Iyyooba Maxaafaa 24:23 - Wolaytta Bible

²³ Xoossai eti saro de7anaadan oottikkokka, eta ogiyaa wochchees.

Iyyooba Maxaafaa 24:23 ပူးပေါင်းရင်းမြစ်များ

Iyyooba Maxaafaa 10:4

Ne aifee asa aife malee? Asi xeelliyoogaadan neeni xeellai?

Iyyooba Maxaafaa 11:11

Xoossai pattenna asata erees; iitabaa be7iyo wode, i coo aggenna.

Iyyooba Maxaafaa 12:6

Bonqqiyaageetu keettati saro de7oosona; Xoossaa yiilloyiyaageetikka hirggi bainnan de7oosona. Eta kushiyaa wolqqai eti goinniyo xoossa.

Iyyooba Maxaafaa 31:4

Xoossai ta hemetaa ubbaa be7ees; ta tangguwaa ubbaakka qoodees.

Iyyooba Maxaafaa 34:21

“Xoossai asaa hemetaa xeellees; a tanggo ubbaakka wochchees.

Mazamure Maxaafaa 10:5

Ubbabai au mule wodekka kumees; i otoruwaa meexxees. Ne higgee ayyo gelenna; ba morkketu bollan i qilliiccees.

Mazamure Maxaafaa 119:168

Taani ne wogaassinne neeni yootidobaassi azazettana; aissi giikko, ta ogiyaa ubbaa neeni be7aasa.

Leemiso Maxaafaa 15:3

GODAA aifeti ubbasaa xeelloosona; iitaa oottiyaageetakka lo77uwaa oottiyaageetakka be7oosona.

Leemiso Maxaafaa 5:21

Aissi giikko, asi oottiyoobaa ubbaa GODAI be7ees; i hemettiyo loosso ubbaa xeellees.

Eranchchaa Maxaafaa 5:8

Issi kawotettai ba biittan de7iya hiyyeesata naaqqishiininne pirddaa geellayishin neeni be7ikko, darin maalaalettoppa. Issi issi halaqau appe bollaara sunttettidi, a xeelliya hara halaqai de7ees. Qassi eta naa77aappekka bollaara sunttettidi, eta xeelliya hara halaqatikka de7oosona.

Eranchchaa Maxaafaa 8:11

Asi halchchidi iitabaa oottiyo gaasoi, iitabaa oottida asata eesuwan qaxxayiyaabi bainna gishshaassa.

Isiyaasa 56:12

Eti ubbaikka, “Haa yiite; woiniyaa eessaa ane uyoos. Ane nu mattoyiya ushshaa kumettaa ganoos! Wonttoikka hachchi mala gidana; woikko hachchippekka aadhdhi lo77ana” yaagoosona.

Amoxa 8:7

GODAI Yaaqoobi ceeqettiyo ba sunttan hagaadan yaagidi caaqqiis; “Taani eti oottido iita oosuwaa mulekka dogikke.

Amoxa 9:2

Eti biittaa bookkidi, Si7ooliyau duge wodhdhikkokka, taani eta hegaappe kessana. Saluwaa pude kiyikkokka, taani eta hegaappe duge wottana.

Imbbaaqooma 1:13

Ne aifeti daro geeshsha gidiyo gishshau, iitabaa xeellanau dosokkona; iitabai oosettiyo wode be7aidda co77u gaanau danddayakka. Yaatin, ha makkalanchchata aibissi co77u gaada xeellai? Nagaranchchati banttappe xilliya asata mittiyo wode aibissi co77u gai?

Luqaasa 12:45

SHin he ashkkarai, ‘Ta godai gam77idi yaana’ yaagidi, ba wozanan qoppidi, hara ashkkarata, attumaageetanne maccaageeta deshettaa doommikko, qassi meettaanne ushshaa doommikkonne mattottikko,

Koiro Tasalonqqe 5:3

Asai, “Ubbabai saro; aibikka hanenna” giishin, maccaasaa maaretai oiqqiyoogaadan, bashshai eti qoppennan eta bolli yaana. Eti mulekka kessi ekkokkona.

Ajjuutaa 2:23

Taani i naatakka worana; qassi woosa keetta ubbaikka taani asa qofanne amo eriyaagaa gidiyoogaa erana; taani intteyyo intte oosuwaa malaa immana.