Iyyooba Maxaafaa 27:9 - Wolaytta Bible

⁹ Eta bolli metoi gakkiyo wode, Xoossai eta waasuwaa siyii?

Iyyooba Maxaafaa 27:9 ပူးပေါင်းရင်းမြစ်များ

Mazamure Maxaafaa 109:7

A qoriyo wode, i mooranchcha gididi beetto; a woosaikka ayyo simmidi gometo!

Mazamure Maxaafaa 18:41

Banttana maaddana mala waassidosona, shin ooninne eta ashshibeenna. GODAAKKA eti xeesidosona, shin i etau koyibeenna.

Mazamure Maxaafaa 18:42

Carkkoi pittidi efiyo baanadan taani eta liiqissaas; ogiyan de7iya urqqaadankka eta yedhdhaas.

Mazamure Maxaafaa 66:18

Taani ta wozanan nagaraa genttidaakko, Godai taayyo siyenna.

Leemiso Maxaafaa 1:27

Dagamai uushuwaadan intte bolli yiyo wode, metoi gotiyaadan intte bolli yiyo wode, tuggainne waayee intte bolli gakkiyo wode, taani inttena qilliiccana.

Leemiso Maxaafaa 1:28

“He wode eti tana xeesana; shin taani koyikke; eti tana minttidi koyana; shin demmokkona.

Leemiso Maxaafaa 28:9

Higgiyaa siyanaappe giidi, ba haittaa wora zaariya uraa woosai GODAA sheneyiyaabaa.

Isiyaasa 1:15

“Intte kushiyaa miccidi, intte woossiyo wode, taani ta aifiyaa intteppe genttana; intte daro woosaa woossikkokka, taani siyikke; aissi giikko, intte kushee suuttan munaqettiis.

Ermmaasa 11:11

Hegaa gishshau, GODAI eta hagaadan yaagees; 'Eti baqatidi attanau danddayenna metuwaa taani eta bolli ehaana. Eti taayyo waassinkka, taani etau siyikke.

Ermmaasa 14:12

Eti xoomikkokka, taani eta waasuwaa siyikke. Xuuggiyo yarshshuwaanne kattaa yarshshuwaa eti yarshshikkokka, taani eta yarshshuwaa ekkikke. Taani eta olan, koshaaninne boshan xaissana” yaagiis.

Hizqqeela 8:18

Hegaa gishshau, taani etaara hanqquwan gaittana. Taani etayyo qarettikkenne etappe issuwaanne ashshikke. Eti bantta cenggurssaa xoqqu oottidi, ta haittan waassinkka, taani etau siyikke” yaagiis.

Hoose7a 7:14

Bantta hiixan zin77idi zilaaloosonappe attin, bantta wozanaappe tana woossokkona. Kattaassinne woine eessaassi bantta bollaa mashshan qanxxiiddi, hara xoossata woossoosona; shin eti ta bolli makkalidosona.

Mikiyaasa 3:4

He wode eti GODAAKKO waassana, shin i etau zaarenna; i ba sinttaa he wode etappe qottana; aissi giikko, eti iita oosuwaa oottidosona.

Zakkaariyaasa 7:13

Ubbaappe Wolqqaama GODAI hagaadan yaagees; “Taani xeesido wode, eti siyennan ixxidoogaadan, eti xeesido wode, taanikka siyikke.

Luqaasa 13:25

Keettaawai denddidi, ba keettaa gorddirggin, karen intte eqqidi, ‘Godau, godau, nuussi dooyarkkii’ yaagidi xeessaa doommiyo wode, i zaaridi, ‘Intte awappe yiyaakko, taani inttena erikke’ yaagana.

Yohaannisa 9:31

Xoossaayyo yayyiya urainne Xoossai koyiyoobaa oottiya urai de7ikko, he uraabaa Xoossai siyiyoogaappe attin, nagaranchchatubaa siyenna.

Zaarettido Wogaa 1:45

Inttekka guyye simmidi, GODAA sinttan yeekkideta; shin GODAI intte yeehuwaa siyibeenna woikko ezggibeenna.

Yaaqooba 4:3

Xoossaa intte woossiyo wode, intte amuwaa polanau woosseeta; qassi intte qofai iita gidiyo gishshau demmekketa.