Iyyooba Maxaafaa 22:7 - Wolaytta Bible

⁷ Neeni saamettidaageeta haattaa ushshabaakka; namisettidaageetakka qumaa diggadasa.

Iyyooba Maxaafaa 22:7 ပူးပေါင်းရင်းမြစ်များ

Iyyooba Maxaafaa 31:16

“Taani hiyyeesati woossidobaa diggabeikke; woikko am77eta minttettennan agga erikke.

Iyyooba Maxaafaa 31:17

Aawai aayyiyaa bainna naati mela aqiyo wode, taani ta qumaa tarkka mabeikke.

Iyyooba Maxaafaa 31:31

Taani ubbaton imattaa mokkiyoogaa ta ashkkarati taayyo markkattoosona.

Mazamure Maxaafaa 112:9

I hiyyeesa asaayyo darissidi immiis; qassi a xillotettai merinau de7ees; a kaceenne bonchchuwan xoqqu gees.

Leemiso Maxaafaa 19:17

Hiyyeesaassi kehiya asi GODAASSI tal77ees; GODAI he lo77o oosuwaa acuwaa qanxxees.

Isiyaasa 58:10

namisettidaagaa qumaa mizidi kalissikko, naaqettidaagaa i koyiyoobaa kalissikko, he wode intte poo7oi xuman poo7ana; intte qammaikka seeta gallassa gidana.

Isiyaasa 58:7

Qassi taani doorido xoomai namisettidaagau intte qumaa shaakkiyoogaa, keetti bainna hiyyeesata soo ekkiyoogaa, kallottidaageeta be7iyo wode, maizziyoogaa, maaduwaa koyiya intte dabbuwaappe intte sinttaa genttennan aggiyoogaa.

Hizqqeela 18:16

i oonanne huqqunnana xayikko, acuwaassi oiqqidobaa guyye zaarikko, i asabaa bonqqana xayikko, bau de7iyaabaappe namisettidaageeta mizikko, kallottidaageetakka maizzikko,

Hizqqeela 18:7

oonanne huqqunnana xayikko, acuwaassi oiqqidobaa guyye zaarikko, issi uraanne bonqqana xayikko, bau de7iyaagaappe namisettida asa mizikko, kallottidaagaa maizzikko,

Maatiyoosa 25:42

Aissi giikko, taani namisettin, tana mizibeekketa; saamettin ushshibeekketa.

Roome 12:20

SHin Xoossaa maxaafai, “Ne morkkee namisettikko, miza. Saamettikko, ushsha. Aissi giikko, neeni hegaa oottiyoogan a huuphiyan tamaa bonqquwaa qolana” yaagees.