Iyyooba Maxaafaa 15:19 - Wolaytta Bible

¹⁹ Ha biittai eta xalaalaassi imettiis; hara biittaa asaa timirttee eta giddon walahettibeenna.

Iyyooba Maxaafaa 15:19 ပူးပေါင်းရင်းမြစ်များ

Doomettaabaa 10:25

Eboorau naa77u attuma naati yelettidosona. Issuwaa sunttai Peeleega; aissi giikko, sa7an de7iya asai a wodiyan shaahettiis; a ishaa sunttai Yoqixaana.

Doomettaabaa 10:32

Hageeti bantta yaran yaraaninne bantta kawotettan kawotettan xaafettida Nohe attuma naatu zareta. Bashshaa haattaappe simmin, kawotettati hageetuppe sa7a ubbau laalettidosona.

Iyyooba Maxaafaa 15:18

Aadhdhida eranchcha asati bantta maizza aawatuppe demmido eratettaa genttennan tana tamaarissidosona.

Iyyooba Maxaafaa 15:20

“Asa huqqunnidi de7iya iita asi, ba de7o laitta ubban tuggi appe shaahettenna.

Yuu7eela 3:17

Taani ta geeshsha deriyan Xiyoonen de7iya GODAA intte Xoossaa gidiyoogaa intte he wode erana. Yerusalaame katamai geeshsha gidana; qassi allagati naa77antto Yerusalaame woraajjokkona.

Zaarettido Wogaa 32:12

Hara allaga xoossi bainnan, GODAA xalaalai ba asaa kaalettiis.

Zaarettido Wogaa 32:8

Ubbaappe Wolqqaamai kawotettatuyyo eti de7iyoosaa laatissido wode, asaa naata eta zariyan zariyan shaakkido wode, Israa7eela asaa qoodaadan, eta zawaa essiis.