Izira Maxaafaa 6:15 - Wolaytta Bible

¹⁵ Daariyoosi kawotido usuppuntta laittan Adaare giyo aginan heezzantto gallassan, Beeta Maqidasiyaa oosoi polettiis.

Izira Maxaafaa 6:15 ပူးပေါင်းရင်းမြစ်များ

Kawotu Maxaafaa Koiruwaa 8:63

Solomoni GODAAYYO issippetettaa yarshshuwaa yarshshanau laatamanne naa77u sha7u booratanne xeetanne laatamu sha7u dorssata shiishshiis. Hegaadan oottidi kawoinne Israa7eela asai ubbai GODAA Beeta Maqidasiyaa anjjissidosona.

Izira Maxaafaa 4:24

Teqqin Yerusalaamen de7iya Xoossaa Beeta Maqidasiyaa oosoi Daariyoosi kawotido naa77antto laittai gakkanaashin, eqqosan atti aggiis.

Izira Maxaafaa 5:16

Hegaappe guyyiyan, SHeshibaaxaari yiidi, Xoossaa Beeta Maqidasiyaa keexxiyo sohuwaa Yerusalaamen baasiis. I ha77ikka wuribeennaagaa gidikkonne, he wodeesappekka doommidi, keexettiiddi de7ees' yaagidosona.

Izira Maxaafaa 9:9

Nuuni aille gidikkonne, nu Xoossai nuna ailletettan aggibeenna; nu de7uwaa ooraxissiis. Qassi nu Xoossaa Beeta Maqidasiyaa keexxana mala, kolettidaagaa bottokonana malanne Yihudaaninne Yerusalaamen nuuni sarotettan de7ana mala, Parsse biittaa kawotu sinttan nuuyyo ba aggenna siiquwaa bessiis.

Asttiri Maxaafaa 3:13

eesotiya wottanchchati a kawotettaa biittaa ubbaa gattanaadan kiitettidosona. He awaajoi, “Adaare giyo tammanne naa77antto aginan tammanne heezzantto gallassan, Aihuda ubbaa, yelagaa cimaa, maccaa attumaa, naatakka ashshennan mexi issi gallassi wurssi worite; eta aquwaakka bonqqite” yaagees.

Asttiri Maxaafaa 3:7

Arxxekssiisi kawotido tammanne naa77antto laittan, Niisaana giyo koiro aginan, Aihudata woriyo aginaanne gallassaa eranau, Puriima giyo saamaa a sinttan yegganaadan, Hamaani azaziis. He saamai wodhdhido maaran, Adaare giyo tammanne naa77antta aginan, tammanne heezzantto gallassai Aihudati wuriyo gallassa gidiyoogee qashettiis.

Asttiri Maxaafaa 8:12

Aihudati Kawuwaa Arxxekssiisa kawotettan hegaa oottanau keerettida gallassai, Adaare giyo tammanne naa77antto aginaa, tammanne heezzantto gallassaa.

Asttiri Maxaafaa 9:1

Adaare giyo tammanne naa77antto aginan tammanne heezzantto gallassai gakkiis. He gallassai, kawoi koiro kessido awaajuwaa maaran Aihudatu morkketi eta xoonana giido gallassaa. SHin yohoi aadhdhi wodhdhin, Aihudati bantta morkketa xoonidosona.

Asttiri Maxaafaa 9:15

Adaare giyo aginan tammanne oiddantto gallassan, Suusa kataman de7iya Aihudati qassikka issippe shiiqidi, hara heezzu xeetu asaa woridosona; shin ha77ikka eti eta aquwaa bonqqibookkona.

Asttiri Maxaafaa 9:17

Hagee ubbai hanidoogee Adaare giyo aginan tammanne heezzantto gallassaana; tammanne oiddantto gallassan eti shemppidi, gibiraa miiddi, uyiiddinne ufaittiiddi pe7iyo gallassa oottidosona.

Asttiri Maxaafaa 9:19

Hegaa gishshau, qeeri qeeri katamatun de7iya Aihudati hachchi gakkanaashinkka Adaare giyo aginan tammanne oiddantto gallassaa baala gallassa oottidi bonchchoosona. He gallassan moosonanne uyoosona; qassi issoi issuwaassi qumaa imotaa immoosona.

Asttiri Maxaafaa 9:21

He dabddaabbiyan Marddikiyoosi Adaare aginan tammanne oiddanttonne tammanne ichchashantto gallassata, Aihudati laittan laittan baala oottidi bonchchana mala, etayyo yootiis.

Zakkaariyaasa 1:1

Daariyoosi kawotido naa77antto laittan, hosppuntta aginan GODAA qaalai Iddo na7aa Berekiyaa na7aa hananabaa yootiya Zakkaariyaasakko yiis.

Zakkaariyaasa 1:16

Hegaa gishshau, taani GODAI hagaa odais; taani Yerusalaame maarotaara simmaas. Ta Beeta Maqidasee yan keexettana; Yerusalaame katamaikka wodoruwan likettana. Taani Ubbaappe Wolqqaama GODAI hagaa odais' yaagees” yaagada awaajja.

Zakkaariyaasa 4:9

Yin Zakkaariyaasi hagaadan yaagiis; “Ha Beeta Maqidasiyaa baasuwaa Zarubaabeela kusheti baasidosona; qassi poluwaakka a kusheti keexxidi polana. Hegaappe guyyiyan, Ubbaappe Wolqqaama GODAI tana inttekko kiittidoogaa intte erana.