Iyyooba Maxaafaa 42:10 - Wolaytta Bible

¹⁰ Iyyoobi ba laggetuyyo woossidoogaappe guyyiyan, GODAI ayyo zaaridi ishalissiis; ayyo kaseegaa gishshaa naa77u kushe oottidi immiis.

Iyyooba Maxaafaa 42:10 ပူးပေါင်းရင်းမြစ်များ

Doomettaabaa 20:17

GODAI Abrahaama keettaayee Saari gaasuwan Abimeleka keettaa asa ubbaa qanttaa mainissi wottido gishshau, Abrahaami Xoossaa woossin, Abimeleki, a keettaayyiyaanne a macca ashkkarati na7a yelana mala Xoossai eta pattiis.

Hanidabaa Odiya Naa77antto Maxaafaa 25:9

Yaagin Amesiyaasi Xoossaa asa, “Taani Israa7eela olanchchatussi qanxxido he birai ubbai waananee?” yaagiis. Yaagin Xoossaa asi, “GODAI neeyyo hegaappe aattidi immanau danddayees” yaagiis.

Iyyooba Maxaafaa 1:2

Ayyo laappun attuma naatinne heezzu macca naati yelettidosona.

Iyyooba Maxaafaa 1:3

Aquwaa gidikko, ayyo laappun sha7u dorssati, heezzu sha7u gaameelati, ichchashu xeetu waaxa boorati, ichchashu xeetu macca haretinne keehi daro ashkkarati de7oosona. Arshsho baggaara de7iya asa ubbaappe i aadhdhida dure asa.

Iyyooba Maxaafaa 42:9

Hegaappe guyyiyan, Temaanappe yiida Elifaazi, SHuuhappe yiida Bilddaadinne Naa7imappe yiida Xoofaari biidi, GODAI eta azazidoogaadan oottidosona. GODAIKKA Iyyooba woosaa siyiis.

Mazamure Maxaafaa 126:1

GODAI nuna omoodettidaageeta zaaridi, Yerusalaame ehiido wode, nuuyyo aimo milatiis.

Mazamure Maxaafaa 14:7

Israa7eelayyo atotettai Xiyooneppe yeerennee! GODAI eta omooduwaa zaariyo wode, Yaaqooba zerettai ufaittana; Israa7eela asai ufaissaa poccu gaana.

Mazamure Maxaafaa 53:6

Israa7eelayyo atotettai Xiyooneppe yeerennee! Xoossai ba asaa omooduwaa zaariyo wode, Yaaqooba zareti ufaittana; Israa7eela asai ufaissau poccu gaana.

Leemiso Maxaafaa 22:4

Neeni ashkke gidikkonne GODAASSI yayyikko, duretettaa, bonchchuwaanne de7uwaa demmana.

Isiyaasa 40:2

Yerusalaamessikka, a omooduwan de7ido wodee polettidoogaa, i nagarai atto geetettidoogaa yootite; i nagaraa gishshau, GODAI o naa77u dakko qaxxayidoogaa yootite” yaagees.

Isiyaasa 61:7

Intte yeellaa gishshaa intte naa77u kushe saamaa ekkana; kauyyidoogaa gishshaakka intte qaadan intte ufaittana. Hegaa gishshau, intte intte biittan naa77u dakkuwaa laattana; intte ufaissaikka merinaa ufaissa gidana.

Hagge 2:8

Birai tabaa; worqqaikka tabaa.

Qoodaabaa 12:13

Yaagin Muusee, “Hai Xoossau, o pattarkkii!” yaagidi GODAAYYO waassiis.

Qoodaabaa 12:2

Eti, “GODAI Muuse bagga xalaalaara haasayideeyye? Qassi i nu baggaara haasayibeenneeyye?” yaagidosona. Yaagin GODAI hegaa siyiis.

Qoodaabaa 14:10

Yaagin maabarai ubbai eta shuchchan caddanau denddiis. He wode GODAA bonchchoi Xoossaa Dunkkaaniyan Israa7eela asa ubbau qoncciis.

Luqaasa 16:27

“Yaagin dure bitanee, ‘Ta aawau, yaatikko, neeni Al77aazara ta aawaa soo yeddana mala, nena woossais.

Yesuusi Kiittidoogeetu Oosuwaa 7:60

Caddishin gulbbatidi, ba qaalaa xoqqu oottidi, “Ta Godau, ha nagaraa etau atto ga” yaagiis. Hegaa yaaginnee haiqqi aggiis. Saa7oolikka Isxxifaanoosa woriyoogaa ufaittiis.

Zaarettido Wogaa 30:3

hegan GODAI intte Xoossai intte omooduwaa zaarana; i intteyyo qarettana. GODAI intte Xoossai inttena laalido kawotettatu ubbaa giddoppekka zaaridi shiishshana.

Zaarettido Wogaa 8:18

SHin neeni GODAA ne Xoossaa hassaya; aissi giikko, hachchi neeni be7iyoogaadan, ne maizza aawatuura maacettido maachchaa minttanau, neeni duretaa demmanaadan neeyyo wolqqaa immidaagee attennee.

Zaarettido Wogaa 9:20

Qassi GODAI Aaroonakka xaissanau keehi hanqqettiis; yaatin, he wode taani Aaroonayyookka woossaas.

Yaaqooba 5:11

Be7ite, danddayidi genccidaageeta nuuni anjjettidaageeta geettees. Iyyooba genccaa intte siyideta; qassi Godai ayyo wurssettan immidoogaakka be7ideta. Aissi giikko, Godai maarotainne qaretai kumidoogaa.

Sameela Maxaafaa Koiruwaa 2:7

GODAI manqqetteesinne dureyees; qassi i ziqqisseesinne xoqqissees.

Sameela Maxaafaa Koiruwaa 2:8

I hiyyeesata buhiyaappe denttees. Metootanchchatakka bidinttaa pituwaappe denttees; denttidi eta halaqatuura utissees; eta bonchcho araataa laatissees. “Aissi giikko, biittaa baasoti GODAASSA; i eta bollan sa7aa essiis.