Kawotu Maxaafaa Koiruwaa 11:27 - Wolaytta Bible

²⁷ Kawuwaa bolli i makkalidi denddido taarikee hagaappe kaallidi xaafettidaagaa. Solomoni Miillo gimbbiisinne ba aawaa Daawita Katamaa yuushuwaa gimbbiyan de7iya kallo sohuwaa kunttiis.

Kawotu Maxaafaa Koiruwaa 11:27 ပူးပေါင်းရင်းမြစ်များ

Sameela Maxaafaa Naa77anttuwaa 20:21

Yohoi hegaa gidenna; Efireema gezziyaappe Biikira na7aa SHebaa7a giyo issi bitanee Kawuwaa Daawita bolli ba kushiyaa denttiis. He bitaniyaa taayyo sheedhdhite; yaatikko, taani katamaappe baana” yaagiis. Yaagin mishiriyaa Yoo7aaba, “A huuphee gimbbiyaa xeeraara neeyyo olettana” yaagaasu.

Sameela Maxaafaa Naa77anttuwaa 5:7

Gidikkonne, Daawiti Xiyoonen de7iya eta qatuwaa oiqqiis; oiqqin Xiyoonee Daawita Katamaa geetettiis.

Kawotu Maxaafaa Koiruwaa 9:15

GODAA Beeta Maqidasiyaa, ba keettaa, Miillo, Yerusalaame katamaa gimbbiyaanne Haxoora, Magiddonne Gezeera katamata gimbbanau Kawuwaa Solomonayyo gabbaarati de7oosona.

Kawotu Maxaafaa Koiruwaa 9:24

Gibxxe Kawuwaa na7iyaa Daawita Katamaappe Solomoni iyyo keexissido keettaa pude biidoogaappe guyyiyan, i Miillo gimbbiis.

Kawotu Maxaafaa Naa77anttuwaa 12:20

Hegaappe guyyiyan, a oosanchchati a bolli maqettidi, Siilla giyo sohuwaa efiya ogiyan Miillo giyoosan de7iya keettan woridosona.

Nahimiyaa Maxaafaa 4:7

Sanbbalaaxi, Xoobbee, Araba biittaa asai, Amoona biittaa asainne Ashddooda katamaa asai Yerusalaame gimbbiyaa oosoi lo77o hanotettan oosettiiddi de7iyoogaanne daahettida sohotikka barettidoogaa siyido wode keehi yiillotidosona.

Mazamure Maxaafaa 60:2

Neeni biittaa qaattadasanne za7issadasa; biittai kokkoriyo gishshau, neeni a za7uwaa bara.

Leemiso Maxaafaa 30:32

Neeni eeyyada otorettidabaa gidikkonne, iitabaa oottanau halchchidabaa gidikko, ane takki gaada qoppa.

Isiyaasa 22:9

Qassi intte Daawita Katamaa giddon kolettidasai daridoogaa be7ideta; be7idi ziqqa sohuwaa dalbbanttaa dagayideta.

Isiyaasa 26:11

Abeet GODAU, neeni ne kushiyaa xoqqu oottadasa; shin eti be7okkona. Ne asau neeni mishettiyo mishuwaa be7idi yeellatona. Neeni ne morkketuyyo wottido tamai eta mi xaisso.

Hizqqeela 13:5

GODAA gallassi olan minni eqqanaadan, Israa7eela asaassi dirssaa gimbbiyaa bottokonidi minttanau, gimbbee kolettidosaa pude bibookkona.

Amoxa 9:11

Qassikka GODAI, “He gallassi taani kolettidi kunddida keettadan hanida Daawita kawotettaa denttana; xoo7etida sohotakka bottokonana; qassi qolettidasaakka ooraxissana; taani a beniigaadan oottada keexxana.