Iyyooba Maxaafaa 27:20 - Wolaytta Bible

²⁰ Dagamai di7uwaadan qoppennan eta bolli yaana; qammankka gotee eta denttidi efaana.

Iyyooba Maxaafaa 27:20 ပူးပေါင်းရင်းမြစ်များ

Kawotu Maxaafaa Naa77anttuwaa 19:35

He gallassi qammi GODAA kiitanchchai kiyidi, Asoore asai dunkkaanidosan issi xeetanne hosppun tammanne ichchashu sha7u attumaasaa woriis. Yaatin asai maallado suuridi be7iyo wode, haiqqida asaa ahai hegan kumiis.

Iyyooba Maxaafaa 15:21

Ubbaton daganttiya cenggurssai a haittan siyettees; i saro de7ais giishin, panggati a bolli yaana.

Iyyooba Maxaafaa 18:11

“Dagamai a dooddees; dagamai a guyyeera ginddiyaa matidi yedettees.

Iyyooba Maxaafaa 20:23

I miidi kallishin, Xoossai a qaxxayanau ba suulliya hanqquwaa a bolli gussana.

Iyyooba Maxaafaa 20:8

Aimuwaadan i paalli xayana; simmidikka beettenna; qammaa ajjuutaadan i xayi bayana.

Iyyooba Maxaafaa 21:18

Carkkuwaa sinttan eti suullaadan hanido wodee de7ii? Gotee pitti efiyo baanaadan eti hani eriyoonaa?

Iyyooba Maxaafaa 22:16

Eti bantta wodee gakkennan de7ishin haiqqidosona; eta de7uwaa baasoikka di7uwan meecetti xayiis.

Iyyooba Maxaafaa 24:18

“Iita asata di7o haattai quccidi efees; eta gakkida gadee qanggettidaagaa gidees. Ooninne eta woiniyaa turaa sohuwaa beenna.

Iyyooba Maxaafaa 34:20

Eti hekka bilahe akeekennan haiqqana; asai ubbaikka kokkoridi xayana; wolqqaamatikka ai asa kusheenne bochchennan kichchana.

Mazamure Maxaafaa 18:4

Haiquwaa hirggai wodorodan tana phuphphuriis; bashshai di7odan tana muukkiis.

Mazamure Maxaafaa 42:7

Ne soossuwaa gunttan ciimmai ciimmau alaahees; qassi ne beetainne ne hobbee ubbai ta bollaara goggiis.

Mazamure Maxaafaa 83:16

Abeet GODAU, asai ne sunttaa erana mala, neeni eta som77uwaa yeellaa maizza.

Mazamure Maxaafaa 90:5

Neeni asaa qoppennan di7uwaadan efaasa. Eti aimo mala; maallado maallado mokkiya maataa mala.

Kessaabaa 12:29

Qammau gina shaahuwan GODAI Gibxxen baira yelettida ubbaa, kawotaa araatan uttida kawuwaa baira na7aappe doommidi, qasho keettan de7iya omoodettidaageetu baira na7aa gakkanaassi, qassi baira yelettida mehiyaa ubbaa dippi oottiis.

Daaneela 5:30

He galla qammi morkketi gelidi, Baabiloone Kawuwaa Belshshaaxaara woridosona.

Yoonaasa 2:3

Neeni tana ciimma abbaa xaggau duge oladasa; haattai ta yuushuwaa dooddiis; ne dambbalainne ne beetai ta bollaara kanttidosona.