Iyyooba Maxaafaa 5:13 - Wolaytta Bible

¹³ Aadhdhida eranchchata i eta geniyan oiqqees; geellatu maqquwaakka aatti yeggees.

Iyyooba Maxaafaa 5:13 ပူးပေါင်းရင်းမြစ်များ

Sameela Maxaafaa Naa77anttuwaa 15:31

Asai Daawita, “Akixoofeelikka Abeseloomaara maqettiyaageetu giddon de7ees” yaagidi yootidosona. Yootin Daawiti, “GODAU, Akixoofeela zoriyaa eeyyatettau laamma” yaagidi woossiis.

Sameela Maxaafaa Naa77anttuwaa 15:34

SHin neeni katamaa guyye simmada Abeselooma, 'Kawuwau, taani ne ashkkara gidana; hagaappe kase ne aawaa ashkkara gididoogaadankka neeyyookka ashkkara gidana' yaagikko, Akixoofeela zoriyaa halissada tana maaddana.

Sameela Maxaafaa Naa77anttuwaa 17:23

Akixoofeeli ba zoree ekettibeennaagaa be7ido wode, ba hariyaa kooridi, ba de7iyo katamaa biis; Akixoofeeli ba soo giigissidi, barkka sulettidi haiqqiis; haiqqidi ba aawaa duufuwan moogettiis.

Asttiri Maxaafaa 7:10

Hegaa gishshau, Marddikiyoosa kaqqana giidi giigissido kocan Hamaani kaqettiis. Hegaappe guyyiyan, kawuwaa hanqqoi dochchiis.

Asttiri Maxaafaa 9:25

SHin Asttira kawuwaakko gelidoogaappe guyyiyan, Hamaani Aihudatu bolli maqettido iita maqqoi ubbai guyye simmidi, a bolli polettanaadan kawoi xuufiyan azaziis. Yaatin, Hamaaninne a naati tammai kocan kaqettidi haiqqidosona.

Iyyooba Maxaafaa 15:5

Ne iitatettai ne haasayan erettees; ne cincca haasayai nena genttees.

Iyyooba Maxaafaa 37:24

Hegaa gishshau, asai ayyo yayyees; banttana aadhdhida eranchcha giyaageeta ubbata i wudenna” yaagiis.

Mazamure Maxaafaa 18:26

Geeshshatuyyo neenikka geeshsha; shin geellatuyyo neeni cincca.

Mazamure Maxaafaa 9:17

Iitati duufuwaa baana; Xoossaa dogiya kawotettati ubbaikka etadan hanana.

Leemiso Maxaafaa 3:32

Aissi giikko, GODAI iitaa oottiyaageeta ixxees; shin suuretuyyo i ulottees.

Isiyaasa 19:3

Gibxxe asaa ayyaanai gagettana; taani eta halchchuwaa hada oottana. Eti eeqatanne moitilliyaa haasayissiya asata, kaayiyaageetanne shareechchota zoretaa bessana.

Isiyaasa 44:25

Taani worddo hananabaa yootiyaageetu malaataa hada oottais; qassi shareechchotakka eeyya kessais. Taani aadhdhida eranchchata guyye zaarais; eta eraakka eeyya oottais.

Ermmaasa 18:18

Asati hagaadan yaagidosona; “Haa yiite; ane Ermmaasa bolli maqettoos. Aissi giikko, qeeseti tamaarissiyo higgee, aadhdhida eranchchati immiyo zoree, hananabaa yootiyaageeti yootiyo qaalai xayenna. Haa yiite; ane a mootoos. I yootiyo qaalaa siyennan aggoos” yaagidosona.

Ermmaasa 49:7

Eedooma biittaa xeelliyaagan Ubbaappe Wolqqaama GODAI hagaadan yaagees; “Temaana asaayyo aadhdhida eratettai baawee? Cincca asatuppe zoree xayiichchidee? Eta aadhdhida eratettai etappe goossiichchidee?

Ermmaasa 8:8

“'“Yaatin, waanidi, 'Nuuni aadhdhida eranchcha; aissi giikko, GODAA higgee nunaara de7ees' gaanau danddayettii? Worddanchcha xaafeti bantta biiriyan ta higgiyaa worddo kessidoogaa be7ekketiiyye?

Ermmaasa 8:9

Aadhdhida eranchchati yeellatana; eti kauyyananne oiqettana. Eti GODAA qaalaa olirggin, etayyo aiba eratetti de7ii?

Ermmaasa 9:22

GODAI tana hagaadan yaagidi azaziis; “GODAI hagaadan yaagees; 'Asaa ahai pituwaadan dembban laalettana; eti cakkiyaageeti cakkidi olido kattaa mala; eta ooninne shiishshenna' yaaga” yaagidi azaziis.

Qoodaabaa 22:25

Hariyaa GODAA kiitanchchaa be7ido wode, gimbbe dirssaakko shiiqada, Balaama tohuwaa gimbbe dirssaara daraxaasu; daraxin i hariyo naa77anttokka bukkiis.

Luqaasa 1:51

Ba kushiyan wolqqaama oosuwaa oottiis Otoranchchata eta qofaara laaliis.

Koiro Qoronttoosa 3:19

Aissi giikko, ha sa7aa aadhdhida eratettai Xoossaa sinttan eeyyatetta. Xoossaa maxaafai, “Xoossai aadhdhida eranchchata eta geniyan oiqqees” yaagees.