Kawotu Maxaafaa Koiruwaa 22:23 - Wolaytta Bible

²³ Mikaayi gujjidikka, “Hegaa gishshau, GODAI neeyyo hananabaa yootiyaageetu hageetu ubbatu doonan worddotiya ayyaanaa wottiis; aissi giikko, GODAI ne bolli bashshaa ehaanau qachchiis” yaagiis.

Kawotu Maxaafaa Koiruwaa 22:23 ပူးပေါင်းရင်းမြစ်များ

Kawotu Maxaafaa Koiruwaa 20:42

Hananabaa yootiyaagee kawuwaayyo, “GODAI, 'Taani, “I haiqqana bessees” giido bitaniyaa neeni yedda aggadasa. Hegaa gishshau, ne shemppoi a shemppuwaara gada; ne asai a asaara gada' yaagees” yaagiis.

Kawotu Maxaafaa Koiruwaa 21:19

Neeni a hagaadan yaaga; 'GODAI nena, “Bitaniyaa worada, a gadiyaa neeyyo ekkadasa gidikkii?” yaagees' yaaga. Qassikka a, 'GODAI nena, “Naabute suuttaa kanati laaccido sohuwan ne suuttaakka kanati laaccana” yaagees' yaaga” yaagiis.

Kawotu Maxaafaa Koiruwaa 22:24

Hegaappe guyyiyan Kanaa7ina na7ai Xidiqee shiiqidi, Mikaaya qinxxalliyaa baqqiis. Baqqidi, “GODAA Ayyaanai ta achchappe waanidi neeyyo odanau biidee?” yaagiis.

Hanidabaa Odiya Naa77antto Maxaafaa 25:16

Hananabaa yootiyaagee haasayishin, kawoi, “Neeni kawuwaara zorettanaadan nuuni nena sunttidooyye? Agga! Neeni aibissi haiqqanau koyai?” yaagiis. Yaagin hananabaa yootiyaagee aggi ekkidi, “Neeni hagaa oottido gishshaunne taani nena zoridoogaa siyabeenna gishshau, Xoossai nena xaissanau qachchidoogaa ha77i taani eraas” yaagiis.

Kessaabaa 10:20

Gidikkonne, GODAI kawuwaa wozanaa dammissido gishshau, Israa7eelata yeddennan ixxiis.

Kessaabaa 4:21

GODAI Muusa, “Neeni Gibxxe simmada biyo wode, taani neeyyo immido wolqqan neeni oottana malaatata ubbaa Gibxxe kawuwaa sinttan neeni oottanaagaa baloppa. Yaaninkka asaa i yeddenna mala, taani a wozanaa dammissana.

Isiyaasa 3:11

Iitatuyyo aayye7ana! Etau iitana; aissi giikko, eti bantta kushiyaa oosuwaa waagaa ekkana.

Isiyaasa 44:20

I bidinttaa mees; a cimettida wozanai a wora kaalettiis. I ba shemppuwaa ashshanau woikko, “Ta ushachcha kushiyan de7iyaagee eeqappe attin, Xoossaa gidenna” gaanau danddayenna.

Ermmaasa 18:11

“Hegaa gishshau, ha77i Yihudaa asatuyyoonne Yerusalaamen de7iyaageetuyyo hagaadan yaaga; 'GODAI yaagees; “Be7ite, taani intte bolli iitabaa medhdhaisinne halchchais. Intte ubbaikka intte iita ogiyaappe simmite; intte ogiyaanne intte oosuwaa laammite” yaagees' yaaga.

Hizqqeela 14:9

“'“Hananabaa yootiyaagee cimettidi, hananabaa yootikko, he hananabaa yootiyaagaa cimmidaagee tana GODAA. Taani a bolli ta kushiyaa yeddada, ta asaa giddoppe a xaissana.

Qoodaabaa 24:13

'Baalaaqi harai atto ba birainne worqqai kumido ba kawo keettaa tau immidabaa gidiyaakkonne, GODAI yootidoogaa kanttada, lo77uwaa woikko iitaa ta sheniyan oottanau danddayikke. Taani GODAI giyoobaa xalaalaa gaana' yaagada neeyyo yootabeikkinaayye?” yaagiis.

Zaarettido Wogaa 2:30

“SHin Haseboona Kawoi Sihooni nuna kanttissennan diggiis. Aissi giikko, GODAI intte Xoossai hachchi intte be7iyoogaadan, a intte kushiyan aattidi immanau a wozanaa minttidi, a morgge zozza oottiis.

Daannatu Maxaafaa 9:23

Hegaappe guyyiyan, Xoossai Abimelekappenne Sekeema asaappe gidduwan iita ayyaanaa kiittiis; kiittin Sekeema asai Abimeleka bolli makkalidi denddiis.