Iyyooba Maxaafaa 31:32 - Wolaytta Bible

³² Sa7ai qammido asa karen aissabeikke; taani ta keettaa penggiyaa ogiyaara biyaagau ubbatoo dooya wottaas.

Iyyooba Maxaafaa 31:32 ပူးပေါင်းရင်းမြစ်များ

Iyyooba Maxaafaa 29:16

Hiyyeesatuyyo aawa gidaas; taani erenna asatuyyookka xabaqa gidaas.

Iyyooba Maxaafaa 31:31

Taani ubbaton imattaa mokkiyoogaa ta ashkkarati taayyo markkattoosona.

Iyyooba Maxaafaa 31:33

Asai qosiyoogaadan, taani ta nagaraa ta shophphan qosabeikke.

Isiyaasa 58:7

Qassi taani doorido xoomai namisettidaagau intte qumaa shaakkiyoogaa, keetti bainna hiyyeesata soo ekkiyoogaa, kallottidaageeta be7iyo wode, maizziyoogaa, maaduwaa koyiya intte dabbuwaappe intte sinttaa genttennan aggiyoogaa.

Maatiyoosa 25:35

Aissi giikko, taani namisettin mizideta; saamettin ushshideta; imatta gidada binkka mokkideta.

Maatiyoosa 25:40

Taani kawoi zaarada, ‘Taani intteyyo tumaa odais; intte ha ta ishanttu ubbaappe harai atto, laafiya issuwaayyo oottidobaa gidikkokka, hegaa tau oottideta’ yaagana.

Roome 12:13

geeshshata koshshiyaaban maaddite; imattaa mokkite.

Koiro Ximootiyoosa 5:10

Naata dichchiyoogan, imattaa mokkiyoogan, geeshshatu tohuwaa meecciyoogan, waayettida asaa maaddiyoogan, lo77o ooso ubbaa kaalliyoogan, ha lo77o oosuwaa oottiyoogan erettidaaro gidanau bessees.

Ibraawe 13:2

Imatta mokkiyoogaakka dogoppite. Aissi giikko, yaatiyoogan issi issi asai erennan kiitanchchata mokkiis.

Koiro PHeexiroosa 4:9

Zuuzummennan issoi issuwaa imattatettan mokkite.

Daannatu Maxaafaa 19:15

Eti Gib77a katamaa gelidi aqanau, yaa biidosona; biidi katamaa asai yaa7aa uttiyo sohuwan uttidosona; shin yaappe eta ba soo efiidi aissiya asi beettibeenna.

Daannatu Maxaafaa 19:17

He cima bitanee katamaa asai yaa7aa uttiyo sohuwan uttida bitaniyaa be7idi, “Auppe yaadii? Au bai?” yaagidi oichchiis.