Izira Maxaafaa 3:11 - Wolaytta Bible

¹¹ Eti GODAA galatiiddinne kayan kayan mazamuriyan sabbiiddi, hagaadan yaagidi, au yexxidosona; “GODAI keha; i Israa7eela siiqiyo aggenna siiqoi merinaagaa” yaagidosona. Qassi GODAA Beeta Maqidasiyaa baasoi baasettido gishshau, asai ubbai bantta qaalaa xoqqu oottidi hombbociiddi, GODAA galatidosona.

Izira Maxaafaa 3:11 ပူးပေါင်းရင်းမြစ်များ

Hanidabaa Odiya Koiro Maxaafaa 16:34

GODAI keha gidiyo gishshaunne aggenna a siiqoi merinaagaa gidiyo gishshau, GODAA galatite.

Hanidabaa Odiya Koiro Maxaafaa 16:41

Aggenna a siiqoi merinaagaa gidiyo gishshau, GODAA yettan galatanaadan Hemaana, Yidutuunanne doorettida haraata Daawiti etaara issippe wottiis.

Hanidabaa Odiya Naa77antto Maxaafaa 7:3

Israa7eela asai ubbai tamai saluwaappe wodhdhishiininne GODAA bonchchoi Beeta Maqidasiyaa kumishin be7ido wode, bantta som77uwaa biittaa gatti gufannidi goinnidosona; goinnidi, “GODAI keha! Aggenna a siiqoi merinaagaa” yaagidi GODAA galatidosona.

Nahimiyaa Maxaafaa 12:24

Leewata kaalettiyaageeti Hashaabiyaa, SHerebiyaanne Qaadimi7eela na7aa Yaasa. Eti Xoossa asa gidiya Kawoi Daawiti azazidoogaadan, naa77an shaahetti eqqidi, kayan kayan Xoossaa bonchchoosonanne ayyo galataa mazamuriyaa yexxoosona.

Nahimiyaa Maxaafaa 12:40

Mazamuriyan Xoossaa galatiya naa77u citaikka Xoossaa Beeta Maqidasiyaakko gakkidosona; qassi taanikka tanaara issippe de7iya kaalettiyaageetuura gakkaas.

Mazamure Maxaafaa 100:5

Aissi giikko, GODAI keha. Aggenna a siiqoi merinaassa; i yeletaappe yeletaa gakkanaassi ammanettiyaagaa.

Mazamure Maxaafaa 103:17

SHin GODAAYYO yayyiyaageetuyyo aggenna a siiqoi merinaappe merinaa gakkanaassa. A xillotettainne naatu naata gakkanaassa.

Mazamure Maxaafaa 106:1

GODAA galatite! I keha gidiyo gishshaunne aggenna a siiqoi merinaagaa gidiyo gishshau, GODAA galatite.

Mazamure Maxaafaa 107:1

GODAA galatite! Aissi giikko, i keha; aggenna a siiqoi merinaassa.

Mazamure Maxaafaa 118:1

GODAA galatite! Aissi giikko, i keha. Aggenna a siiqoi merinaagaa.

Mazamure Maxaafaa 131:1

Abeet GODAU, taani ayyuwaa aggaas; ta hanuwaanikka otorettikke. Gitabaassi woikko eranau danddayenna maalaalissiyaabaassi taani hirggikke.

Mazamure Maxaafaa 135:3

I keha gidiyo gishshau, GODAA galatite! I lo77o gidiyo gishshau, a sunttaa sabbite!

Mazamure Maxaafaa 47:1

Kawotettati ubbai intte kushiyaa baqqite; qaalaa xoqqu oottidi, Xoossaayyo galataa yexxite.

Mazamure Maxaafaa 47:5

Xoossai pude kawotaa araataa kiyiis. GODAI pude kiyiyo wode, ufaissaa hombbocettainne malkkataa punettai siyettiis.

Kessaabaa 15:21

Miiriyaama etayyo mazamuriyaa yexxaidda, “GODAI keehi xoqqu xoqqu giido gishshau, ayyo yexxite. Paraanne paraa toggidaagaa i abban oliis” yaagada yexxaasu.

Isiyaasa 12:6

Israa7eela Geeshshai intte giddon xoqqu xoqqu giido gishshau, inttenoo, Xiyoonen de7iyaageetoo, hombbocite! Ufaissau yexxite!” yaagana.

Isiyaasa 44:23

Inttenoo salotoo, GODAI hagaa oottido gishshau, ufaissan yexxite. Inttenoo biittaa ciimmatoo, ililite. Inttenoo deretoo, woraunne a giddon de7iya mitta ubbau, mazamuriyaa kinchchite. Aissi giikko, GODAI Yaaqooba woziis; qassi Israa7eela giddonkka i bonchchettana.

Isiyaasa 6:3

Issoi issuwaara, “Geeshshai, geeshshai, geeshshai Ubbaappe Wolqqaama GODAATTENNEE! Sa7a ubbai a bonchchuwan kumiis” yaagidi xeesettidosona.

Hagge 2:3

'Ha Beeta Maqidasiyaa bonchchoi kase ai malakko be7ida asaappe attidabi intte giddon de7ii? Hachchi intte a xeelliyo wode, waani uttidee? Intte aifiyan i bainnabaa milatees gidennee?

Zakkaariyaasa 4:7

Laa gita deriyau, neeni aibee? Neeni Zarubaabeela sinttan lichchi giida dembba gidana. Qassi Zarubaabeeli Beeta Maqidasiyaa keexxi polidi, wurssetta shuchchaa pude kessiyo wode asai, “Hashshu! Hashshu polettes!” yaagana' yaagees” yaagiis.

Zakkaariyaasa 9:9

Nenoo Xiyoone katamau, ufaitta! Nenoo Yerusalaame katamau, ilila! Be7a, xoonida ne xillo kawoi neekko yees. Ne kawoi ashkke gididi, hariyaa bolli, hare maraa bolli uttidi, neekko yees.

Luqaasa 1:50

I baassi yayyiya ubbaassi yeletaappe yeletaa gakkanaashin, maarotettaa immees.

Yaasu Maxaafaa 6:10

SHin Yaasu asaa, “Taani inttena, 'Waassite!' gaana gallassai gakkanaassi, ola waasuwaa waassoppite; intte qaalai siyettoppo; issi qaalakka qaattoppite. Digin he wode waassite!” yaagidi azaziis.

Yaasu Maxaafaa 6:16

Laappuntta yuushshan, qeeseti malkkatata punniyo wode, Yaasu asaa, “GODAI katamaa intteyyo aattidi immido gishshau, waassite!

Yaasu Maxaafaa 6:5

Hegaappe guyyiyan malkkatata punettaa goochchidi punniyoogaa siyiyo wode, sohuwaara asai ubbai ba qaalaa xoqqu oottidi waasso. Yaatobare katamaa dirssaa gimbbee kunddana; kunddin asai ubbai sinttau lauhu giidi gelana” yaagiis.