Iyyooba Maxaafaa 37:5 - Wolaytta Bible

⁵ Xoossaa cenggurssai maalaalissiya gunttaa guummees; nuuni akeekanau danddayenna gitabaa i oottees.

Iyyooba Maxaafaa 37:5 ပူးပေါင်းရင်းမြစ်များ

Iyyooba Maxaafaa 11:7

“Neeni Xoossaa ciimma xuuraa qorada eranau danddayai? Woikko Ubbaa Danddayiya Xoossaa zawata koyada demmanau danddayai?

Iyyooba Maxaafaa 26:14

Hageeti ubbai Xoossai oottido oosotuppe amaridaageeta; nuuni siyoogee saasuketta xalaala. Yaatin, a wolqqaa gitatettaa akeekanau danddayiyai oonee?” yaagiis.

Iyyooba Maxaafaa 36:26

Be7ite, Xoossai gita! A gitatettaa nuuni akeekibookko; a laittaa coratettaikka qoodin gakettenna.

Iyyooba Maxaafaa 37:14

“Iyyoobaa, hagaa siya; Xoossai oottiyo maalaalissiya oosuwaa takki gaada akeeka.

Iyyooba Maxaafaa 37:16

SHaarati saluwan waani toohettiyaakkonne qassi a erai polo gidido Xoossai oottiyo maalaalissiya oosuwaa neeni erai?

Iyyooba Maxaafaa 37:2

Ubbaikka Xoossaa cenggurssaa, dadaadan guummiya a qaalaa siyite.

Iyyooba Maxaafaa 37:4

Hegaappe guyyiyan, a gunttaa cenggurssai siyettees; ba wolqqaama cenggurssan guummees; a cenggurssai siyettiyo wode, ba wolqqanttaa teqqenna.

Iyyooba Maxaafaa 40:9

Xoossaa wolqqaa mala wolqqai neeyyo de7ii? Xoossai guummiyoogaadan neeni guummanau danddayai?

Iyyooba Maxaafaa 5:9

Gidduwaa pilggidi eranau danddayettenna gitabatanne qoodi bainna oorattabata Xoossai oottees.

Iyyooba Maxaafaa 9:10

Gidduwaa pilggidi eranau danddayettenna gitabata, qoodi bainna oorattabata i oottees.

Mazamure Maxaafaa 18:14

Ba wonddafiyaa zubbiyaa yeddidi, ba morkketa laaliis; wolqqanttaa poo7uwaa kiittidi, eta yedettiis.

Mazamure Maxaafaa 29:3

GODAA gunttai haattatu bollan siyettees. Bonchcho Xoossai dadaadan guummees; GODAI gita haattatu bollan guummees.

Eranchchaa Maxaafaa 3:11

Xoossai ubbabaa a wodiyan wodiyan loittidi oottiis. Xoossai asaa wozanan merinatettaa wottiis; hegaa gidikkonne, Xoossai oottidobaa ubbaa koiruwaappe wurssettai gakkanaashin, asai wurssidi eranau danddayenna.

Isiyaasa 40:28

Erabeikkii? Siyabeikkii? GODAI merinaa Xoossaa; i biittaa ubbaakka medhdhidaagaa. I daafurenna; woikko wolqqai au wurenna; ooninne a qofaa eranau danddayenna.

Roome 11:33

Xoossaa duretettai ai keena daroo? A hayyoinne a eratettai ai keena xoqqee? A pirddaa yootanai oonee? I ba oottiyoogaa aissi oottiyaakko, oonee akeekiyai?

Ajjuutaa 15:3

Eti Xoossaa ashkkaraa Muuse mazamuriyaanne Dorssaa mazamuriyaa hagaadan yexxidosona. “Godau, Ubbaappe Wolqqaama Xoossau, ne oosoi gitanne garamissiyaagaa. Asa zare ubbaa Kawuwau, ne ogee xillonne tuma.