Iyyooba Maxaafaa 8:8 - Wolaytta Bible

⁸ “Kase yeletaa ane oichcha; oichchada nu maizza aawati ai ai tamaaridaakko, qorada demma.

Iyyooba Maxaafaa 8:8 ပူးပေါင်းရင်းမြစ်များ

Hanidabaa Odiya Naa77antto Maxaafaa 10:6

Hegaappe guyyiyan, Kawoi Robi7aami a aawai Solomoni paxa de7iyo wode, Solomona zorida cimata zoretaa bessiis. I eta, “Ha asaayyo woigada zaara geetii?” yaagidi oichchiis.

Iyyooba Maxaafaa 12:12

“Aadhdhida eratettai cimida asatu matan de7ees; daro wodiyaa de7iyoogee akeekaa immees.

Iyyooba Maxaafaa 13:1

“Hagaa ubbaa ta aifee be7iis; ta haittaikka siyidi akeekiis.

Iyyooba Maxaafaa 15:10

Ne aawaappe bairatiya asati, cimidi puulummida asati nu giddon de7oosona.

Iyyooba Maxaafaa 15:18

Aadhdhida eranchcha asati bantta maizza aawatuppe demmido eratettaa genttennan tana tamaarissidosona.

Iyyooba Maxaafaa 20:4

“Asa biittaa bolli wottido wodiyaappe doommidi, beniisappekka nagaranchcha asatu ceeqoi qantta wodiyaassa gidiyoogaa, Xoossaa erenna asatu ufaissaikka liphida aifee xeellanaashiina gidiyoogaa neeni eraasa.

Mazamure Maxaafaa 44:1

Abeet Xoossau, aadhdhida wodiyan, beni nu aawatu wodiyan, neeni oottidobaa nuuni nu haittan siyida; nu aawatikka nuuyyo yootidosona.

Isiyaasa 38:19

Taani hachchi nena galatiyoogaadan, paxa de7iyaageetu xalaalati nena galatoosona; neeni ammanttiyoogaa aawai ba naatussi yootees.

Yuu7eela 1:2

Inttenoo cimatoo, hagaa siyite! Yihudaa biittan de7iya asau ubbau, ezggite! Hagaa malabai intte wode woikko intte aawatu wode hani erii?

Roome 15:4

Xoossaa maxaafai nuuyyo immiyo genccaaninne minttettuwan nuuni demmana giidi ufaissan naagi uttidoogee de7ana mala, Xoossaa maxaafan xaafettida ubbabai nuna tamaarissanau xaafettiis.

Koiro Qoronttoosa 10:11

Hagee ubbai haratuyyo leemiso gidanau eta bolli gakkiis. Qassi nuna wodiyaa wurssettai gakkana matidoogeeta seeranau xaafettiis.

Zaarettido Wogaa 32:7

“Kase wodiyaa qoppite; daro yeletatu laittaakka akeekite. Intte aawata oichchite; eti inttena bessana. Intte cimatakka oichchite; eti intteyyo yootana.

Zaarettido Wogaa 4:32

“GODAI biittan asa medhdhido gallassaappe doommidi, intteppe kase aadhdhida wodiyaa ane qorite; hagaa mala gitabai mulekka hani eriyaakko woi siyetti eriyaakko, saluwaayyo ha gaxaappe ya gaxaa gakkanaashin ane oichchite.