Iyyooba Maxaafaa 21:16 - Wolaytta Bible

¹⁶ Eti bantta ishalo de7uwaa bantta minotettan demmida goosona; shin taani eta qofaa ekkikke.

Iyyooba Maxaafaa 21:16 ပူးပေါင်းရင်းမြစ်များ

Doomettaabaa 49:6

Taani eta zoretan gelikke; taani eta shiiquwankka uttikke. Aissi giikko, eti bantta hanqquwan asa woridosonanne banttana ekka ekka gin, boorata gilddayidosona.

Iyyooba Maxaafaa 1:21

hagaadan yaagiis; “Taani ta aayee uluwaappe kallo yelettaas; haiqqiyoodekka taani ekkada biyoobi baawa. GODAI immiis; GODAI zaaridi ekkiis. GODAA sunttai galatetto” yaagiis.

Iyyooba Maxaafaa 10:3

Neeni tana huqqunnanau bessii? Neeni ne kushiyan medhdhido uraa kariyoogee, qassi iitatu halchchuwaa polissiyoogee lo77oo?

Iyyooba Maxaafaa 22:18

Gidikkonne, eta keettan lo77obaa kunttidaagee Xoossaa. Hegaa gishshau, iita asatu qofai taayyo gelenna.

Mazamure Maxaafaa 1:1

Iitatu zoriyan beennaagee, woikko nagaranchchatu ogiyan eqqennaagee, qilliicciyaageetu shiiquwan uttennaagee hegee anjjettidaagaa.

Leemiso Maxaafaa 1:10

Ta na7au, nena nagaranchchati balettikko, eeno gooppa.

Leemiso Maxaafaa 5:8

SHaaramuxa maccaasee heeri booppa; i keettaa penggiyaakko shiiqoppa.

Eranchchaa Maxaafaa 8:8

SHemppoi shaahettidi biyo gallassi oiqqidi, teqqanau danddayiya asi baawa; woikko haiqoi ba gallassan yeennaadan digganau danddayiya asikka baawa. Hegee ooninne kessi ekkanau danddayenna ola. Hegaa gishshau, haiquwaa sinttan iitatetti iitaa oottiya uraa ashshi ekkenna.

Luqaasa 16:2

Ba sunttido bitaniyaa xeesidi, ‘Ha nena asai giyoogee aibee? Hagaappe sinttan neeni taappe garssaara suntta gidanau danddayenna gishshau, ne kushiyan de7iya ta miishsha ubbaa hamma’ yaagiis.

Luqaasa 16:25

“SHin Abrahaami yaagiis; ‘Ta na7au, neeni ne de7uwaa wodiyan lo77obaa ekkin, Al77aazari iitabaa ekkidoogaa hassaya; shin ha77i i hagan ufaittiyo wode, neeni paxa kaa7ettaasa.