Iyyooba Maxaafaa 3:11 - Wolaytta Bible

¹¹ “Taani ta aayee uluwan haatta kiyarkkinaashsha! Ta aayee uluwaappe yeletta wodhdhaanne haiqqarkkinaashsha!

Iyyooba Maxaafaa 3:11 ပူးပေါင်းရင်းမြစ်များ

Iyyooba Maxaafaa 3:10

He qammai taani ta aayee uluwan shahaarettennaadaaninne ha metuwaa be7ennaadan teqqibeenna gishshau, qanggettidaagaa gido.

Iyyooba Maxaafaa 3:12

Ta aayyiyaa tana aissi ba kiyuwan zaaradeeshsha? Ba xanttaakka tana aissi xanttadeeshsha?

Mazamure Maxaafaa 58:8

Eti maashidi saasso kiyiya xaadhdhiyaadan hanona; aayee uluwaappe boshettidi yelettida, poo7uwaa be7enna na7adan hanona.

Mazamure Maxaafaa 71:6

Taani yelettiyo wodiyaappe doommada nenan zemppaas; ta aayee uluwaappe wodhdhoosappe doommada neeni tana naagadasa. Ubbatonkka ta galatai neessa.

Eranchchaa Maxaafaa 4:2

Hegaa gishshau, taani, “Ha77i paxa de7iyaageetuppe kase haiqqiichchidaageeti keha” yaagaas.

Eranchchaa Maxaafaa 4:3

Gido shin, ha naa77aappekka aadhdhidi qassi, mule yelettibeennaageetu qaadai lo77o; aissi giikko, eti salo gufantton oosettiya naaquwaa muliyaa be7ibookkona.

Eranchchaa Maxaafaa 6:3

Issi asi xeetu naata gakkanau yelidi, adussa laittaa de7idi ceegganau danddayees; shin i bau imettidaban ufaittiyo qaadai au xayikko, qassi wurssettan bonchcho mooguwaakka moogettennan attikko, appe ba ayyee uluwan haiqqidi yelettida boshai keha gais.

Eranchchaa Maxaafaa 6:5

I awaa poo7uwaa be7ibeenna; de7obaikka aibakko eribeenna. Hinkko bitaniyaagaappe aadhdhidi shemppiyai a.

Isiyaasa 46:3

GODAI hagaadan yaagees; “Inttenoo, Israa7eelappe attidaageetoo, Yaaqooba zaretoo, taani yootiyoogaa siyite; intte yelettido wodiyaappe doommada taani inttena tookkaas.

Ermmaasa 15:10

Aayyee ta aayee! Tana yelennan aggarkkiishsha! Taani biitta ubban de7iya asaara ooyettiyaanne baaxetiya asa gidaas. Taani oossinne tal77abeikke, woikko ooppenne tal77ada ekkabeikke; gidikkonne, asai ubbai tana qanggees.

Ermmaasa 20:17

Aissi giikko, ta aayyiyaa taayyo duufo gidana malanne i uloikka tana merinau oiqqi uttana mala, tana uluwan woribeenna.

Hoose7a 9:14

Abeet GODAU, etau imma! Neeni etau ai immuutee? Neeni etau boshettiya uluwaanne melida xanttaa imma.