Iyyooba Maxaafaa 21:26 - Wolaytta Bible

²⁶ Haiqqidi eti naa77aikka issi mala biittan moogettoosona; eta naa77aakka guxuneti kammoosona.

Iyyooba Maxaafaa 21:26 ပူးပေါင်းရင်းမြစ်များ

Iyyooba Maxaafaa 17:14

Duufuwaa taani, 'Neeni ta aawaa' yaagana; guxuniyaakka, 'Neeni ta aayyiyo' woikko 'Ta michchiyo' yaagana.

Iyyooba Maxaafaa 19:26

Ta gogai meetetti wurikkonne, taani ta ashuwaappe shaahettada, Xoossaa be7anaagaa erais.

Iyyooba Maxaafaa 20:11

Payyanne mino gidiya a bollai guutta wodiyaappe guyyiyan, biitta kiyana.

Iyyooba Maxaafaa 21:25

SHin hara asi a shemppuwan azzanoi paccennan, ba de7on mulekka lo77obaa demmennan haiqqees.

Iyyooba Maxaafaa 21:27

“Intte tana naaqqanau qoppidi, intte wozanan halchchido halchchuwaa muliyaa taani loittada erais.

Iyyooba Maxaafaa 24:20

Hari attin, yelida aayetikka eta hassayokkona. Guxunee eta ashuwaa mal77in mees. Eta iita oosoikka wullida mittaadan meqqana.

Iyyooba Maxaafaa 3:13

He wode taani haiqqidabaa gidiyaakko, ha77i shemppada xiskkaas shin! Qolettida sohota banttau zaaretti keexxida sa7aa kawotuuranne eta zoriyaageetuura, worqqai de7iyoonne bantta keettan biraa kunttida halaqatuura issippe duufuwan zin77aas shin!

Mazamure Maxaafaa 49:14

SHuhau qorettida dorssatudan, eti duufuwau doorettidosona; haiqoi eta henttanchchaa gidana. Suureti maallado eta haarana; eti bantta yallisa keettaappe haakkidi, duufuwan musana.

Eranchchaa Maxaafaa 9:2

Dummatetti bainnan de7ishin, ubbaa gakkiya qaadai issuwaa; xillo gidin makkalanchcha gidin, lo77o gidin iita gidin, geeshsha gidin tuna gidin, yarshshuwaa yarshshiyaagaa gidin yarshshennaagaa gidin, eta ubbaa qaadai issuwaa. Lo77o asassi nagaranchchaagaappe kehiya qaadi baawa; caaqo caaqqanau yayyiyaageekka caaqqanau xaliyaagaappe dummatenna.

Eranchchaa Maxaafaa 9:3

Asa ubbaa qaadai issuwaa gidiyoogee, ha sa7an de7iya hara iitatettaakka mala daro iita. Asi de7uwan de7ido laittan ubban a wozanai iitatettaaninne gooshshan kumidi de7ees; wurssettan haiqqi aggees.

Isiyaasa 14:11

Kase diittaa diixxiiddi sabbiyo ne bonchchoi Si7ooliyan duge geliis. Duuchchati neeni zin77iyo hiixa; guxunetikka neeni maayiyo afala gidana' yaagana.