Kawotu Maxaafaa Koiruwaa 1:52 - Wolaytta Bible

⁵² Yaagin Solomoni zaaridi, “I ba hanuwaa loittanabaa gidikko, harai attin a huuphiyaappe issi binnaaninne boshettenna; shin an iitatetti beettikko, i haiqqana” yaagiis.

Kawotu Maxaafaa Koiruwaa 1:52 ပူးပေါင်းရင်းမြစ်များ

Sameela Maxaafaa Naa77anttuwaa 14:11

Yaagin maccaasiyaa kawuwaa, “Suuttaa achchiyaagee bashshaa bolli bashshaa gujjennaadaaninne ta na7aakka worennaadan kawoi GODAA ba Xoossaa sunttan taayyo caaqqo” yaagaasu. Kawoi o, “Xoossai ero! Ne na7aa huuphiyaa binnaanaappe issoikka biittan wodhdhenna” yaagiis.

Kawotu Maxaafaa Koiruwaa 1:51

Oiqqin asai Solomona, “Adoonee Kawuwaa Solomonayyo yayyidi, yarshshiyoosaa kaceta oiqqiis; oiqqidi, 'Kawoi Solomoni tana ba ashkkaraa bisuwan worennaadan taayyo hachchi caaqqo' yaagees” yaagidi yootidosona.

Kawotu Maxaafaa Koiruwaa 1:53

Hegaappe guyyiyan Kawoi Solomoni asaa kiittin, eti yarshshuwaa yarshshiyoosaappe duge a wottidosona. Wottin Adoonee yiidi, Solomonayyo ziggiis; yaatin, Solomoni a, “Ne soo ba” yaagiis.

Iyyooba Maxaafaa 15:22

Xumaappe kessi ekkanaagaa i ammanenna; i bisuwau qaadettiis.

Leemiso Maxaafaa 13:6

Suure de7uwaa de7iya uraa a xillotettai naagees; shin nagaranchchaa a nagarai onggees.

Leemiso Maxaafaa 21:12

Xillo Xoossai iitatu son oosettiyaabaa ubbaa be7ees; eta aatti yeggidi xaissees.

Maatiyoosa 10:30

SHin harai atto, intte huuphiyan de7iya binnaana ubbaikka qoodan de7ees.

Luqaasa 21:18

intte huuphiyaa binnaanaappe issoinne xayenna.

Yesuusi Kiittidoogeetu Oosuwaa 27:34

Hegaa gishshau, guutta qumaa intte maana mala, taani inttena woossais; aissi giikko, intte paxa de7anau guutta qumaa maana koshshees; harai atto intte huuphiyaa binnaanaappe issoikka xayenna” yaagiis.

Sameela Maxaafaa Koiruwaa 14:45

SHin asai Saa7oola, “Yonaataani, Israa7eelassi ha gita xoonuwaa ehiidaagee haiqqanee? Hegee mulekka hanenna! De7o Xoossai ero! A huuphiyaappe issi binnaaninne biittan wodhdhenna; aissi giikko, i hachchi hagaa Xoossaa maaduwan oottiis” yaagidosona. Yaatidi asai Yonaataana ashshin, i haiqqennan attiis.