Kawotu Maxaafaa Koiruwaa 12:29 - Wolaytta Bible

²⁹ Etappe issuwaa Beeteelen, issuwaa qassi Daanan wottiis.

Kawotu Maxaafaa Koiruwaa 12:29 ပူးပေါင်းရင်းမြစ်များ

Doomettaabaa 12:8

Hegaappe denddidi, Beeteeleppe arshsho baggaara de7iya deretiyaasaa biidi, hegan Beeteele arggo baggi aggidi, qassi Aaye arshsho baggi aggidi, gidduwan ba dunkkaaniyaa toliis; hegan GODAAYYO yarshshiyoosaa keexxidi, GODAA sunttaa xeesiis.

Doomettaabaa 14:14

Abraami ba dabboi omoodettidoogaa siyido wode, olaa eriya ba son yelettida heezzu xeetanne tammanne hosppun asaa denttiis; he oiddu kawota kaalliiddi Daani giyo katamaa gakkanaassi biis.

Doomettaabaa 28:19

Yaaqoobi he sohuwaa Beeteele giidi xeesiis. SHin he katamai hegaappe kase Looza geetettees.

Doomettaabaa 35:1

Xoossai hegaappe guyyiyan Yaaqooba, “Dendda! Denddada pude Beeteele ba; baada yan de7a. Neeni ne ishaa Eesawappe baqatiyo wode neeyyo qonccida Xoossaayyo yan yarshshiyoosaa keexxa” yaagiis.

Kawotu Maxaafaa Koiruwaa 13:4

Kawoi Iyorbbaami Xoossaa asi Beeteelen de7iya yarshshiyo sohuwaa bolli waassidoogaa siyido wode, yarshshiyo sohuwaappe ba kushiyaa yeddidi, “He bitaniyaa oiqqite!” yaagiis. SHin i bitaniyaayyo yeddido kushee sohuwaarakka xiiggidi siliis; Hegaa gishshau, ba kushiyaa guyye zaaridi ekkanau danddayibeenna.

Kawotu Maxaafaa Koiruwaa 15:20

Yaagin Benihadaadi Kawoi Asi giidoogaa maayidi, ba ola gadaawata Israa7eela katamata olanau yeddiis. Yeddin eti Iyoona, Daananne Aabeeli-Beetimaa7ika geetettiya katamata, Galiila Abbaa matan de7iya biittaa, Nifttaaleema biittaarakka gujjidi ubbaa xoonidosona.

Kawotu Maxaafaa Naa77anttuwaa 10:29

Gidikkonne Nabaaxa na7ai Iyorbbaami Israa7eela asaa ootissido nagaraa oottiyoogaa i aggibeenna. Beeteeleeninne Daanan Iyorbbaami essido worqqa maratu misiletuyyo i ba huuphen goinniis.

Kawotu Maxaafaa Naa77anttuwaa 2:2

Biishin Eelaasi Elssaa7a, “GODAI tana Beeteele katamaa kiittido gishshau, hayyanaa neeni hagan takkashsha” yaagiis. SHin Elssaa7i, “GODAI ero! Ne shemppoi ero! Taani neeppe shaahettikke” yaagiis. Yaagin eti duge Beeteele wodhdhidosona.

Hanidabaa Odiya Naa77antto Maxaafaa 13:8

“Ha77ikka GODAI Daawita zerettatuyyo immido kawotettaara intte gaaddetanau qoppeeta. Intte hegaa qoppidoogee intte keehippe cora asa gidiyo gishshaassanne intteyyo xoossata gidana mala, Iyorbbaami worqqaappe merissido marati inttenaara de7iyo gishshaassa.

Ermmaasa 48:13

Yaatin, Israa7eela asai ba ammanettido, Beeteelen de7iya eeqan kauyyidoogaadan, Moo7aaba asaikka ba xoossan Kamooshan kauyyana.

Ermmaasa 8:16

Nu morkketu paraa daarettai Daana giyo kataman siyettees; eta korima paratu caagettan biittai ubbai qaaxxees. Biittaanne biittan de7iyaabaa ubbaa, katamaanne kataman de7iya asaa ubbaa mi xaissanau yiidosona” yaagoosona.

Hoose7a 10:5

Samaariyaa kataman de7iya asai Beeti-Aweenan de7iya maraa misiliyaayyo yayyoosona. A bonchchoi appe shaahettiichchido gishshau, asai au yeekkana; he eeqaa misiliyau oottiya qeesetikka waassana.

Hoose7a 4:15

“Israa7eela asatoo, intte shaaramuxa kiyikkokka, Yihudaa asai intteegaadan, mooranchcha gidoppo. Gelggala booppite; Beeti-Aweenikka pude kiyoppite; 'GODAI ero!' yaagidi caaqqoppite.

Amoxa 5:5

SHin Beeteele koyoppite. Gelggala geloppite. Berssaabehi pinnoppite. Aissi giikko, Gelggali omoodettana; Beeteeleekka xayana” yaagees.

Amoxa 7:13

SHin hagee Beeteelee kawoi goinniyo sohonne kawotettaa geeshsha soho gidiyo gishshau, naa77antto ha sohuwan hananabaa yootoppa” yaagiis.

Amoxa 8:14

Samaariyaa eeqatun caaqqiyaageeti, 'Daana xoossai ero!' yaagiyaageetinne, 'Berssaabeha xoossai ero' yaagiyaageeti kunddana. Eti naa77antto mulekka denddokkona” yaagees.

Zaarettido Wogaa 34:1

Muusee Moo7aaba dembbaappe denddidi, Nabo Deriyaa huuphiyaa, qassi Yarkkoppe arshsho baggaara de7iya Pisgga Deriyaa huuphiyaa gakkiis. Hegan GODAI Daana gakkanaashin de7iya Gala7aade biittaa,

Yaasu Maxaafaa 7:2

Yaasu Yarkkon de7iiddi Beeteele katamaappe arshsho baggaara Beeti-Aweena giyoosaa matan de7iya Aaya giyo katamaa asa kiittiis. Kiittiiddi, “Biite; biidi he biittaa xomoosite” yaagiis. Yaagin asati biidi, Aaya katamaa xomoosidosona.

Daannatu Maxaafaa 18:26

Yaagidi Daana asati bantta ogiyaa biidosona. Miikikka eti baappe keehi wolqqaamiyoogaa be7idi, ba soo simmidi biis.

Daannatu Maxaafaa 20:1

Daanappe Berssaabeha giyo katamaa gakkanaashiininne Gala7aadeppe Israa7eela asai ubbai issi asadan Mixiphpha giyo kataman GODAA sinttan issippe shiiqiis.