Iyyooba Maxaafaa 40:4 - Wolaytta Bible

⁴ “Abeet GODAU, taani pattenna laafa asa; taani neeyyo waata zaaranau danddayiyaanaa? Taani ta doonan ta kushiyaa wottaas.

Iyyooba Maxaafaa 40:4 ပူးပေါင်းရင်းမြစ်များ

Doomettaabaa 18:27

Hegaappe guyyiyan Abrahaami, “Taani biittanne bidintta gidaidda ta Godaara xalan haasayanau simmi doommaichchaas;

Doomettaabaa 32:10

neeni ne ashkkaraayyo oottido kehatettaunne tumatettau ubbau taani bessennaagaa. Taani ha Yorddaanoosa SHaafaa pinnido wode, taayyo issi xam77a xalaalai de7ees; shin ha77i taani naa77u cita gidaas.

Sameela Maxaafaa Naa77anttuwaa 24:10

Asaa qoodidoogaappe guyyiyan, Daawita wozanai shabbarettiis; hegaa gishshau, Daawiti GODAA, “Taani ha oosuwan gita nagaraa oottaas. SHin ha77i abeet GODAU, taani nena woossais; ta mooruwaa, ne ashkkaraa mooruwaa qucca. Taani daro eeyyabaa hanaas” yaagiis.

Kawotu Maxaafaa Koiruwaa 19:4

yeggidi barkka issi gallassa ogiyaa bazzuwan hemettiis. Hemettiiddi biidi issi sankkaaraa kuwan uttidi, “Abeet GODAU, taayyo gidana; taani ta maizza aawatuppe kehikke. Ta shemppuwaa ekka” yaagidi haiqqanau woossiis.

Izira Maxaafaa 9:15

Abeet GODAU, Israa7eela Xoossau, neeni xillo. Nu naaquwaappe denddidaagan nuuppe issoinne ne sinttan eqqanau danddayennaagaa gidikkonne, nuuni zerettau palahidi attidaageeti hachchi hagan ne sinttan de7oos” yaagaas.

Izira Maxaafaa 9:6

“Abeet ta Xoossau, taani ta sinttaa neekko pude denttanaukka yayyaisinne yeellatais; aissi giikko, nu nagarai doorettidi, nu huuphiyaappe pude aadhdhiis; nu naaqoikka saluwaa gakkiis.

Nahimiyaa Maxaafaa 9:33

Nuna gakkidaban ubban neeni xillo. Aissi giikko, nuuni nena naaqqikkokka neeni ammanettiyoogaa aggabaakka.

Iyyooba Maxaafaa 16:21

Asaa asaara walassidi sigettiya asi de7iyoogaadan, tana Xoossaara sigettiya asi de7idaa gideerenneeshsha!

Iyyooba Maxaafaa 21:5

Ane tana xeellite; xeellidi garamettite; intte kushiyankka intte doonaa oiqqite.

Iyyooba Maxaafaa 29:9

Halaqati haasayiyoogaa aggi bayidosona; bantta doonankka bantta kushiyaa wottidosona.

Iyyooba Maxaafaa 31:37

Taani halaqadan akko shiiqada, ta oottidobaa ubbaa ayyo yootana shin!

Iyyooba Maxaafaa 37:19

Nuuni eraa paca gidiyo gishshau, nuuni Xoossaassi woigi haasayanaakko, neeni nuna tamaarissa.

Iyyooba Maxaafaa 40:3

Hegaappe guyyiyan, Iyyoobi zaaridi, hagaadan yaagiis;

Iyyooba Maxaafaa 42:6

Hegaa gishshau, taani haasayidobai tana yeellayiis. Yaatin, taani bidinttaaninne baanan uttada paaxais” yaagiis.

Mazamure Maxaafaa 39:9

Hagaa ubbaa oottidaagee nena gidiyo gishshau, taani duudaas; doonanne pogabeikke.

Leemiso Maxaafaa 30:32

Neeni eeyyada otorettidabaa gidikkonne, iitabaa oottanau halchchidabaa gidikko, ane takki gaada qoppa.

Isiyaasa 53:6

Nuuni ubbai oge balida dorssatudan wora biida; nuuni ubbaikka nu ogiyau ogiyau simmida. GODAI nu ubbai naaqqido naaquwaa a bolli wottiis.

Isiyaasa 6:5

Yaatin, taani, “Taayyo aayye7ana! Taani bayaas; aissi giikko, taani doonai tunida asa; qassi doonai tunido asatu giddon de7ais; shin taani Kawuwaa, Ubbaappe Wolqqaama GODAA ta aifiyan be7aas” yaagaas.

Isiyaasa 64:6

Nuuni ubbaikka tuna asa gidida; nu xillotetta ooso ubbaikka qita curqqa mala. Nuuni ubbaikka bonccodan shullida; nu nagarai nuna carkkodan, pittidi efiis.

Ermmaasa Zilaassaa 3:29

I ba som77uwaa biittaa gattidi ziggo. Ooni erii, au sinttanau hidootai de7anaakkonne.

Hizqqeela 16:63

Taani neeni oottido nagaraa ubbaa atto yaagiyo wode, neeni ne oottidobaa hassayada, yeellau ne doonaa oiqqana. Taani Ubbaa Haariya GODAI hagaa odais” yaagees' yaaga” yaagiiddi yiis.

Daaneela 9:5

nuuni nagaraa oottidanne balida; nuuni iitabaa oottidanne makkalida; ne azazuwaappenne ne wogaappe wora simmida.

Daaneela 9:7

“Abeet Godau, neeni xillo; shin nuuni hachchi yeellaa maayida. Yihudaaninne Yerusalaamen de7iya asai ubbai, nuuni neeyyo ammanettennan ixxin, neeni haaho biittaaninne mata biittan laalido Israa7eela asai ubbai yeellatida.

Wogaabaa 13:12

“Qassi hanttaara goga harggee bitaniyaa gogaa bollan aakkidi, huupheppe toho gakkanaashin ubban maayidabaa gidikko, qeesee be7o.

Mikiyaasa 7:16

Kawotettati ubbai hegaa be7idi yeellatana; eta wolqqaikka hada gidiyo gishshau, eti yeellatidi, bantta doonaa oiqqana; eta haittaikka tullana.

Imbbaaqooma 2:20

“SHin GODAI ba geeshsha Beeta Maqidasiyaana. Hegaa gishshau, biittan sa7an de7iya asai ubbai a sinttan co77u go” yaagiis.

Zakkaariyaasa 2:13

GODAI ba de7iyo geeshsha sohuwan denddiis; hegaa gishshau, asho maayida ubbai a sinttan co77u go!

Luqaasa 18:13

“SHin giiraa shiishshiyaagee haahuwan eqqidi, harai atto saluwaa xeellanaukka dosibeenna. SHin, ‘Xoossau, taani nagaranchcha; tana maara’ yaagidi, ba tiraa bubbuxiis.

Luqaasa 5:8

SHin Simooni PHeexiroosi hegaa be7ido wode, Yesuusa tohuwan kunddidi, “Godau, taani nagaranchcha gidido gishshau, taappe shaahetta” yaagiis.

Koiro Ximootiyoosa 1:15

Kiristtoos Yesuusi nagaranchchata ashshanau ha sa7aa yiis giyo haasayai ammanettidaagaanne asai ubbai tuma giidi ekkanau bessiyaabaa. Ubbaappe aadhdhiya nagaranchchai tana.

Daannatu Maxaafaa 18:19

Yaagin eti a, “Haizza! Issi qaalanne qaattoppa! Nunaara baada nuuyyo aawanne qeese gida. Issi keetta asau qeese gidiyoogaappe Israa7eela gidiya issi zare asaassi qeese gidiyoogee neeyyo kehennee?” yaagidosona.