Iyyooba Maxaafaa 2:11 - Wolaytta Bible

¹¹ Iyyooba laggeti heezzati, Temaana biittaappe Elifaazi, SHuuha biittaappe Bilddaadinne Naa7ima biittaappe Xoofaari Iyyooba bolli gakkida metuwaa siyido wode, ayyo qarettanaunne a minttettanau bantta sooppe bantta sooppe qaagetti ekkidi, issippe akko yiidosona.

Iyyooba Maxaafaa 2:11 ပူးပေါင်းရင်းမြစ်များ

Doomettaabaa 25:2

A Ziimiraana, Yoqishaana, Madaana, Midiyaama, Yishibaaqanne SHuha ayyo yelaasu.

Doomettaabaa 36:11

Elifaaza naati Temaana, Omaara, Xafa, Ga7itaamanne Qanaaza.

Doomettaabaa 36:15

Eesawa yeletaa halaqati hagaappe kaallidi xaafettidaageeta. Eesawayyo baira na7aa Elifaaza attuma naati, halaqa gididaageeti Temaana, Omaara, Xafa, Qanaaza,

Doomettaabaa 36:34

Yobaabi haiqqin, Temaana biittaappe yiida Hushaami kawotiis.

Doomettaabaa 37:35

A attuma naatinne macca naati ubbai a minttettanau yiidosona; shin i minnennan ixxiis; ixxidi, “CHii, taani yeekkaidda ta na7aakko baada, duufuwan gelana” yaagidi, a aawai ayyo yeekkiis.

Hanidabaa Odiya Koiro Maxaafaa 1:32

Abrahaama kaadumatee Qaxuri attuma naati Ziimiraana, Yoqishaana, Madaana, Midiyaama, Yishibaaqanne SHuha. Yoqishaana attuma naati Saabanne Dadaana.

Hanidabaa Odiya Koiro Maxaafaa 1:45

Yobaabi haiqqin, Temaana biittaappe yiida Hushaami a sohuwan kawotiis.

Hanidabaa Odiya Koiro Maxaafaa 7:22

Hegaa gishshau, eta aawai Efireemi daro wodiyaa azzaniis; azzanin a ishantti a minttettanau yiidosona.

Iyyooba Maxaafaa 11:1

Yaagin Naa7ima biittaappe yiida Xoofaari zaaridi, hagaadan yaagiis;

Iyyooba Maxaafaa 13:4

Intte erenna asa gidiyoogee erettennaadan, wordduwan kammeeta; intte ubbaikka pattenna aakimeta.

Iyyooba Maxaafaa 15:1

Yaagin Temaana biittaappe yiida Elifaazi hagaadan yaagidi zaariis;

Iyyooba Maxaafaa 16:2

“Taani hagaa mala haasayaa daruwaa siyaas; intte minttettoos giiddi, tana metiyaageeta.

Iyyooba Maxaafaa 16:20

Ta laggeti tana karidi xeelloosona; ta aifee Xoossaa sinttan afuttaa tigees.

Iyyooba Maxaafaa 18:1

Hegaappe guyyiyan, SHuuha biittaappe yiida Bilddaadi hagaadan yaagidi zaariis;

Iyyooba Maxaafaa 19:19

Ta mata laggeti ubbai tana shenetoosona; taani siiqidoogeetikka taayyo zokkuwaa zaaridosona.

Iyyooba Maxaafaa 19:21

“Inttenoo ta laggetoo, Xoossaa kushee tana dechchido gishshau, taayyo qarettite.

Iyyooba Maxaafaa 4:1

Hegaappe guyyiyan, Temaana biittaappe yiida Elifaazi zaaridi, hagaadan yaagiis;

Iyyooba Maxaafaa 42:11

Hegaappe guyyiyan, a ishati, a michchetinne kase a eriyaageeti ubbati akko yiidosona; yiidi a son aara gibiraa miidosona. Ayyo azzanidi, GODAI a bolli ehiido meto ubbaappe a minttettidosona. Qassi ubbaikka ayyo worqqa migiduwaanne biraa immidosona.

Iyyooba Maxaafaa 42:7

GODAI hagaa Iyyoobassi haasayidoogaappe guyyiyan, Temaanappe yiida Elifaaza hagaadan yaagiis; “Ta ashkkaraa Iyyoobadan, intte tabaa likke haasayibeenna gishshau, ne bollinne ne naa77u laggetu bolli ta hanqqoi eexxi kiyiis.

Iyyooba Maxaafaa 42:9

Hegaappe guyyiyan, Temaanappe yiida Elifaazi, SHuuhappe yiida Bilddaadinne Naa7imappe yiida Xoofaari biidi, GODAI eta azazidoogaadan oottidosona. GODAIKKA Iyyooba woosaa siyiis.

Iyyooba Maxaafaa 6:14

“Metuwan de7iya uri Ubbaa Danddayiya Xoossaassi yayyiyoogaa aggiyaakkokka, a laggeti ayyo kehatettaa bessanau koshshees.

Iyyooba Maxaafaa 6:19

Teema biittaa zal77anchchatinne Saaba biittaa manddarati haattaa demmana giidi, koshshaa buusidosona.

Iyyooba Maxaafaa 8:1

Hegaappe guyyiyan, SHuuha biittaappe yiida Bilddaadi zaaridi, hagaadan yaagiis;

Leemiso Maxaafaa 17:17

Laggee mule wodekka siiqees; ishaikka metuwaa wode maaddanaassi yelettees.

Leemiso Maxaafaa 18:24

Daro laggee de7iyo asi xayana; shin ishappe aadhdhidi ammanttiya laggee de7ees.

Leemiso Maxaafaa 27:10

Ne siiqo laggiyaanne ne aawaa siiqo laggiyaa aggoppa; nena metido wode ne ishaa soo booppa. Haahuwan de7iya ishaappe matan de7iya shooroi keha.

Isiyaasa 51:19

Dakko daro bashshai ne bollan gakkiis; yaatin, nena oonee minttanau danddayiyai? Hegeetikka kolettaa, bashshaanne bisuwaa. Yaatin, taani nena waatada minttettanee?

Ermmaasa 49:7

Eedooma biittaa xeelliyaagan Ubbaappe Wolqqaama GODAI hagaadan yaagees; “Temaana asaayyo aadhdhida eratettai baawee? Cincca asatuppe zoree xayiichchidee? Eta aadhdhida eratettai etappe goossiichchidee?

Abddiyyu 1:9

Inttenoo, Temaana asatoo, intte olanchchati dagammana; Eesawa Deriyaa bolli de7iya asai ubbaikka goora7ettana.

Yohaannisa 11:19

Daro Aihudati Marttonne Mairaamo eta ishai haiqqidoogau minttettanau yiidosona.

Roome 12:15

Ufaittiyaageetuura ufaittite; yeekkiyaageetuurakka yeekkite;

Koiro Qoronttoosa 12:26

Bollaa qommotuppe issoi seelettikko, bollaa qommoti ubbaikka aara seelettoosona; bollaa qommotuppe issoi bonchchettikko, bollaa qommoti ubbai aarakka ufaittoosona.

Ibraawe 13:3

Qasho keettan de7iyaageetubaa inttekka etaara issippe qasho keettan de7iyoogaadan qoppite; qassi intte intte huuphen waayettiyoogaadan, waayettiyaageetubaa qoppite.

Yaasu Maxaafaa 15:41

Gaderoota, Beeti-Daagoona, Naa7imaananne Maqqeeda. Ha katamati bantta moottatuura issippe tammanne usuppuna.