Iyyooba Maxaafaa 36:13 - Wolaytta Bible

¹³ “Xoossaa ammanenna asati bantta wozanan yiilluwaa dagayoosona; i eta qaxxayiyo wodekka, maadda giidi woossokkona.

Iyyooba Maxaafaa 36:13 ပူးပေါင်းရင်းမြစ်များ

Hanidabaa Odiya Naa77antto Maxaafaa 28:13

Denddidi, “He omoodettida asata intte hagau ehooppite! Ehiikko, kase nuuni GODAA bolli oottido nagaraanne naaquwaa bolli hara naaquwaa gujjeeta. Nu naaqoi kasekka dari uttido gishshau, Israa7eela bolli GODAA hanqqoi wodhdhiis” yaagidosona.

Hanidabaa Odiya Naa77antto Maxaafaa 28:22

Kawoi Akaazi ba huuphen ba tuggaa wode GODAASSI ammanettenna hanotaa kaseegaappe gujji gujjidi biis.

Iyyooba Maxaafaa 15:12

Ne wozanai nena aissi wora efii? Ne aifeekka aissi xeelaa dereqqii?

Iyyooba Maxaafaa 15:4

Hegaa gidikko, neeni Xoossaassi yayyiyoogaa guuttadasa; haratikka Xoossaassi goinnennaadan diggaasa.

Iyyooba Maxaafaa 36:12

SHin eti siyennan ixxikko, olan wurana; eti eraa xayido gishshau haiqqana.

Iyyooba Maxaafaa 36:14

Eti bantta yelagatettan haiqqoosona; eta de7oikka yeellan wurees.

Iyyooba Maxaafaa 36:8

SHin asai sanssalatan qashettikko, woikko tuggaa wodoruwan oiqettikko,

Iyyooba Maxaafaa 38:23

Taani eta meto wodiyaassi, ola wodiyaassinne toora gallassaassi minjja wottaas.

Mazamure Maxaafaa 107:10

Etappe issoti issoti sakkana xumaa giddon uttidosona; eti birata sanssalatan qashettidaageeta.

Daaneela 9:13

Muuse Higgiyan xaafettidoogaadan, ha bashshai ubbai nu bolli gakkiis. Gakkinkka nu nagaraappe simmibookko; ne tumaa ezggibookko; nena, GODAA nu Xoossaakka maarotaa oichchibookko.

Qoodaabaa 32:14

Inttenoo, nagaranchcha yeletatoo, GODAI Israa7eela bolli gujji hanqquwaa eexxi kiyanaadan, intte intte aawatu sohuwan ha77i eqqideta.

Roome 2:5

SHin intteyyo siyenna wozanainne nagaraappe simmenna wozanai de7ees; hegaa gishshau, Xoossaa hanqqoinne xillo pirddai qoncciyo gallassi, neeni ne bolli hanqquwaa kaseegaappe darissaasa.