Iyyooba Maxaafaa 12:7 - Wolaytta Bible

⁷ “SHin neeni ane meheta oichcha; eti nena tamaarissana. Woikko saluwaa kafota oichcha; eti neeyyo yootana.

Iyyooba Maxaafaa 12:7 ပူးပေါင်းရင်းမြစ်များ

Doomettaabaa 1:21

Yaatidi Xoossai abban de7iya gita do7ata, haatta giddon woxxi qaaxxiya meretata ubbaanne qefiyaara de7iya kafuwaa ubbaa a qommuwan qommuwan medhdhiis. Medhdhidi Xoossai hegee lo77o gididoogaa be7iis.

Doomettaabaa 1:25

Xoossai do7ata eta qommuwan qommuwan, mehetakka eta qommuwan qommuwaaninne, biittaara gooshettiya meretatakka ubbaa eta qommuwan qommuwan medhdhiis. Medhdhidi Xoossai hegee lo77o gididoogaa be7iis.

Iyyooba Maxaafaa 12:6

Bonqqiyaageetu keettati saro de7oosona; Xoossaa yiilloyiyaageetikka hirggi bainnan de7oosona. Eta kushiyaa wolqqai eti goinniyo xoossa.

Iyyooba Maxaafaa 12:8

Woikko sa7aara gooshettiya meretati nena tamaarissana; abbaa moletikka neeyyo odana.

Iyyooba Maxaafaa 8:10

Eti nena tamaarissona, neeyyo yootonanne bantta akeekidobaappe haasayona.

Leemiso Maxaafaa 30:24

Sa7aa bolli oiddu guutta meretati de7oosona; shin eti keehi aadhdhida eranchcha.

Leemiso Maxaafaa 6:6

Inttenoo azallatoo, qaacotukko biite; biidi etappe tamaarite. Yaatidi aadhdhida eranchcha gidite.

Isiyaasa 1:3

Boorai ba godaa erees; hareekka bana haaridaagaa zadaluwaa erees; shin Israa7eelati erokkona; ta asati akeekokkona.

Ermmaasa 8:7

Harai atto, shimalaa giyo kafoti bantta wodiyaa eroosona; haraphpheti, dagicetinne waaliyaa giyo kafoti bantta simmiyo wodiyaa naagoosona; shin ta asai GODAA wogaa erenna.

Roome 1:20

Beettenna a hanotai hegeekka a merinaa wolqqainne a Xoossatettai issippe Xoossai ha sa7aa medhdhoosappe doommidi, etau qonccidi beettiis; eti hegaa Xoossai medhdhidobaappe be7anau danddayiyo gishshau, etau gaasoyiyoobi baawa.