Kawotu Maxaafaa Koiruwaa 14:4 - Wolaytta Bible

⁴ Yaagin Iyorbbaama keettaayyiyaa i giidoogaadan oottaasu; denddada Akiiya soo Seelo baasu. Akiiyi xeellanau danddayenna; i cimmido gishshau, a aifee demmenna.

Kawotu Maxaafaa Koiruwaa 14:4 ပူးပေါင်းရင်းမြစ်များ

Doomettaabaa 27:1

Yisaaqi cimin, a aifee xeelaa ixxido wode, ba bairatiya na7aa Eesawa xeesidi a, “Ta na7au” yaagiis. Yaagin i, “Yee” giidi koyiis.

Doomettaabaa 48:10

Israa7eeli cimin a aifee daafurido gishshau, xeellanau danddayenna. Hegaa gishshau Yooseefi ba attuma naata akko shiishshin, a aawai eta idimmidi yeriis.

Kawotu Maxaafaa Koiruwaa 11:29

Issi gallassi Iyorbbaami Yerusalaame katamaappe kiyidi bees; biishin Seeloppe yiida, hananabaa yootiya Akiiyi aara ogiyan gaittiis. Akiiyi he wode ooratta maayuwaa maayi uttiis. Dembban eta naa77aa xalaalai de7oosona.

Kawotu Maxaafaa Koiruwaa 14:2

Yaatin, Iyorbbaami ba keettaayyiyo, “Dendda; denddada neeni Iyorbbaama keettaayyiyo gidiyoogaa ooninne erenna mala, ne maayuwaa laamma; laammada Seelo ba. Taani ha asaa bolli kawotanaagaa taayyo yootida hananabaa yootiya Akiiyi yan de7ees.

Mazamure Maxaafaa 90:10

Nu de7uwaa laittai laappun tamma; woi minnikko, hosppun tamma; hegeekka metonne tugga. Nu laittai eesuwan aadhdhees; nuunikka eesuwan kichchoos.

Eranchchaa Maxaafaa 12:3

Aissi giikko, hegee keettaa naagiyaageeti kokkoriyo wode, mino asi quunniyo wode, gaacciyaageeti qoodan guuxxido gaasuwan gaachchaa aggiyo wode, qassi maskkootiyaara xeelliyaageeti galjjiyo wode gidana.

Zaarettido Wogaa 34:7

Muusee haiqqiyo wode, a laittai xeetanne laatama; shin au aifee ixxibeenna; a wolqqaikka ixxibeenna.

Yaasu Maxaafaa 18:1

Biittaa xoonidi oiqqidoogaappe guyyiyan, Israa7eela maabara ubbai Seelon shiiqiis; shiiqidi GODAASSI goinniyo Dunkkaaniyaa yan essiis.

Sameela Maxaafaa Koiruwaa 3:2

Aifee xeellanau leppin, waayetti xeelliya Eeli issi gallassi qammi ba sohuwan zin77iis.

Sameela Maxaafaa Koiruwaa 4:15

Eeli uddufun tammanne hosppun laitta cima gidida, aifeekka xeelaa aggidi galjjido asa.