Kawotu Maxaafaa Koiruwaa 18:43 - Wolaytta Bible

⁴³ Hegaappe guyyiyan Eelaasi ba ashkkaraa, “Ba; pude kiyada ane abbaakko zaarada xeella” yaagiis. Yaagin a ashkkarai biidi xeelliis; xeellidi ayyo, “Aibinne baawa” yaagiis. Eelaasi ba ashkkaraa laapputon, “Qassikka ane xeella” yaagiis. Yaagin ashkkarai laapputoo xeelliis.

Kawotu Maxaafaa Koiruwaa 18:43 ပူးပေါင်းရင်းမြစ်များ

Doomettaabaa 32:26

Yaatin bitanee a, “Sa7ai wonttido gishshau, tana yedda” yaagiis. SHin Yaaqoobi a, “Neeni tana anjjennan taani nena yeddikke” yaagiis.

Kawotu Maxaafaa Koiruwaa 18:42

Hegaa gishshau, Akaabi maanaunne uyanau biis. SHin Eelaasi Qarmmeloosa Deriyaa xeeri kiyiis; kiyidi ba som77uwaa ba gulbbatatu giddo duge gelissidi gufanniis.

Kawotu Maxaafaa Koiruwaa 18:44

Laappuntto xeelan, “Be7a, asa kushe keena shaarai abbaappe kiyiis” yaagiis. Yaagin Eelaasi ba ashkkaraa, “Ba; baada Akaaba, 'Irai nena beettaa diggennaadan, ne paraa gaariyan uttada, duge ne soo wodhdha' yaaga” yaagiis.

Kawotu Maxaafaa Naa77anttuwaa 4:35

Ho77in Elssaa7i denddidi, so giddon yaanne haanne simerettiis. Naa77anttuwaakka simmidi, na7aa bolli cogochchidi zin77iis. Yaatin na7ai laapputoo hedhdhishidoogaappe guyyiyan xeelliis.

Mazamure Maxaafaa 5:3

Abeet GODAU, maallado maallado guuran neeni ta qaalaa siyaasa. Maallado maallado guuran taani ta woosaa ne sintti shiishshada, neeni taayyo immiyo zaaruwaa ekkana gaada naagais.

Imbbaaqooma 2:3

Aissi giikko, ajjuutan beettidabai ba keerettida wodiyaa naagees. He ajjuutai polettiyo wodee eesuwan gakkana; worddo gididi attenna. Takkiyaabaa milatikkokka naaga; aissi giikko, i tumuppe yaana; gam77enna.

Luqaasa 18:1

Erissiyo ashkkarati ubba gallassi salettennan woossana mala, Yesuusi etassi leemisuwaa odiiddi,

Luqaasa 18:7

Yaatin bana maaddana mala, gallassinne qammi baakko waassiya doorettida asaassi Xoossai pirddennee? I etassi eesuwan zaarennee?

Efisoona 6:18

Xoossaa woossiiddinne a maaduwaa oichchiiddi, ubba wode Geeshsha Ayyaanan Xoossaa woossite. Hegaa gishshau, minnite; salettoppite; geeshshatu ubbaayyo Xoossaa ubba wode woossite.

Yaasu Maxaafaa 6:4

Qassi laappun qeeseti dorssatu kaciyaappe kessido laappun malkkatata oiqqidi, GODAA Maachchaa Taabootaa sinttaara hemettona. Laappuntta gallassi qeeseti malkkatata punnishin, olanchchati salppidi, issippe katamaa laapputoo yuuyi aadhdhite.