Kawotu Maxaafaa Koiruwaa 11:9 - Wolaytta Bible

⁹ Ayyo naa77utoo qonccida GODAAPPE Israa7eela Xoossaappe Solomona wozanai wora simmido gishshau, GODAI a hanqqettiis.

Kawotu Maxaafaa Koiruwaa 11:9 ပူးပေါင်းရင်းမြစ်များ

Sameela Maxaafaa Naa77anttuwaa 11:27

A kayyottiyo wodee polettoogaappe guyyiyan, Daawiti o ba soo kiittidi ehiissiis. Ehiissin a ayyo machcho gidaasu; yaatada ayyo attuma na7aa yelaasu. SHin Daawiti oottido oosoi GODAA sinttan iitabaa gidiis.

Sameela Maxaafaa Naa77anttuwaa 6:7

Uzzi Taabootaa bochchido gishshau, GODAA hanqqoi Uzza bolli eexxi kiyiis. Xoossai a shocin, he sohuwankka Xoossaa Taabootaa matan i haiqqi aggiis.

Kawotu Maxaafaa Koiruwaa 11:8

Allaga biittaappe ekkido ba maccaasatu ubbaayyookka i hegaadan giigissiis; giigissin eti bantta xoossatuyyo yan ixaanaa cuwayidosonanne yarshshuwaa yarshshidosona.

Kawotu Maxaafaa Koiruwaa 3:5

GODAI Solomonayyo Gabaa7oonan qammi aimuwan qoncciis. Qonccidi Xoossai a, “Taani neeyyo ai immanau koyai?” yaagiis.

Kawotu Maxaafaa Koiruwaa 9:2

Gabaa7oona kataman kase qonccidoogaadan, GODAI naa77anttuwaa ayyo qoncciis.

Hanidabaa Odiya Koiro Maxaafaa 21:7

Xoossai ha yohuwan ufaittibeenna gishshau, Israa7eela qaxxayiis.

Kessaabaa 4:14

Hegaappe guyyiyan GODAI Muuseyyo keehi hanqqettidi a, “Leewa gidiya ne ishaa Aaroonihoo? I lo77o haasayana danddayiyoogaa taani erais; ha77i i nenaara gaittanau yiiddi ogiyaa bollan de7ees; i nena be7iyo wode a wozanai ufaittana.

Leemiso Maxaafaa 4:23

Ubbabaappekka ne wozanaa minttada naaga; aissi giikko, de7oi appe pulttees.

Hoose7a 4:11

“SHaaramuxatettai, gam77ida woine eessainne yelaga woine eessai ta asaa wozanaa bashshees.

Qoodaabaa 12:9

GODAA hanqqoi eta bolli eexxi kiyiis; kiyin GODAI biis.

Zaarettido Wogaa 3:26

“SHin GODAI intte gaasuwan tana hanqqettidi, taayyo siyennan ixxiis; ixxidi GODAI tana hagaadan yaagiis; 'Simmi neeyyo gidana; ha yohuwaa denttada naa77antto taayyo haasayoppa.

Zaarettido Wogaa 7:4

Aissi giikko, eti intte naata tana kaalliyoosaappe hara eeqatuyyo goinnanaadan, wora zaarana. He wode GODAA hanqqoi intte bolli eexxi kiyana; inttenakka sohuwaara xaissi bayana.

Zaarettido Wogaa 9:20

Qassi GODAI Aaroonakka xaissanau keehi hanqqettiis; yaatin, he wode taani Aaroonayyookka woossaas.

Zaarettido Wogaa 9:8

Siinaa Deriyaa bollikka GODAI inttena xaissanau denddana gakkanaashin, intte GODAA hanqqetissideta.

Naa77antto Ximootiyoosa 4:10

Aissi giikko, Deemaasi ha wodiyaa sa7aa dosidi, tana aggidi, Tasalonqqe giyo katamaa biis. Qerqqiisi Galaatiyaa giyo biittaa bin, qassi Tiitu Dilmmaaxiyaa giyo biittaa biis.

Sameela Maxaafaa Koiruwaa 15:11

“Taani Saa7oola kawo kessidoogau azzanais; aissi giikko, Saa7ooli tana kaalliyoogaa aggiis; ta azazuwaa oottibeenna” yaagiis. Yaagin Sameeli metootiis; metootidi he qamma kumettaa GODAAKKO waassiis.