Kawotu Maxaafaa Koiruwaa 11:3 - Wolaytta Bible

³ Solomonayyo kawotu naata gidiya laappun xeetu machchetinne heezzu xeetu baakkoti de7oosona. A maccaasati a wora zaaridosona.

Kawotu Maxaafaa Koiruwaa 11:3 ပူးပေါင်းရင်းမြစ်များ

Hanidabaa Odiya Naa77antto Maxaafaa 11:21

Robi7aami ba maccaasatuppenne ba baakkotu ubbaappe Abeselooma na7ee na7iyo Maa7iko aaro siiqees. Ayyo tammanne hosppun maccaasatinne usuppun tammu baakkoti de7oosona. I laatamanne hosppun attuma naatanne usuppun tammu macca naata yeliis.

Asttiri Maxaafaa 1:18

Hegaa xalla gidennan, Parssenne Meedoona halaqatu maccaasati hagaa siyido wode, hachchi awai wullanaashinkka bantta azinata hegaadan giidi karana. Hegan maccaasatuppenne azinatuppe gidduwan ooshshai darana.

Eranchchaa Maxaafaa 2:8

Taani haariyo dumma dumma biittatuppe bonchchettida kawo keettaa buquraa ehiissada, daro worqqaanne biraa taayyo dagayaas. Qassi, tana sabbidi yexxiya attumanne macca yettanchchata qaxaraas; hegaa bollikka, asassi ufaissaa immiya keehi daro macca asaakka shiishshaas.

Eranchchaa Maxaafaa 7:28

Hegeekka, taani hachchi gakkanaashin koyada demmabeennabaa. SHa7u attuma asaa giddoppe bonchchoi bessiyo issi asa xallaa demmaas; shin macca asaa giddoppe issinnonne demmanau danddayabeikke.

Siiquwaa Sabaa 6:8

Usuppun tammu macca kawotinne usuppun tammu baakkoti, qassi qoodai bainna geela7oti tau de7oosona.

Siiquwaa Sabaa 6:9

SHin ta haraphphiyaa, ta boree bainnaara, a tau dumma. A ba aayeessikka mexi issinno; o yelida aayyiyaakka aibippenne aattada o siiqausu. Geela7otikka o xeellidi, 'Hanna anjjettidaaro' yaagoosona. Macca kawotikka baakkotikka o sabboosona;

Zaarettido Wogaa 17:17

A wozanaa balettennaadan, kawoi cora maccaasaa ekkoppo. Worqqaakka biraakka darii shiishshoppo.

Daannatu Maxaafaa 3:6

Eta macca naata banttau machchidosona; bantta macca naatakka eta attuma naatussi immidosona. Yaatidi eta xoossatuyyo goinnidosona.

Daannatu Maxaafaa 9:5

Oofira giyoosan de7iya ba aawaa soo biidi, ba ishantta, Geedoona naata laappun tammata, issi shuchchaa bollan siifissiis. SHin Geedoona na7ai, wurssetta kaaloi, Yo7aataami qosettidi, haiqqennan attiis.