Iyyooba Maxaafaa 35:5 - Wolaytta Bible

⁵ “Xoqqu gaada salota xeella; neeppe bollaara de7iya shaaratakka ane akeekada be7a.

Iyyooba Maxaafaa 35:5 ပူးပေါင်းရင်းမြစ်များ

Doomettaabaa 15:5

Yaagi simmidi kare a kessidi, “Saluwaa pude xeella; neeni xoolintteta qoodanau danddayikko qooda; ne zerettaikka hagaa keena gidana” yaagiis.

Kawotu Maxaafaa Koiruwaa 8:27

“SHin Xoossai tumu sa7an de7aneeyye? Be7a, saloti, ubbaappe xoqqan de7iya saloikka neeyyo gidanau danddayenna. Yaatin, ha taani keexxido Beeta Maqidasee neeyyo ai keenaa guuxxanddeeshsha!

Iyyooba Maxaafaa 11:7

“Neeni Xoossaa ciimma xuuraa qorada eranau danddayai? Woikko Ubbaa Danddayiya Xoossaa zawata koyada demmanau danddayai?

Iyyooba Maxaafaa 11:8

Eti salotuppekka xoqqa; neeni ainne oottanau danddayakka. Eti Si7ooliyaappekka aadhdhida ciimma; neeni eranau danddayakka.

Iyyooba Maxaafaa 22:12

“Xoossai bolla xoqqa saluwan uttidi, xoqqan de7iya xoolintteta duge xeellees.

Iyyooba Maxaafaa 35:4

Taani neeyyoonne nenaara de7iya ne laggetuyyo zaaruwaa haasayana.

Iyyooba Maxaafaa 36:26

Be7ite, Xoossai gita! A gitatettaa nuuni akeekibookko; a laittaa coratettaikka qoodin gakettenna.

Iyyooba Maxaafaa 37:16

SHaarati saluwan waani toohettiyaakkonne qassi a erai polo gidido Xoossai oottiyo maalaalissiya oosuwaa neeni erai?

Isiyaasa 55:8

Aissi giikko, GODAI, “Ta qofai intte qofaa mala gidenna; intte ogeekka ta ogiyaa mala gidenna.

Isiyaasa 55:9

Saloti sa7aappe xoqqiyoogaadan, ta ogee intte ogiyaappe xoqqees; ta qofaikka intte qofaappe xoqqees.

Naahooma 1:3

GODAI hanqqettanau eesotenna; wolqqaikka aagee gita; i mooranchchaa ai gidikkonne, qaxxayennan aggenna. GODAASSI carkkuwaanne gotiyaa giddoora ogee de7ees; shaaraikka a tohoi yedhdhin denddiya baana.

Sameela Maxaafaa Koiruwaa 16:7

SHin GODAI Sameela, “A meraa woikko a geesaa adussatettaa xeelloppa; taani a ixxaas. Aissi giikko, taani GODAI asi xeelliyoogaadan xeellikke; asi som77uwaa xeellees; shin GODAI wozanaa xeellees” yaagiis.