Kawotu Maxaafaa Koiruwaa 14:9 - Wolaytta Bible

⁹ Neeppe kase de7ida ubbati oottidoogaappe dariya iitaa neeni oottadasa; neeni neeyyo hara xoossata, seerissido birataappe eeqata medhdhadasa. Yaatada tana hanqqetissadasa; tana neeppe guyye aattadasa.

Kawotu Maxaafaa Koiruwaa 14:9 ပူးပေါင်းရင်းမြစ်များ

Kawotu Maxaafaa Koiruwaa 12:28

Hegaa gishshau, kawoi zorettidoogaappe guyyiyan worqqaappe naa77u maratu misileta medhdhiis. Medhdhidi asaayyo, “Intte hagaappe Yerusalaame biido keenai gidana. Inttenoo Israa7eela asatoo, inttena Gibxxeppe kessida intte xoossati hageetihoona!” yaagiis.

Kawotu Maxaafaa Koiruwaa 14:16

Iyorbbaami oottido nagaraa gishshaunne Israa7eela asaa i ootissido nagaraa gishshau, GODAI Israa7eela aggi bayana” yaagiis.

Kawotu Maxaafaa Koiruwaa 14:22

Yihudaa asati GODAA sinttan iitabaa oottidosona; bantta oottido nagaran eti bantta aawatuppe aattidi GODAA qanaatissidosona.

Kawotu Maxaafaa Koiruwaa 15:29

Baa7ishi kawotaa doommosaarakka Iyorbbaama so asaa ubbaa wori wurssiis; GODAI Seeloppe yiida ba ashkkaraa hananabaa yootiya Akiiya baggaara yootidoogaadankka Iyorbbaama keettaa asai ubbai haiqqi wuriis.

Kawotu Maxaafaa Koiruwaa 15:30

Hegee hanidoogee Iyorbbaami ba huuphen oottido nagaraa gishshaassa, Israa7eela asaa i ootissido nagaraa gishshaassanne GODAA Israa7eela Xoossaa hanqqetissido gishshaassa.

Kawotu Maxaafaa Koiruwaa 15:34

Iyorbbaami Israa7eela asaa ootissido nagaraa oottidinne a ogiyan hemettidi, Baa7ishi GODAA sinttan iitabaa oottiis.

Kawotu Maxaafaa Koiruwaa 16:25

SHin Omiri GODAA sinttan iitabaa oottiis; i baappe kase de7ida kawotu ubbatuppekka aadhdhiya nagaraa oottiis.

Kawotu Maxaafaa Koiruwaa 16:30

Omira na7ai Akaabi baappe kase wode de7ida kawotu ubbatuugaappekka aadhdhiya iitabaa GODAA sinttan oottiis.

Kawotu Maxaafaa Koiruwaa 16:31

Nabaaxa na7ai Iyorbbaami oottido nagaraa oottiyoogaa laafabaa giidi qoppiyoogaa xalaala gidennan Sidoonatu Kawuwaa Etiba7aala na7iyo Elzzaabeelo bau machcho ekkidi, Ba7aala giyo eeqau oottanaunne au goinnanau doommiis.

Kawotu Maxaafaa Koiruwaa 16:33

Qassi Akaabi Asheero giyo xoossee misiliyaa essidi, baappe kase de7ida kawotu ubbatuppe aattidi GODAA Israa7eela Xoossaa hanqqetissiya nagaraa oottiis.

Kawotu Maxaafaa Naa77anttuwaa 21:3

A aawai Hizqqiyaasi laalido, goinniyo xoqqa sohota i zaarettidi keexxiis; Israa7eela Kawoi Akaabi oottidoogaadan, Ba7aala giyo xoossaassi yarshshiyo sohotanne Asheero giyo xoossee misileta medhdhiis. Qassi saluwaa xoolinttetu ubbaayyookka goinniisinne etau oottiis.

Kawotu Maxaafaa Naa77anttuwaa 23:26

Gidikkonne Minaasee GODAA hanqqetissanau oottido iita ooso ubbaa gishshau, GODAI Yihudaa bolli hanqqettido ba hanqquwaa teegaappe simmibeenna.

Kawotu Maxaafaa Naa77anttuwaa 3:3

Gidikkonne Nabaaxa na7ai Iyorbbaami Israa7eela asaa ootissido nagaraa i baxuuxi oiqqiis.

Hanidabaa Odiya Naa77antto Maxaafaa 11:15

Iyorbbaami goinniyo xoqqa sohotun hara qeeseta sunttiis; sunttin eti xalahetussinne i medhdhido maratu misiletussi qeese gididi oottidosona.

Hanidabaa Odiya Naa77antto Maxaafaa 33:6

Hinnooma Zanggaaran ba attuma naata taman xuuggidi yarshshiis. I ba huuphenkka bitiyaagaanne gojiyaagaa gididi, shareechchotanne moitilliyaa haasayissiyaageeta zoriyaa oichchiis. GODAA sinttan i daro iitabaa oottidi, a hanqqetissiis.

Nahimiyaa Maxaafaa 9:25

Qassi eti yuushoi gimbbettido katamatanne aradda biittaa xoonidi ekkidosona; qassikka lo77obai ubbai kumido keettata, bookettida haatta ollata, woiniyaa turaa sohota, wogaratanne hara aifiyaa immiya daro mittata laattidosona. Hegaappe miidi kallidi orddidosona; ne gita kehatettan eti ufaittidosona.

Nahimiyaa Maxaafaa 9:26

“Gidikkokka, ne asati azazettennan ixxidi, ne bollan makkalidosona; ne higgiyaayyookka zokkuwaa zaaridosona. Neekko eti simmanaadan etayyo minttidi yootida hananabaa yootiyaageeta woridosona. Keehi gita cashshaa nena cayidosona.

Mazamure Maxaafaa 106:29

Eti bantta oosuwan GODAA hanqqetissidosona; hanqqetissin eta giddon iita harggee wodhdhiis.

Mazamure Maxaafaa 50:17

Neeni ta timirttiyaa ixxoohoo; ta qaalaakka haitta bollaara aattoohoo.

Mazamure Maxaafaa 78:40

Eti bazzon a bolli woqqutoo makkalidonaa! Mela bazzon woqqutoo lanccissidonaa!

Mazamure Maxaafaa 78:56

Gidikkonne, Ubbaappe Xoqqiya Xoossaa bolli makkalidi, a paaccidosona. A azazuwaakka naagibookkona.

Mazamure Maxaafaa 78:58

Eti bantta goinniyo xoqqa sohotun a yiilloyidosona; bantta eeqatun a qanaatissidosona.

Kessaabaa 34:17

“Intteyyo goinniyo xoossata aibippekka seerissidi medhdhoppite.

Ermmaasa 32:18

Neeni sha7atuyyo aggenna siiquwaa bessaasa; shin aawatu mooruwaa eta naatu bolli zaaraasa. Abeet gitanne wolqqaama Xoossau, ne sunttai Ubbaappe Wolqqaama GODAA geetettees.

Ermmaasa 7:18

Naati mittaa mixoosona; aawati tamaa eettoosona; maccaasati, 'Saluwaa kawiyo' giyo xoosseessi oittaa uukkanau xiilliyaa munaqqoosona. Eti tana qohana giidi, ushshaa yarshshuwaa hara xoossatuyyo gussoosona.

Ermmaasa 7:26

SHin intte taayyo siyennan woikko ezggennan ixxideta. Intte morggiyaa zozzidetanne intte maizza aawatuppekka aadhdhidi, iitabaa oottideta.

Hizqqeela 23:35

“Hegaa gishshau, Ubbaa Haariya GODAI hagaadan yaagees; 'Neeni tana dogido gishshaunne taayyo zokkuwaa zaarido gishshau, neeni ne ziitaanne ne shaaramuxuwaa waagaa ekkana' yaagees” yaagiiddi yiis.

Hizqqeela 8:17

I tana hagaadan yaagiis; “Laa asa na7au, hagaa be7adii? Yihudaa asaassi ha tunatettaa oottiyoogee ubba laafabaa gididee? Eti biittaa makkala oosuwan kunttidi, zaari zaaridi tana hanqqetissanau bessii? Be7a, eti bantta danddayido keenan tana iissidi cayoosona.

Hizqqeela 8:3

I kushe milatiyaagaa taakko yeddidi, ta huuphiyaa binnaanaa oiqqiis. Ayyaanai tana sa7aappenne saluwaappe gidduwau pude denttidi, Xoossaa ajjuutan tana Yerusalaame efiis. Efiidi huuphessa baggaara Beeta Maqidasiyaa giddo dabaabaa geliyo penggiyaara gelissidi, GODAA qanaatiyaa denttettiya eeqai eqqidaagaa bessiis.

Wogaabaa 19:4

“'Tana aggidi eeqatuyyo goinnoppite; woi qassi birataappe seerissidi, xoossata intteyyo medhdhoppite. Taani, GODAI, intte Xoossaa.

Koiro Qoronttoosa 10:22

Woikko nuuni Godaa qanaatissanau koyiyoo? Nuuni appe minniyoonii?

Zaarettido Wogaa 32:21

Xoossa gidennaban tana mishissidosona; bantta eeqatun tana hanqqetissidosona. Taanikka eta zare gidennaageetun mishissana; eeyya asa zaretun taani eta hanqqetissana.

Zaarettido Wogaa 9:24

Taani inttena eroosappekka doommidi, intte GODAA bollan makkalanchcha.

Daannatu Maxaafaa 5:8

Israa7eela asai allaga xoossata doorido wode, biittan olai denddiis. Oitamu sha7u Israa7eela olanchchatu giddon issi gonddallee woikko issi toori beettibeenna.