Kawotu Maxaafaa Koiruwaa 18:12 - Wolaytta Bible

¹² Taani nena yeggada baanne, GODAA Ayyaanai nena denttidi, taani erenna sohuwaa efaana. Taani Akaabayyo yootin, i nena demmana xayikko, tana worana. Taani ne ashkkarai naatettaappe doommada GODAAYYO yayyiya asa.

Kawotu Maxaafaa Koiruwaa 18:12 ပူးပေါင်းရင်းမြစ်များ

Kawotu Maxaafaa Koiruwaa 18:11

Ha77i neeni tana, 'Baada ne godaayyo, “Eelaasi hagan de7ees” yaagada yoota' yaagaasa.

Kawotu Maxaafaa Naa77anttuwaa 2:11

Hegaappe guyyiyan, eti issippe haasayiiddi hemettishin, tamaa paratinne eti goochchiyo tamaa gaaree akeekennan puttu giidi, eta naa77aappe gidduwan gelidi, shaakki bayiis. SHaakkin Eelaasi gotiyan saluwaa kiyiis.

Kawotu Maxaafaa Naa77anttuwaa 2:16

Yaatidi eti a, “Be7a, nuuni ne ashkkarati ishatamu mino asati hagan de7oos. Hayyanaa nuuni ne godaa koyanau baana. Ooni erii, GODAA Ayyaanai a ekkidi, issi deriyaa huuphiyan woikko zanggaaraa giddon yeggidaakkonne” yaagidosona. Yaagin Elssaa7i, “CHii, booppite!” yaagiis.

Hanidabaa Odiya Naa77antto Maxaafaa 34:3

I kawotido hosppuntta laittan biron yelaga de7iiddi, ba maizza aawaa Daawita Xoossaayyo goinnanau doommiis; qassikka i kawotido tammanne naa77antto laittan Yihudaaninne Yerusalaamen de7iya goinniyo xoqqa sohotanne Asheero giyo xoossee misiletanne massi giigissidonne seerissi medhdhido misileta xaissiyoogaa doommiis.

Mazamure Maxaafaa 71:5

Aissi giikko, abeet Ubbaa Haariya GODAU, neeni taani ufaissan naagiyoogaanne ta yelagatettaa wodiyaappe doommada, taani ammanettiyoogaa gidadasa.

Leemiso Maxaafaa 8:13

Godaassi yayyiyoogee iitatettaa ixxiyoogaa; taani otoruwaanne ayyuwaa ixxais; iitasaa efiya ogiyaanne worddo haasayaa dosikke.

Eranchchaa Maxaafaa 7:18

Ha ubbankka Xoossaassi yayyiya urai, meto ubbaappe xoonuwan kiyanau danddayiyo gishshau, neeni daro iita woikko daro xillonne gidennan giddo asa gida.

Isiyaasa 50:10

Intte giddoppe GODAASSI yayyiyaageenne a ashkkaraa qaalaassi azazettiyaagee oonee? Xuman hemettiyaageenne poo7oi bainnaagee i oonee? He urai GODAA sunttan ammanetto; ba Xoossankka zemppo.

Hizqqeela 11:24

Xoossaa Ayyaanai tau immido ajjuutan Ayyaanai tana biittaappe pude denttidi, Baabiloonen de7iya omoodettidaageetukko efiis. Hegaappe guyyiyan, ajjuutai taappe shaahettiis.

Hizqqeela 37:1

GODAA kushee ta bolli wodhdhiis; i tana GODAA Ayyaanan kessidi, meqettai kumi uttido wombban wottiis.

Hizqqeela 8:3

I kushe milatiyaagaa taakko yeddidi, ta huuphiyaa binnaanaa oiqqiis. Ayyaanai tana sa7aappenne saluwaappe gidduwau pude denttidi, Xoossaa ajjuutan tana Yerusalaame efiis. Efiidi huuphessa baggaara Beeta Maqidasiyaa giddo dabaabaa geliyo penggiyaara gelissidi, GODAA qanaatiyaa denttettiya eeqai eqqidaagaa bessiis.

Maatiyoosa 2:16

Hegaappe guyyiyan, Heeroodisi arshsho baggappe yiidaageeti bana cimmidoogaa erido wode, daro hanqqettiis; hanqqettidi xoolinttee kase beettido wodiyaabaa etappe siyidoogaadankka, wotaaddarata yeddidi, Beetaliheemeeninne Beetaliheeme heeran de7iya naa77u laitta attuma naatanne qassi naa77u laittappe guuxxiya attuma naata ubbaa worissiis.

Maatiyoosa 4:1

Hegaappe guyyiyan, xalahe halaqai Yesuusa paaccana mala, Geeshsha Ayyaanai bazzo Yesuusa efiis.

Luqaasa 1:15

Xoossaa sinttan i gita gidana; mattoyiyaabaanne woine eessa uyenna. Biron ba aayee uluwan de7ishin, Geeshsha Ayyaanai aani kumana.

Yesuusi Kiittidoogeetu Oosuwaa 12:19

Heeroodisi PHeexiroosa lal77issin, i xayido wode, naagiyaageeta qoridi, eta worana mala azaziis; hegaappe guyyiyan, Yihudaappe Qiisaariyaa wodhdhidi, hegan amarida wodiyaa uttiis.

Yesuusi Kiittidoogeetu Oosuwaa 8:39

Eti haattaappe gaxaa kiyido wode, Godaa Ayyaanai Piliphphoosa liphphi oottidi, efi aggiis; naa77anttuwaa mureessai Piliphphoosa be7ibeenna; shin ba ogiyaa ufaittiiddi biis.

Naa77antto Ximootiyoosa 3:15

Neeni guutta naatettaasappe doommada Kiristtoos Yesuusa ammanada, atotettai beettiyo aadhdhida eratettaa immanau danddayiya geeshsha maxaafata eradasa.

Sameela Maxaafaa Koiruwaa 16:2

Yaagin Sameeli, “Taani waanada boo? Saa7ooli siyidi tana worana” yaagiis. GODAI Sameela, “Ussa issinniyo ekkada ba; baada, 'Taani GODAAYYO yarshshanau yaas' yaaga.

Sameela Maxaafaa Koiruwaa 2:18

SHin Sameeli na7atettan de7iiddi, liinuwaa giyo kiriyaappe dadettida eefuude giyo maayuwaa maayidi, GODAAYYO oottees.

Sameela Maxaafaa Koiruwaa 2:26

Na7ai Sameeli GODAA sinttaaninne asaa sinttan dicciisinne sabettiis.