Kawotu Maxaafaa Koiruwaa 2:24 - Wolaytta Bible

²⁴ Ha77i simmi tana ta aawaa Daawita kawotaa araatan utissidi, ta kawotettaa mintti essidi, ta zareti de7i be7anaadan oottida GODAI ero! Adooniyaa hachchi worana!” yaagiis.

Kawotu Maxaafaa Koiruwaa 2:24 ပူးပေါင်းရင်းမြစ်များ

Sameela Maxaafaa Naa77anttuwaa 12:10

Neeni tana karada, Hiitiyaa Ooriyoona keettaayyiyo neeyyo ekkido gishshau, ne zariyaappe bisoi mulekka shaahettenna' yaagees.

Sameela Maxaafaa Naa77anttuwaa 7:27

“Abeet Ubbaappe Wolqqaama GODAU, Israa7eela Xoossau, neeni hagaa, 'Taani ne zareti de7i be7anaadan oottana' yaagada taassi ne ashkkaraassi qonccadasa; hegaa gishshau, taani ne ashkkarai nena ha woosaa woossanau xalaas.

Kawotu Maxaafaa Koiruwaa 1:29

He wode kawoi iyyo hagaadan yaagidi caaqqiis; “Tana meto ubbaappe ashshida GODAI ero!

Kawotu Maxaafaa Koiruwaa 1:46

Hegaa bollikka Solomoni kawotaa araatan uttiis.

Kawotu Maxaafaa Koiruwaa 1:52

Yaagin Solomoni zaaridi, “I ba hanuwaa loittanabaa gidikko, harai attin a huuphiyaappe issi binnaaninne boshettenna; shin an iitatetti beettikko, i haiqqana” yaagiis.

Kawotu Maxaafaa Koiruwaa 10:9

Nenan ufaittidi, nena Israa7eela kawotaa araatan utissida GODAI ne Xoossai galatetto! GODAI Israa7eela asaa merinau siiqido gishshau, neeni suure pirddaanne xillotettaa oottana mala i nena kawoyiis” yaagaasu.

Hanidabaa Odiya Koiro Maxaafaa 17:17

Abeet GODAU, hagee ne aifiyaa sinttan guutta milatin, ne ashkkaraa zareti sinttappe yaana laittatun hananabaa yootadasa. Tana qassi gita asa kessadasa.

Hanidabaa Odiya Koiro Maxaafaa 17:23

“Abeet GODAU, neeni ne ashkkaraabaanne a zerettaabaa haasayidoogee merinau minni eqqo; neeni oottana giidoogaadankka ootta.

Hanidabaa Odiya Koiro Maxaafaa 22:10

I ta sunttaayyo Beeta Maqidasiyaa keexxana. I ta na7a gidana; taanikka ayyo aawa gidana. A kawotaa araataa Israa7eelan merinau mintta essana' yaagiis.

Hanidabaa Odiya Koiro Maxaafaa 29:23

Hegaappe guyyiyan, Solomoni ba aawaa Daawita sohuwan GODAA kawotaa araatan uttiis. Au ubbabai haniis; Israa7eela ubbaikka ayyo azazettiis.

Mazamure Maxaafaa 127:1

GODAI keettaa keexxana xayikko, keexxiyaageeti coo mela daafuroosona. GODAI katamaa naagana xayikko, naagiyaageeti coo mela naagoosona.

Kessaabaa 1:21

Qassi maaretissiyaageeti Xoossau yayyido gishshau, Xoossai etau eta huuphessi so asaa immiis.

Leemiso Maxaafaa 20:2

Kawo hanqqoi gaammuwaa gudettaa mala; a yiilloyiya asi ba shemppuwaa bolli pirddees.

Sameela Maxaafaa Koiruwaa 25:28

Hai ta godau, taani ne ashkkariyaa balido balaa atto yaaga! Neeni GODAA olaa olettiyo gishshau, GODAI nenanne ne zerettaa kawoyana. Neeni de7ido laitta ubban iitatetti ne bolli beettoppo.