Iyyooba Maxaafaa 35:10 - Wolaytta Bible

^10-11 SHin ooninne, 'Xoossai, tana Medhdhidaagee, qamman mazamuriyaa immidaagee, sa7aa do7atuppe aattidi, nuna tamaarissiyaageenne saluwaa kafotuppe aadhdhida eranchcha nuna oottiyaagee awan de7ii?' yaagenna.

Iyyooba Maxaafaa 35:10 ပူးပေါင်းရင်းမြစ်များ

Iyyooba Maxaafaa 21:14

Yaanidikka eti Xoossaa, 'Nuuppe haakka! Nuuni ne ogiyaa eranau koyokko!

Iyyooba Maxaafaa 27:10

Ubbaa Danddayiya Xoossan eti ufaittanee? Eti ubba wode Xoossaa xeesanee?

Iyyooba Maxaafaa 32:22

Aissi giikko, asa coo sabbiyoobi taayyo mulekka erettenna. Taani qassi hegaa hanikko, tana Medhdhidaagee tana qaxxayana.

Iyyooba Maxaafaa 36:13

“Xoossaa ammanenna asati bantta wozanan yiilluwaa dagayoosona; i eta qaxxayiyo wodekka, maadda giidi woossokkona.

Iyyooba Maxaafaa 36:3

Taani ta eraa zaassada ehais; tana Medhdhidaagee xillo gidiyoogaa taani nena erissana.

Iyyooba Maxaafaa 4:17

'Haiqqiya asi Xoossaa sinttan xillo gididi beettanau danddayii? Woikko asi bana Medhdhidaagaa sinttan geeshsha gididi beettanau danddayii?

Iyyooba Maxaafaa 8:21

I zaaridi, nena miicissananne ililissana.

Mazamure Maxaafaa 119:62

Ne xillo pirddaa gishshau, nena galatanau, taani qamma bilahe denddais.

Mazamure Maxaafaa 149:5

Xoossaa asati bantta xoonuwan ufaittona; qamman ubban ufaissau yexxona.

Mazamure Maxaafaa 42:8

Gallassi GODAI aggenna ba siiquwaa taayyo kiittees. Qammikka a yettai tanaara de7ees; he yettaikka taani taayyo de7uwaa immiya Xoossaa woossiyo woosaa.

Mazamure Maxaafaa 77:6

Taani qofaa sheekkaidda aqais; ta wozanai yererees. Taani ta huuphiyaa hagaadan yaagada oichchais;

Eranchchaa Maxaafaa 12:1

Ne yelagatettaa laittan nena Medhdhidaagaa qoppa. Metiya gallassati yeennan de7ishin, neeni, “Tana hagee ufaissenna” giyo wodeti gakkennan de7ishin,

Isiyaasa 51:13

Intte salota miccidanne sa7aa baasuwaakka baasida GODAA, inttenakka medhdhida Xoossaa dogidetii? Eti inttena xaissanau giigissido, inttena huqqunniya asatu hanqquwaa gaasuwan gallassa kumetta yayyideta. SHin inttena huqqunniyaageetu hanqqoi awan de7ii?

Isiyaasa 54:5

Aissi giikko, nena Medhdhidaagee neessi azinaa; ayyo sunttaikka Ubbaappe Wolqqaama GODAA. Israa7eela Geeshshai nena Wozidaagaa; i biitta ubbaa Xoossaa geetettees” yaagees.

Isiyaasa 8:21

Asai waayettidinne namisettidi, biittan toilattana; eti namisettido wode yiillotidi, pude xeellidi bantta kawuwaanne bantta Xoossaa qanggana.

Ermmaasa 2:6

Eti, 'Nuna Gibxxeppe kessidaagee, qa77enne aafo gidida bazzuwaara, koshainne sakkana xumai de7iyo biittaara, ai asinne aadhdhenna woikko de7enna sohuwaara kaalettida GODAI awan de7ii?' yaagibookkona.

Ermmaasa 2:8

Qeesetikka, 'GODAI awan de7ii?' yaagibookkona. Ta higgee eta kushiyan de7iyo asatikka tana eribookkona. Deriyaa haariyaageetikka ta bolli makkalidosona. Hananabaa yootiyaageetikka Ba7aala sunttan hananabaa yootidi, pattenna eeqatuyyo goinnidosona” yaagees.

Yesuusi Kiittidoogeetu Oosuwaa 16:25

SHin qamma bilahe gidiyo heeran PHauloosinne Sillaasi Xoossaa woossiiddi, mazamuriyaa yettan Xoossaa galatoosona; galatishin qashuwaasai eti giyoobaa siyees.

Koiro PHeexiroosa 4:19

Hegaa gishshau qassi, Xoossai giidoogaadan waayettiyaageeti lo77obaa oottiiddi, bantta shemppuwaa hadaraa banttana medhdhida ammanettiya Xoossau immona.