Iyyooba Maxaafaa 32:8 - Wolaytta Bible

⁸ SHin asa giddon aqidi, aadhdhida eratettaa asassi immiyaagee Ubbaa Danddayiya Xoossaa Ayyaanaa.

Iyyooba Maxaafaa 32:8 ပူးပေါင်းရင်းမြစ်များ

Doomettaabaa 41:38

Hegaa gishshau kawoi eta, “Nuuni Xoossaa Ayyaanaara de7iya hagaa mala hara asa demmaneeyye?” yaagidi oichchiis.

Doomettaabaa 41:39

Hegaappe guyyiyan kawoi Yooseefa, “Xoossai hagaa ubbaa nena erissido gishshau, ne mala aadhdhida erinne cincci ooninne baawa.

Kawotu Maxaafaa Koiruwaa 3:12

neeni oichchidoogaa taani oottana. Be7a, neeppe kase ne mali bainnaagaadan neeppe simminkka ne mali denddennaagaadan, aadhdhida eratettaanne akeeka wozanaa taani neeyyo immana.

Kawotu Maxaafaa Koiruwaa 3:28

Israa7eela asai ubbai kawoi pirddido pirddaa siyido wode, eti kawuwaa keehippe bonchchidosona. Aissi giikko, asaayyo xillotettan pirddanau ayyo aadhdhida eratettai Xoossaappe imettidoogaa be7idosona.

Kawotu Maxaafaa Koiruwaa 4:29

Xoossai Solomonayyo aadhdhida eratettaa, akeekaanne zawi bainna aaho qofaa immiis.

Kawotu Maxaafaa Koiruwaa 5:9

Ta asati ne mudettaa Liibaanoosappe duge abbau miyyana. Miyyin taani qashissada, abbaa bollaara tookettidi neeni malaatosaa gakkanaadan oottana; gakkin taani yan birshshissana; birshshissada yaappe efiissana. Hegaappe guyyiyan neeni ne baggaara ta kawo keettan de7iya asaayyo miyoobaa kiittiyoogan ta amuwaa polana” yaagiis.

Iyyooba Maxaafaa 12:13

Xoossaassi aadhdhida eratettainne wolqqai de7ees; zoreenne akeekai an beettees.

Iyyooba Maxaafaa 12:16

“Minotettainne xoonoi Xoossaagaa; cimettiyaageenne cimmiyaageenne naa77aikka appe garssaara de7oosona.

Iyyooba Maxaafaa 27:3

Xoossai taayyo de7o shemppuwaa immido keenan,

Iyyooba Maxaafaa 33:16

He wode asai siyanaadan haittaa dooyees; ba seerankka i eta daganttees.

Iyyooba Maxaafaa 33:4

Tana Xoossaa Ayyaanai medhdhiis; Ubbaa Danddayiya Xoossaa shemppoi taayyo de7uwaa immiis.

Iyyooba Maxaafaa 38:36

Haatta kafuwaayyo aadhdhida eraa, kutto addiyaayyookka akeekaa immidai oonee?

Leemiso Maxaafaa 2:6

Aissi giikko, GODAI aadhdhida eratettaa immees; appe eratettainne akeekoi beettees.

Leemiso Maxaafaa 20:27

Asaa ayyaanai GODAAYYO xomppe; hegaa gishshau, i nu giddo asatetta ubbaa pilggi xeellees.

Eranchchaa Maxaafaa 2:26

Xoossaa ufaissiya uraassi Xoossai cinccatettaa, eratettaanne ufaissaa immees; nagaranchchaassi mati i daafuridi shiishshanaadan, daafuraa immees; shin i shiishshidoogaa Xoossai ekkidi, baayyo yayyiyaagau harau immees. Hegaa gishshau, ha ubbaikka hadanne carkkuwaa oiqqanau yedettiyoogaa mala.

Isiyaasa 28:26

Aissi giikko, ha hiillaa a Xoossai a erisseesinne tamaarissees.

Daaneela 1:17

Ha oiddu yelagatuyyo Xoossai eraanne ubba qommo xifateenne timirttee geliyo akeekaa immiis. Daaneeli qassi ajjuutaanne aimuwaa ubbaa birshshettaa erees.

Daaneela 2:21

Wodetanne aginata i laammees. Kawota kawotettaappe diggees; qassi kawota kawotettan utissees. Aadhdhida eranchchatuyyo aadhdhida eraa, akeekiyaageetuyyookka eraa i immees.

Koiro Qoronttoosa 12:8

Aissi giikko, Geeshsha Ayyaanai issuwaassi aadhdhida eratettaa haasayaa immees; qassi issuwaassi eratettaa haasayaa immees.

Naa77antto Ximootiyoosa 3:16

Xoossaa maxaafa ubban Xoossaa Ayyaanai de7ees. Qassi he maxaafati Xoossau oottiya asi kumettanne lo77o ooso ubbau giigidaagaa gidana mala, tumatettaa tamaarissanau, balaa seeranau, mooruwaa suurissanaunne xillotetta de7uwau zoriyaa immanau maaddoosona.

Yaaqooba 1:5

SHin intteppe ooninne baayyo aadhdhida eratettai xayikko, borennan ubbau kehatettan immiya Xoossaa woosso. I ayyo immana.