yaagin Solomoni, “Ne ashkkarai ta aawai Daawiti neeyyo ammanettiya xillonne suure asa gidiyo gishshau, neeni aggenna siiquwan a siiqadasa. Neeni ha gita siiquwaa aggennan siiqaidda, hachchi ha gallassi a kawotaa araatan uttiya attuma na7aa ayyo immadasa.

Kawotu Maxaafaa Koiruwaa 3:6 ပူးပေါင်းရင်းမြစ်များ

Doomettaabaa 24:40

Yaagin i, 'GODAI, taani a sinttan hemettidoogee nenaara ba kiitanchchaa kiittana; neeni ta na7aayyo ta aawaa asaappe, ta zaretuppe machcho demmana mala, ne biyoobaakka injjeyana.

Sameela Maxaafaa Naa77anttuwaa 22:21

“Ta xillotettaadan GODAI tau qanxxiis; ta kushiyaa geeshshatettaadan i tau zaariis.

Sameela Maxaafaa Naa77anttuwaa 22:25

Hegaa gishshau, GODAI tau ta xillotettaadaaninne ta geeshshatettaadan zaariis.

Sameela Maxaafaa Naa77anttuwaa 7:5

“Ba; baada ta ashkkaraa Daawita hagaadan yaaga; 'GODAI hagaadan yaagees; “Taani de7ana keettaa keexxanai nena gidakka.

Kawotu Maxaafaa Koiruwaa 1:48

Goinnidi, 'Ta kawotaa araatan uttidi ta sohuwan kawotiyaabaa tana hachchi ta aifiyan bessida GODAI Israa7eela Xoossai galatetto!' yaagiis” yaagiis.

Kawotu Maxaafaa Koiruwaa 15:5

GODAI hagaa oottido gaasotai, Daawiti GODAA sinttan suurebaa oottiis; Hiitiyaa Ooriyoona bolli nagara oottoorippe attin, ba de7o laitta ubban GODAA azazotuppe issibaanne naagennan aggibeenna.

Kawotu Maxaafaa Koiruwaa 2:4

Qassi GODAI tana, 'Ne zerettati bantta de7uwan naagettidi de7ikko, eti ta sinttan bantta kumetta wozanaappenne bantta kumetta shemppuwaappe ammanettidi hemettikko, Israa7eela kawotaa araatan uttiya asi neeyyo mulekka xayenna' yaagido ufaissaa qaalaa taayyo polana.

Kawotu Maxaafaa Koiruwaa 3:14

Neeni ne aawai Daawiti hemettidoogaadan ta ogiyan hemettikko, ta wogaunne ta azazuwau azazettikko, taani ne bariyaa adussana” yaagiis.

Kawotu Maxaafaa Koiruwaa 9:4

“Nena gidikko, neeni ne aawai Daawiti hemettidoogaadan boree bainnan suuretettan ta sinttan hemettikko, taani azazidobaa ubbaa oottikkonne ta wogaanne ta higgiyaa naagikko,

Kawotu Maxaafaa Naa77anttuwaa 20:3

Woossiiddi, “Abeet GODAU, taani ne sinttan tumatettaaninne kumetta wozanan hemettidoogaanne qassi nena ufaissiyaabaa oottidoogaa taayyo neeni hassayana mala, taani nena woossais” yaagidi woossiis. Woossiiddi Hizqqiyaasi keehi mishettidi yeekkiis.

Hanidabaa Odiya Naa77antto Maxaafaa 1:8

Yaagin Solomoni Xoossaa, “Neeni ta aawaa Daawita aggenna gita siiquwan siiqadasa; yaatada tana a sohuwan kawoyadasa.

Mazamure Maxaafaa 116:7

Tanooshsho, simmi woppu ga; aissi giikko, GODAI neeyyo kehiis.

Mazamure Maxaafaa 119:17

Taani paxa de7ana malanne ne qaalaayyo azazettana mala, taassi ne ashkkaraassi kehabaa ootta.

Mazamure Maxaafaa 13:6

GODAU, taani neeyyo yexxana; aissi giikko, neeni taayyo kehadasa.

Mazamure Maxaafaa 15:2

Suure de7uwaa de7iyaagaa, xillobaa oottiyaagaa, ba wozanaappe tumaa haasayiyaagaa,

Qoodaabaa 12:7

SHin ta ashkkaraa Muuseera hegaadan gidenna; i ta keetta ubban ammanettidaagaa.

Naa77antto Qoronttoosa 9:11

Daro asai intte immiyo imuwaa nuuppe ekkidi, Xoossaa galatanaadan, intte ubba wode darissidi immiyaageeta gidana mala, Xoossai inttena ubba baggaara dureyana.

Naa77antto Qoronttoosa 9:5

Hegaa gishshau, taani ha ishantti taappe sinttatidi inttekko biidi, intte immana giido imuwaa kasetidi giigissana mala, eta woossanau koshshiyoogaa akeekaas. Hegaappe guyyiyan, he imoi taani gakkiyo wode giigi uttana; hegee qassi wolqqan intte immiyoogaa gidennan, dosidi immiyoogaa erissana.