Iyyooba Maxaafaa 22:13 - Wolaytta Bible

¹³ SHin neeni, 'Xoossai ai erii? I hegaa mala, sakkana xumaa giddoorakka pirddanau danddayii?

Iyyooba Maxaafaa 22:13 ပူးပေါင်းရင်းမြစ်များ

Iyyooba Maxaafaa 34:22

Iitaa oottiyaageeta Xoossaappe genttanau danddayiya sakkana xumi baawa.

Mazamure Maxaafaa 10:11

I ba wozanan, “Xoossai tana dogiichchiis. Ba som77uwaa taappe genttiichchiis; mulekka i be7enna” yaagees.

Mazamure Maxaafaa 139:11

Taani, “Xumau, tana gentta; poo7uwau, qammau laametta” yaagiyaakkokka,

Mazamure Maxaafaa 139:7

Taani neeppe au baanau danddayiyaanaa? Woikko ne sinttaappe au baqatanau danddayiyaanaa?

Mazamure Maxaafaa 59:7

Hekko, eti bantta doonan haasayidi salokkona; eta inxxarssai bisuwaa mala. Eti biron, “Ooninne siyenna” giidi qoppoosona.

Mazamure Maxaafaa 64:5

Eti bantta iita maqquwaassi issoi issuwaa minttettoosona; bantta piriyaa qottiyoosaa zorettoosona. Eti, “A ooni be7anee?” yaagoosona.

Mazamure Maxaafaa 73:11

Eti, “Xoossai nubaa ainne erenna; Ubbaappe Xoqqiya Xoossai ainne be7enna” yaagoosona.

Isiyaasa 29:15

Bantta halchchuwaa ciimmayidi, GODAAPPE qottiyaageetussi, bantta oosuwaa xuman oottiiddi, “Nuna ooni be7ii? Nuna ooni erii?” yaagiyaageetussi aayye7ana!

Ermmaasa 23:24

Taani be7ennaadan, geema sohon bana qottanau asi danddayii? Saluwaaninne sa7an kumidaagee tana GODAA gidikkinaa?” yaagees.

Hizqqeela 8:12

Qassi i tana hagaadan yaagiis; “Laa asa na7au, hagaa Israa7eela asaa cimati ubbaikka xuman bantta eeqa misiliyaa keettan eti oottiyoobaa be7ai? Aissi giikko, eti, 'GODAI nuna be7enna; GODAI ha biittaa aggiis' yaagoosona” yaagiis.

Hizqqeela 9:9

I zaaridi, taayyo hagaadan yaagiis; “Israa7eelanne Yihudaa nagarai keehi dariis; biitta ubban suuttaa gussiyaageeti kumidosona; qassi katama ubban tumu pirddaa geellayiyaageeti kumidosona. Aissi giikko, asai, 'GODAI ha biittaa aggiis; GODAI be7enna' yaagoosona.

Amoxa 9:2

Eti biittaa bookkidi, Si7ooliyau duge wodhdhikkokka, taani eta hegaappe kessana. Saluwaa pude kiyikkokka, taani eta hegaappe duge wottana.

Amoxa 9:3

Eti Qarmmeloosa Deriyaa xeeran qosettikkokka, taani eta koyada hegaappe kessana. Abbaa ciimmaa giddo gelidi, ta sinttaappe geemmikkokka, taani miimminttiyaa azazin, i eta dukkana.

Sofonaasa 1:12

He gallassi taani Yerusalaame gidduwaa xomppiyan koyana; koyada hirggi bainnan badhdhi gi uttidi, bantta wozanan, 'GODAI lo77obaanne oottenna; iitabaanne oottenna' yaagiyaageeta taani qaxxayana.