Izira Maxaafaa 7:25 - Wolaytta Bible

²⁵ “Nenoo Iziraa, neeni qassi, neeyyo Xoossai immido aadhdhida eratettaadan Efiraaxiisa SHaafaappe Arggo Bagga Biittan de7iya ne Xoossaa Higgiyaa eriya asaa bolli pirddana mala, daannatanne pirddiyaageeta suntta. Qassi he higgiyaa erennaageeti de7ikko, eta tamaarissite.

Izira Maxaafaa 7:25 ပူးပေါင်းရင်းမြစ်များ

Doomettaabaa 41:38

Hegaa gishshau kawoi eta, “Nuuni Xoossaa Ayyaanaara de7iya hagaa mala hara asa demmaneeyye?” yaagidi oichchiis.

Doomettaabaa 41:39

Hegaappe guyyiyan kawoi Yooseefa, “Xoossai hagaa ubbaa nena erissido gishshau, ne mala aadhdhida erinne cincci ooninne baawa.

Kawotu Maxaafaa Koiruwaa 3:28

Israa7eela asai ubbai kawoi pirddido pirddaa siyido wode, eti kawuwaa keehippe bonchchidosona. Aissi giikko, asaayyo xillotettan pirddanau ayyo aadhdhida eratettai Xoossaappe imettidoogaa be7idosona.

Kawotu Maxaafaa Naa77anttuwaa 17:27

Yootin Asoore kawoi, “Intte Samaariyaappe omooddidi ehiido qeesetuppe issuwaa zaaridi, yaa yeddite. Yeddin i yan de7idi, he biittaa xoossaa wogaa eta tamaarisso” yaagidi azaziis.

Hanidabaa Odiya Koiro Maxaafaa 22:12

GODAI nena Israa7eela asaa bolli kawo oottiyo wode, GODAA ne Xoossaa higgiyaa naaganaadan, GODAI neeyyo aadhdhida eratettaanne akeekaa immo.

Hanidabaa Odiya Koiro Maxaafaa 23:4

Hageetu giddoppe GODAA Beeta Maqidasiyaayyo aawatiya laatamanne oiddu sha7ata kawoi wottiis. Qassi halaqatanne pirdda daannata usuppun sha7ata wottiis.

Izira Maxaafaa 10:4

Ha yohuwaa nuuni waati oottanaakko, nuna kaalettanaagee ne ooso gidiyo gishshau, dendda! Minna! Nuunikka nena maaddana” yaagiis.

Izira Maxaafaa 6:6

Hegaappe guyyiyan, Daariyoosi xaafido dabddaabbee hagaadan yaagees; “Inttenoo Efiraaxiisa SHaafaappe Arggo Bagga Biittaa haariya Tattanaayaa, SHatarbbozinaanne etaara oottiya ubbatoo, he Beeta Maqidasiyaakko shiiqoppite.

Izira Maxaafaa 7:10

Hegaa xalla gidennan Iziri GODAA Higgiyaa xanna7anaunne oottanau, qassi Israa7eela asaakka a wogaanne a pirddaa tamaarissanau ba wozanaa giigissi wottiis.

Izira Maxaafaa 7:14

Taaninne tanaara zorettiya laappun asati issippe gididi, neeni ne kushiyan de7iya Xoossaa Higgiyaadan, baada Yihudaaninne Yerusalaamen de7iya hanotettai ai malakko oichchanaadan nena kiittoos.

Nahimiyaa Maxaafaa 9:3

Hegan eti eqqidaashin, heezzu saate gidiyaagaa keenaa GODAA eta Xoossaa Higgiyaa Maxaafai etayyo nabbabettiis. Qassi hara heezzu saate gidiyaagaa bantta nagaraa paaxiiddinne GODAASSI, bantta Xoossaassi, goinniiddi gam77idosona.

Mazamure Maxaafaa 19:7

GODAA higgee suure; shemppuwaa zaarees. GODAI yootiyoogee ammanettiyaagaa; akeekai paccidoogeetussi eratettaa immees.

Leemiso Maxaafaa 2:6

Aissi giikko, GODAI aadhdhida eratettaa immees; appe eratettainne akeekoi beettees.

Leemiso Maxaafaa 6:23

Aissi giikko, ha azazoti xomppe; timirttetikka poo7o; qassi seeraikka de7uwaakko efiya oge.

Milkkiyaasa 2:7

Qeeseti Ubbaappe Wolqqaama GODAI kiittidoogeeta gidido gishshau, eta doonai eratettaa tamaarissanau koshshees; asaikka higgiyaa eta doonaappe tamaaranau bessees” yaagees.

Maatiyoosa 13:52

Yaagin i, “Hegaa gishshau, saluwaa kawotettan erissiyo ashkkara gidida higgiyaa tamaarissiya ubbai, ba minjjidosaappe ooratta miishshaanne gal77a miishshaa kessiya asa milatees” yaagiis.

Marqqoosa 6:34

Yesuusi wolwoluwaappe kiyidi, daro asaa be7iis; asai heemmiya asi bainna dorssaa mala gidido gishshau, qarettidi asaa darobaa tamaarissuwaa doommiis.

Zaarettido Wogaa 16:18

“Intte zaretu ubbaassi GODAI intte Xoossai immiyo katamatun ubban intte daannatanne halaqata sunttite; etikka asaassi xillo pirddaa pirddona.

Qolasiyaasa 1:28

Hegaa gishshau, nuuni asa ubbau Kiristtoosabaa yootoos; asa ubbaa Kiristtoosan kumetta asa oottidi, Xoossaakko shiishshana mala, nuuyyo aadhdhida eratetta ubban inttena ye77e goosinne tamaarissoos.

Yaaqooba 1:5

SHin intteppe ooninne baayyo aadhdhida eratettai xayikko, borennan ubbau kehatettan immiya Xoossaa woosso. I ayyo immana.