Iyyooba Maxaafaa 22:26 - Wolaytta Bible

²⁶ “Hegaappe guyyiyan, neeni Ubbaa Danddayiya Xoossan tumu ufaittana; ufaittada yeellatenna Xoossaakko pude xeellana.

Iyyooba Maxaafaa 22:26 ပူးပေါင်းရင်းမြစ်များ

Iyyooba Maxaafaa 11:15

yaatikko, neeni xoqqu gaada yeellai bainnan ubbabaa xeellana; yashshiyaabi bainnankka minnada eqqana.

Iyyooba Maxaafaa 11:17

Ne de7oi seetaa awaappekka aadhdhidi poo7ana; ne de7uwaa xumaikka maallado poo7uwaa mala gidana.

Iyyooba Maxaafaa 22:25

Ubbaa Danddayiya Xoossai neeyyo worqqanne doorettida bira gido.

Iyyooba Maxaafaa 27:10

Ubbaa Danddayiya Xoossan eti ufaittanee? Eti ubba wode Xoossaa xeesanee?

Iyyooba Maxaafaa 33:26

He bitanee Xoossaa woossana; woossin Xoossai a woosaa siyana. Xoossai ayyo a xillotettaa zaariyo gishshau, i ufaissan Xoossaassi goinnana.

Iyyooba Maxaafaa 34:9

Waanidi giikko, i, 'Asi Xoossaa ufaissana giidi oottiyoobi ainne maaddenna' yaagees.

Mazamure Maxaafaa 119:6

Yaatikko, ne azazuwaa ubbaa ezggada, taani mulekka yeellatikke.

Mazamure Maxaafaa 143:8

Taani nena ammanettiyo gishshau, maallado aggenna ne siiquwaabaa tana sissa. Taani ta shemppuwaappe nena woossiyo gishshau, taani baanau bessiya ogiyaa tana tamaarissa.

Mazamure Maxaafaa 25:1

Abeet GODAU, ta shemppuwaappe nena woossais.

Mazamure Maxaafaa 37:4

GODAN ufaitta; i neeyyo ne wozanaa amuwaa immana.

Mazamure Maxaafaa 86:4

Abeet Godau, taani ta shemppuwaappe nena woossiyo gishshau, tana, ne ashkkaraa ufaissa.

Siiquwaa Sabaa 2:3

“Ta siiqoi hara wodallatu giddon xeelliyo wode, woran de7iya appiliyaa giyo mittaa milatees; tana keehi ufaissin, a kuwaa giddon uttaas; a aifee min, tana keehi mal77ees.

Isiyaasa 58:14

he wode intte GODAN ufaittana. Qassi taani inttena daro bonchchettidaageeta oottana; intte aawaa Yaaqooba biittaappe laatettidabaa intte maanaadan, taani inttena oottana. Taani GODAI hagaa haasayaas” yaagees.

Roome 7:22

Aissi giikko, taani ta wozana giddon Xoossaa higgiyan ufaittais;

Koiro Yohaannisa 3:22

Nuuni a azazuwaa naagiyo gishshaunne a ufaissiyaabaa oottiyo gishshau, woossiyo ubbabaa appe ekkoos.