Kawotu Maxaafaa Koiruwaa 11:26 - Wolaytta Bible

²⁶ Hegaa bollikka Nabaaxa na7ai Iyorbbaami Solomona bolli makkalidi denddiis; i Solomona ashkkaratuppe issuwaa. I Efireema biittan Xareedappe yiida asa; a aayyiyaakka Xiruu7o giyo am77iyo.

Kawotu Maxaafaa Koiruwaa 11:26 ပူးပေါင်းရင်းမြစ်များ

Doomettaabaa 35:16

Eti hegaappe guyyiyan, Beeteeleppe denddidosona. Eti Efiraataa gakkanau guuttaa ashshidaashin, Raaheelo maaretai oiqqiis; maaretan a keehi waayettaasu.

Sameela Maxaafaa Naa77anttuwaa 20:21

Yohoi hegaa gidenna; Efireema gezziyaappe Biikira na7aa SHebaa7a giyo issi bitanee Kawuwaa Daawita bolli ba kushiyaa denttiis. He bitaniyaa taayyo sheedhdhite; yaatikko, taani katamaappe baana” yaagiis. Yaagin mishiriyaa Yoo7aaba, “A huuphee gimbbiyaa xeeraara neeyyo olettana” yaagaasu.

Kawotu Maxaafaa Koiruwaa 11:11

Hegaa gishshau, GODAI Solomona hagaadan yaagiis; “Neeni hagaadan hanido gishshau, taani nena azazido ta maachchaanne ta wogaanne neeni naagennan ixxido gishshau, taani ne kawotettaa neeppe dafa ekkada, ne ashkkaratuppe issuwaayyo immana.

Kawotu Maxaafaa Koiruwaa 11:25

Hadaadi medhdhido metuwaa bollikka gujjidi, Solomoni de7ido keenan ubban Razooni Israa7eelatuyyo baarigaara gidiis; yaatidi i Sooriyan kawotidi Israa7eela asaa morkkiis.

Kawotu Maxaafaa Koiruwaa 11:28

Iyorbbaami mino asa; Solomoni ha wodallai ba oosuwaa waati loitti oottiyaakko be7iis; be7idi Minaasenne Efireema biittan oottiya gabbaaratu ubbaa bolli a halaqa oottidi sunttiis.

Kawotu Maxaafaa Koiruwaa 12:2

Nabaaxa na7ai Iyorbbaami, Kawuwaa Solomonappe baqatidi Gibxxen de7iyaagee hagaa siyido wode, Gibxxeppe simmidi yiis.

Kawotu Maxaafaa Koiruwaa 14:16

Iyorbbaami oottido nagaraa gishshaunne Israa7eela asaa i ootissido nagaraa gishshau, GODAI Israa7eela aggi bayana” yaagiis.

Kawotu Maxaafaa Koiruwaa 15:30

Hegee hanidoogee Iyorbbaami ba huuphen oottido nagaraa gishshaassa, Israa7eela asaa i ootissido nagaraa gishshaassanne GODAA Israa7eela Xoossaa hanqqetissido gishshaassa.

Kawotu Maxaafaa Koiruwaa 16:3

Hegaa gishshau, be7a! Taani Baa7ishanne a keettaa asaa pittana hanais. Baa7ishaa, taani ne keettaa asaa Nabaaxa na7aa Iyorbbaama keettaa asaadan oottana.

Kawotu Maxaafaa Koiruwaa 21:22

Taani ne so asaa Nabaaxa na7aa Iyorbbaama so asaadaaninne Akiiya na7aa Baa7isha so asaadan oottana. Aissi giikko, neeni Israa7eela asaa nagaraa ootissada, tana hanqqetissadasa' yaagees.

Kawotu Maxaafaa Koiruwaa 9:22

SHin Solomoni Israa7eela asatuppe oonanne ailleyibeenna; eti ayyo oosanchchata, olanchchata, olanchchatu halaqatanne gadaawata, paraa gaareta laaggiyaageetu halaqatanne paraasata gididi oottidosona.

Hanidabaa Odiya Koiro Maxaafaa 2:19

Azuuba haiqqin, Kaaleebi Efiraato ekkiis; Efiraata Huura yelaasu.

Hanidabaa Odiya Naa77antto Maxaafaa 13:6

SHin Daawita na7aa Solomona ashkkarai, Nabaaxa na7ai Iyorbbaami denddidi, ba godaa bolli makkaliis.

Hanidabaa Odiya Naa77antto Maxaafaa 9:29

Koiroppe wurssettaa gakkanaassi Solomoni hanido harabai Hananabaa Yootiya Naataana Taarikiyaa Maxaafan, Seeloppe Yiida Akiiyi Hananabaa Yootido Maxaafaaninne Nabaaxa Na7aa Iyorbbaamabaa Hananabaa Yootida Iddoi Be7ido Ajjuutaa Maxaafan xaafetti uttiis.

Daannatu Maxaafaa 12:5

Efireema asai baqatennaadan, Yorddaanoosa SHaafaa pinuwaa ubbaa Gala7aadeti oiqqidosona; oiqqin baqatanau koyiya Efireema asi ooninne pinnanau oichchiyo wode Gala7aadeti, “Neeni Efireema asee?” yaagidi oichchoosona. Oichchin, “Gidikke” giikko,

Uruti Maxaafaa 1:2

He bitaniyaa sunttai Elimeleeka; a maccaasee sunttai Naa7oomo; a naa77u naatu sunttai Mahiloonanne Keliwoonanne. Eti Yihudaa Beetaliheemen de7iya Efiraata yara. Hegeeti Moo7aaba biidi yan de7idosona.

Sameela Maxaafaa Koiruwaa 1:1

Efireema gezziyan, Raama giyo kataman de7iya, Efireema zarenne Xufa yara gidiya, Elqqaana giyo issi bitanee de7ees; i Yirohaama na7aa; Yirohaami Eelihu na7aa; Eelihu Toohu na7aa; Toohu Xufa na7aa.

Sameela Maxaafaa Koiruwaa 17:12

Daawiti Yihudaa biittan Beetaliheemen de7iya Efiraataa Isseya na7aa. Isseyayyo hosppun attuma naati de7oosona; Saa7ooli kawo gididi de7iyo wode, Isseyi keehippe cimidanne daro de7ida asa.