Kawotu Maxaafaa Koiruwaa 11:13 - Wolaytta Bible

¹³ Hegaakka qassi kawotettaa muliyaa appe dafa ekkikke; ta ashkkaraa Daawita gishshaunne taani doorido katamaa Yerusalaame gishshau issi zariyaa ayyo immana” yaagiis.

Kawotu Maxaafaa Koiruwaa 11:13 ပူးပေါင်းရင်းမြစ်များ

Kawotu Maxaafaa Koiruwaa 11:14

Hegaappe guyyiyan GODAI Eedoomiyaa Hadaada, Eedooma biittaa kawotu zare gididaagaa baarigaara oottidi Solomona bolli denttiis.

Kawotu Maxaafaa Koiruwaa 11:32

SHin ta ashkkaraa Daawita gishshaunne Israa7eela zaretu ubbaa giddoppe taani doorido Yerusalaame katamaa gishshau, issi zariyaa ayyo aggana.

Kawotu Maxaafaa Koiruwaa 11:39

Solomona nagaraa gishshau Daawita zerettata taani qaxxayana; shin merinassi gidenna' yaagees” yaagiis.

Kawotu Maxaafaa Koiruwaa 12:17

SHin Robi7aami Yihudaa katamatun de7iya Israa7eela asaa bolli kawotiis.

Kawotu Maxaafaa Koiruwaa 12:19

Heedeppe doommidi hachchi gakkanaashin Israa7eela zareti tammati Daawita zariyaappe kawotida kawotu bolli makkalidosona.

Kawotu Maxaafaa Koiruwaa 12:20

Iyorbbaami Gibxxeppe simmidoogaa Israa7eela asai ubbai siyido wode, a bantta yaa7au xeesissidi, Israa7eela bolli kawoyidosona; Daawita zariyaappe kawotida kawotussi ammanettidi attidai Yihudaa zariyaa xalaala.

Kawotu Maxaafaa Koiruwaa 8:29

Neeni, 'Ta sunttai he sohuwan de7ana' giido ha Beeta Maqidasiyaa ne aifee qamminne gallassi xeello. Taani ne ashkkarai ha sohuwaakko simmada, woossiyo woosaa neeni siya.

Kawotu Maxaafaa Naa77anttuwaa 13:23

SHin GODAI Abrahaamaara, Yisaaqaaranne Yaaqoobaara maacettido maachchaa gishshau, etayyo kehiis, qarettiisinne qoppiis. Hachchi gattanaukka i eta xaissibeenna woikko ba sinttappe diggibeenna.

Kawotu Maxaafaa Naa77anttuwaa 17:18

Hegaa gishshau, GODAI Israa7eela asaa keehippe hanqqettiis; hanqqettidi eta ba sinttappe diggiis. Diggin Yihudaa zariyaa xalaalai attiis.

Kawotu Maxaafaa Naa77anttuwaa 19:34

Taani ta bonchchuwaa gishshaunne ta ashkkaraa Daawita gishshau, ha katamaa boshissennan ashsha ekkana' yaagees” yaagiis.

Kawotu Maxaafaa Naa77anttuwaa 21:4

GODAI kase, “Taani ta sunttaa Yerusalaamen xeesissana” yaagi wottido GODAA Beeta Maqidasiyan hara xoossatussi yarshshiyo sohota giigissiis.

Kawotu Maxaafaa Naa77anttuwaa 23:27

Hegaa gishshau GODAI, “Taani Israa7eela ta sinttappe diggidoogaadan, Yihudaakka ta sinttappe diggana; taani doorido katamaa, Yerusalaamenne taani, 'Ta sunttai hagan de7ana' giido ha Beeta Maqidasiyaa diggana” yaagiis.

Kawotu Maxaafaa Naa77anttuwaa 8:19

Gidikkonne ba ashkkaraa Daawita gishshau, GODAI Yihudaa xaissanau koyibeenna; Daawita zerettai merinau kawotanau GODAI ufaissaa immi wottiis.

Hanidabaa Odiya Naa77antto Maxaafaa 21:7

Gidikkonne, GODAI kase Daawitaara maacettido maachchaa gishshau, Daawita zerettaa xaissanau koyibeenna. Daawita zerettai merinau kawotanau GODAI ufaissaa immi wottiis.

Mazamure Maxaafaa 132:1

Abeet GODAU, Daawitabaanne i danddayido metuwaa qoppa.

Mazamure Maxaafaa 132:17

“Ha sohuwan Daawita zerettaappe issuwaa kawoyana; taani doorido kawuwaa kawotettaa gam77issana.

Mazamure Maxaafaa 89:49

Abeet Godau, neeni ne tumatettan Daawitassi caaqqido, aggenna beni ne siiqoi awan de7ii?

Isiyaasa 14:32

Kawotettai kiittidoogeetussi woigidi zaaranee? 'GODAI Xiyoone keexxiis; keexxin qohettida a asai i giddon qosetti attiyoosaa demmiis' yaagana” yaagiya qaalai odettiis.

Isiyaasa 62:1

Xiyoone gishshau, taani co77u giikke; Yerusalaame xillotettai gita poo7uwaadan, i atotettaikka eexxiya xomppiyaadan poo7ana gakkanaashin, taani co77u giikke.

Isiyaasa 9:7

A kawotettaa daruwaunne a sarotettau zawai de7enna; hachchippe doommidi, merinaa gakkanaassi, suure pirddaaninne xillotettan minttanaunne essanau Daawita kawotaa araataaninne a kawotettan i kawotana; Ubbaappe Wolqqaama GODAA mishoi hegaa polana.

Zaarettido Wogaa 12:11

He wode GODAI intte Xoossai ba sunttai hegan xeegettanau doorido he sohuwaa, taani inttena azaziyooba ubbaa, xuuggiyo yarshshuwaa, hara yarshshuwaa, intte asirataa, intte imuwaanne intte shiiqqido shiiqo ubbaa hegau eheeta.

Zaarettido Wogaa 12:5

GODAI intte Xoossai zare ubbai de7iyoosaappe ba sunttai hegan xeesettanaadan doorido sohuwaa koyite. He sohuwaa intte baanau koshshees.

Zaarettido Wogaa 9:5

Intte eta biittaa laattanau geliyoogee intte xillonne suure gidiyo gishshassa gidenna; shin GODAI intte Xoossai eta intte sinttappe yedettiyoogee ha kawotettati iita gidiyo gishshassanne beni intte maizza aawatussi, Abrahaamassi, Yisaaqassinne Yaaqoobassi caaqqido qaalaa naaganaassa.