Iyyooba Maxaafaa 9:32 - Wolaytta Bible

³² Taani ayyo zaaruwaa immana gaanau, Xoossai ta mala asa gidenna. Gididaakko nuuni naa77ai daanna sintti aadhdhana;

Iyyooba Maxaafaa 9:32 ပူးပေါင်းရင်းမြစ်များ

Iyyooba Maxaafaa 33:12

“Iyyoobaa, neeni ha haasayan likke gidakka! Ane taani neeyyo yootais; Xoossai asappe aadhdhees.

Iyyooba Maxaafaa 33:7

Neeni taassi yayyiyo gaasoi baawa; taani nena naaqqikke.

Iyyooba Maxaafaa 9:14

“Yaatin, taani a oishaa zaaranau lo77o qaalaa auppe demmanau danddayiyaanaa?

Iyyooba Maxaafaa 9:19

Wolqqaabaa haasayikko, i wolqqaama. Pirddaabaa haasayikko, a xeesidi, pirdda keetti shiishshana asi baawa.

Iyyooba Maxaafaa 9:3

Aara issi uri palamettanau koyikko, he urai i oichchiyo sha7u oishaappe issuwaanne zaaranau danddayenna.

Iyyooba Maxaafaa 9:31

neeni tana urqqa ollan olana; olin ta maayoikka tana shenetana.

Mazamure Maxaafaa 143:2

Ne sinttan xillo gidana asi baawa; hegaa gishshau, tana ne ashkkaraa pirddau shiishshoppa.

Eranchchaa Maxaafaa 6:10

Haniyaabai ubbaikka kasetidi kuuyetti uttiis. Issi issi asi waananau de7iyaakko, adussa wodiyaappe kase baggan eretti uttiis; qassi ai asinne baappe minniyaagaara gaaddetanau danddayenna.

Isiyaasa 45:9

“Bana Medhdhidaagaara baaxetiyaagau aayye7ana! Aissi giikko, i urqqa miishshaappe issuwaa. Urqqai medhdhiyaagaa, 'Ai oottai?' woi qassi, 'Neeni hiillaa erakka' yaagiiyye?

Ermmaasa 49:19

“Yorddaanoosa SHaafaa lanqqiyan de7iya woraappe lo77o qooroi de7iyoosaa qoppennan kiyiya gaammuwaadan, taani yaada, Eedooma asata qoppennan eta biittaappe yedettana. Hegaappe guyyiyan, ta doorido asa a bollan sunttana. Ta malai baawa; taani oottana giidobaakka teqqanau danddayiya asi baawa. Ai henttanchchi tanaara eqettanau danddayii?

Qoodaabaa 23:19

Xoossai worddotanau asa gidenna; ba qofaa laammanau i asa na7a gidenna. I yootidi, ba yootidoogaa oottennee? Woikko i ba giidobaa polennee?

Roome 9:20

SHin ta laggiyau, Xoossaa bolli zaaranau neeni oonee? Urqqaappe merettida miishshai guyye zaaridi bana medhdhidaagaa, “Tana hagaadan aissi medhdhadii?” giidi oichchanau danddayii?

Sameela Maxaafaa Koiruwaa 16:7

SHin GODAI Sameela, “A meraa woikko a geesaa adussatettaa xeelloppa; taani a ixxaas. Aissi giikko, taani GODAI asi xeelliyoogaadan xeellikke; asi som77uwaa xeellees; shin GODAI wozanaa xeellees” yaagiis.