Iyyooba Maxaafaa 15:21 - Wolaytta Bible

²¹ Ubbaton daganttiya cenggurssai a haittan siyettees; i saro de7ais giishin, panggati a bolli yaana.

Iyyooba Maxaafaa 15:21 ပူးပေါင်းရင်းမြစ်များ

Kawotu Maxaafaa Naa77anttuwaa 7:6

Aissi giikko, GODAI paraa gaaretunne paratu gurubaanne daro olanchchatu cenggurssaa Sooriyaa asata sissiis. Yaatin eti issoi issuwaa, “Siyite, Israa7eela kawoi nuna olissanau, Hiitetunne Gibxxetu kawota keraa qanxxidi ehiis” yaagidosona.

Asttiri Maxaafaa 7:6

Oichchin Asttira, “Nu morkkee, nuna yedettiyaagee hagaa ha iitaa Hamaana” yaagaasu. He wode Hamaani kawuwaa sinttaaninne kawee sinttan daro dagammiis.

Iyyooba Maxaafaa 15:24

Metoinne tuggai olau kiyida kawuwaadan a daganttana.

Iyyooba Maxaafaa 18:11

“Dagamai a dooddees; dagamai a guyyeera ginddiyaa matidi yedettees.

Iyyooba Maxaafaa 18:14

I hirggi bainnan de7iyo ba keettaappe yedetettees; eti Haiquwaa giyo kawuwaakko, a efoosona.

Iyyooba Maxaafaa 20:21

i miidoogaappe guyyiyan, aibinne attenna. Hegaa gishshau, a duretettai gam77enna.

Iyyooba Maxaafaa 22:10

Ne yuushuwan gitee dooddi uttidoogee hegaassa; akeekennan yashshai nena kokkorssiyoogeekka hegaassa.

Iyyooba Maxaafaa 24:17

Eta gallassa poo7oi yashshees; shin qamma xumai eta daganttenna.

Iyyooba Maxaafaa 27:20

Dagamai di7uwaadan qoppennan eta bolli yaana; qammankka gotee eta denttidi efaana.

Mazamure Maxaafaa 92:7

Hegeenne, iitati maataadan diccikkokka, iita oottiya ubbati daayikkokka, eti merinaayyo xayana.

Leemiso Maxaafaa 10:24

Iita urai hirggidobai a bolli gakkana; shin xilloi amottidobai imettana.

Leemiso Maxaafaa 28:1

Iitati ooninne yedettennan baqatoosona; shin xilloti gaammo mala xala.

Ermmaasa 6:26

Hai ta asau, waaruwaa maayidi, bidinttan gonddorettite; ba mexi issi na7aassi yeekkiyaabaadan misho yeehuwaa yeekkite. Aissi giikko, xaissiyaagee akeekennan de7ishin, nu bolli yaana.

Wogaabaa 26:36

“Intte intte morkketu biittan de7iyo wode, intteppe shaahettidi, guyye attidi de7iyaageetu wozanan taani yashshaa yeddana; carkkoi qaattiyo bonccuwaa cenggurssai eta shabbirana; eti bisuwaappe baqatiyaabaadan baqatana; qassi eta ooninne yedettennan eti kunddana.

Koiro Qoronttoosa 10:10

Etappe issooti issooti zuuzummin, haiqo kiitanchchai eta xaissidoogaadan zuuzummoppite.

Koiro Tasalonqqe 5:3

Asai, “Ubbabai saro; aibikka hanenna” giishin, maccaasaa maaretai oiqqiyoogaadan, bashshai eti qoppennan eta bolli yaana. Eti mulekka kessi ekkokkona.

Ajjuutaa 9:11

A haariya kawoi de7ees. He kawoi ciimma ollaa kiitanchcha. A sunttaikka Ibraisxxe qaalan Abddoona; qassi Giriike qaalan Apholiyoona geetettees. Apholiyoona giyoogau birshshettai, xaissiyaagaa giyoogaa.